Yuána 17:25 - Fayam Midhab Yiesu Kiristoká He Hol Af Iđiny Kaanaká

²⁵ ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 17:25 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 10:15

hát káána ˈJaachú ye óg-, yú úba ˈJaachú ógallá. Sídhchú wála ha yú ˈdú silmia.

Yuána 15:21

ˈDaa giri itín hí gálchú-, ubaa Máá ye ali gáá kaayká gaalí muogká, in gaalí hatallá maanyjasia.

Yuána 16:27

ˈJaachú íín hé hí giel, ˈdaa giri itín hí ye giel-, ubaa yú hát Waag gáá yimieká hí iiy chieká.

Yuána 16:3

Gaal hí hééllá ki ekemeyóóllá he ˈdaa giri gaal ˈJaachú ubaa yú nyí muogká.

Yuána 16:30

Aaléka, hát kuun he lulle óg-, máá ko ˈdéé hol ˈdu gáá nannuo-, mánká nyáá nyí argiyye. Hééllá in hát kuun Waag gáá chimieká nyí iiy hoy, gaalí mú yie.

Yuána 17:11

Yú yáá lésallá ma gaa iđiny, yú bííy kua mé ká nannaa, gaal íín lésallá he kí ˈgiita. ˈJaa chia saas mánnallo, meeny kua ye ká shiichééllá ˈdaalleka, gáál in ki ˈdé. Hát muun ke tikiˈdééllá, gaal íín úba hí tikiˈd yeet.

Yuána 17:18

Hát ye les ali ˈdu gáá kaayyééllá, yú úba yáá gáál alb fie.

Yuána 17:21

giri gaal lulle tikiˈd yegetká. Baabá, hát kuun ye gaa iđo-, yú ko gaa ijóóllá, gaal íín úba hí muun gáál gaa yíéđuo, giri les gálle hát kuun ye ali gáá kaayyeká iiy yegetká.

Yuána 17:23

Hát yú gáál gaa ijo-, kuun ye gaa iđóóllá, gaal hí hát ˈdabaanká tikiˈd yeet, giri les gálle hát kúún ye ali gáá kaayye-, gielmit kuun hí ye gielká, úba kuun hí gáál gielká kiimisatká.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 17:8

Fayam ye ka shiicheká yáá gáál shie, hé gaalí iiy yie. Gaal hát yú ko yé gáá ˈdieká hé eiy naate, tá kuun hát ye ali gáá kaayyeká úba hé iiy yie.

Yuána 3:17

Waag Inyle ali gáá kaayyééllá hé gálaat ˈdeđensetoká ma ka múriny, Íny ˈdaalle gálaat rubach ki shigichoká he feˈde.

Yuána 6:19

Aalé gaal bás hurtéétí ˈdoyká, gaal máádhat bás ˈdug see, kadich kí ˈjobóndhe argeká, đo seerey.

Yuána 7:29

Yú íín ˈdaa giri mú álle gáá yimie-, mu ye ali gáá kaayká yáá mú óg, Yíésu hí gáál yie.

Yuána 8:19

Aalé gaal mú heete, kieye, ˈJaakú aake? gaalí mú yie. Yíésu gáál ˈdéé hol ˈdú nie, kieye, Ití ye muog, ˈJaachú úba it muog. Itín hí ye onnônyka, it ˈJaachú úba óg, muí gáál yie.

Yuána 8:55

Har káána itín hí mú móíytaka, yú yáá mú óg. Tá yáá mú muog, yú yieka, af kinaalka hát itín hí hódho lééllá yú úba yáá hódho lé. Yú íín yáá mú óg, mú ˈdeenyle ki yaal.

He Ekeny Gál Alb Fimiká 17:23

Yú af giri ˈjienkícho gaa seseme-, hé giri hí waagam ki ˈditeká yú dhaˈgameká, kúb suoryo gaalí gaar gaa ˈgeˈgey-, gaar veeritle kieye,hééllá waag gaalí muogká ke ki ˈdisse, chieká yú arge. Waag hí muog-, kor hí vivisat kinaallá he Waag yú hí kí ˈdiyeenallá.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 1:28

Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Róóma 3:11

Hé máá níínní ˈdaallé-, Waag hol gaa ˈgeˈgedhoká mán.

Róóma 3:26

Hééllá muí il er níéllá, he ˈdaa giri mu gáál nog ki sesemeká. Tá báralka, suor Yiesúúllá Waag hát he ˈdúwaká gáál ká aargisicha. Héétí gál Yíésu iiy yegetká in Waag hí gál ˈdúwaká chegedhe.

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Héberew 8:11

Gaal af kinaallá hé gállé Yisirayel yíekaʼ, gállé hol léká yíekaʼ he a tatuo-, kieye, Máá Guđo Waag ónob, yegetká mán. Hééllá he ˈdaa giri gálaat lulle-, máá guđoká yíekaʼ, máá ninniká yíekaʼ, ye onodheká.

Yuána Erká 1:9

Tá ke Waag makan fame-, hát ke he ˈdeeneyká ke Waag geeyka, Waag he Máá ˈdúwa-, taglé-, nyuogimkúnno ubaa ađaabanokúnno ˈdaalleka, gáál ˈdú ˈjeˈjeen-, gáál nyuogim ubaa ađaabano lulle gaa dhidhiroká.

Kí Edhesiny 13:8

Ameeny gál les ˈdug ˈdú ijo-, meetle Waag hátlé les ma ka kúóninyká Waag hí Élíny gaalí yieská warˈgatlé luolmitiká ma gaa véérinyká binich met les kurram hai gaa ˈdarama, binich hai meeye.

Kí Edhesiny 16:5

Aalé yú máá ˈgasso-, urru-, biet mé ki yaalallá af maale, mu kieye, Kó ˈdúwa-, saas mán-, kis ali iđe-, tá bííyyo ali iđóóllo, yaalmit giri kuuní gálaat ˈdeem ki iđimichóóllá he yaalmit ˈdúwaká.