Yuána 17:21 - Fayam Midhab Yiesu Kiristoká He Hol Af Iđiny Kaanaká

²¹ giri gaal lulle tikiˈd yegetká. Baabá, hát kuun ye gaa iđo-, yú ko gaa ijóóllá, gaal íín úba hí muun gáál gaa yíéđuo, giri les gálle hát kuun ye ali gáá kaayyeká iiy yegetká.

Yuána 17:21 ပူးပေါင်းရင်းမြစ်များ

Márko 3:24

Les gálle hol af ká điidhe-, hol tuutuneka, hé hol af ma chochony.

Yuána 10:16

Yú yáá wala éíy taaka ˈdeeyééllá gaa láká ˈguo. Wala kinaallá úba ha yú ká ˈdaanna. Wala kinaallá úba af ha ye maala. Waláállá lulle me tikiˈd haí yeedhe, máállé hí ˈdeˈdeenká tikiˈde.

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 10:38

Tá yáá hé midhab kinaallá ekemeyo. Har úba káána hí ye iiy ma chegenka, hé midhab yú ekemeyoká iiy yiedhíe. Hát kinaallá in hát ˈJaachú ye gaa ijo-, ˈJaachú íín yú gaa ijoká hí kiimisata, hí eiy naasata, Yíésu hí gáál yie.

Yuána 11:42

Hát kúún aadh lulle ye af mamalloká yáá óg. Tá gál állá ˈgíéllá ˈdaalle ˈdugaka in yú hééllá ki hodhe, giri hát kuun ye ali gáá kaayyeká gaalí iiy yegetká, yie.

Yuána 13:32

Waag mú ki ˈduwayyeka, af kinaalka Waag íín đo ál ˈjob mú hollo hol ki ˈduuwaycha.

Yuána 13:35

Itín hí hol geelneteka, hát kinaallá in gálaat lulle hát itín hí lalichúká kiimita, Yíésu hí lalille yie.

Yuána 17:11

Yú yáá lésallá ma gaa iđiny, yú bííy kua mé ká nannaa, gaal íín lésallá he kí ˈgiita. ˈJaa chia saas mánnallo, meeny kua ye ká shiichééllá ˈdaalleka, gáál in ki ˈdé. Hát muun ke tikiˈdééllá, gaal íín úba hí tikiˈd yeet.

Yuána 17:18

Hát ye les ali ˈdu gáá kaayyééllá, yú úba yáá gáál alb fie.

Yuána 17:20

Yáá gálallá tákámle ko ma kí rogonminy, yú gál fayam chia gálallá hí hogodhoká maalo-, ye iiy yegetká úba ko kí rogonmo,

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yuána 17:8

Fayam ye ka shiicheká yáá gáál shie, hé gaalí iiy yie. Gaal hát yú ko yé gáá ˈdieká hé eiy naate, tá kuun hát ye ali gáá kaayyeká úba hé iiy yie.

Yuána 3:17

Waag Inyle ali gáá kaayyééllá hé gálaat ˈdeđensetoká ma ka múriny, Íny ˈdaalle gálaat rubach ki shigichoká he feˈde.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

He Ekeny Gál Alb Fimiká 2:46

Gaal aadh lulle ˈBíl Waaˈgiet nyáláárle geerle hol ˈdú gáá yiimie. Gaal lúl hol af yíéđie, ˈjienle hát gielmitiká hol ˈgar gaa golmote, ger hí gaa memeedhe.

He Ekeny Gál Alb Fimiká 4:32

Gál Yíésu iiy yieká lulle ger ubaa kas hí tikiˈd yie. Hé máá níínní shókódíchle hol bal ki ˈdarameká mán, gaal shokodaamlé ˈgieká lulle hol ki liledhe.

Róóma 12:5

Kirísto gónle úba hát kinaallá. Múúni ke gál Kiristóóllá he ki gón Kiristo. Hé kinaallá kieye, múún lulkúnno hollo ke hol ki ˈgee.

Korínto Erká 1:10

Nyaaramchú, Máá kúnnaa Guđo Yiesu Kirísto meenyle ˈdaalleka, gillo yú hí ki efe, hol af iiy yiegedhíe, haí hol eiy gaa ˈgiˈgísan. Tikiˈd yiedhíe, kás hí tikiˈd cheet, hé me hí igiroká úba hí tikiˈd yeet.

Korínto Erká 12:12

Gón máádhat hé met hí hol ká burnayyeká. Tá metlé hol ká burnayye kinaallá in gon tikiˈd hoyche. Gón Kiristo úba hát tikiˈdééllá.

Korínto Erká 6:17

Tá máá Máá kúnnaa Guđo Kirísto hol ˈdú faanká, ubaa Kirísto tikiˈd hai yeedhe.

Galátia 3:28

Itín it hol eiy ma nanniny, hí kieye, Máállá máá Yuuˈdi, máállá máá Hellen, máállá he gedech, máállá he máá ˈdúwaká, máállá he máá yáb, máállá he máá ˈdedhit, ma chegen. Itín lulkícho ˈdaa Yiesu Kiristoka hí tikiˈde.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.

Yuána Erká 5:7

Hé gáál Yíésu ˈduuwle geđuoká seđe.