Yuána 17:2 - Fayam Midhab Yiesu Kiristoká He Hol Af Iđiny Kaanaká

² Kuun kó kansim yáá Iny kuallá hí gálaat lulle he ki mumuroká ye shiiche, giri gál ye ka shiicheká lulle yú luolmit biiyoká shiguoká.

Yuána 17:2 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 25:46

Aaléka, gál gálaat ma ˈdú ˈjeˈjéminyallá, manyjasiny biiyoká álle hai higila. Gál ˈduuˈdúwa-, gálaat ˈdú ˈjeˈjemeká íín luolmit biiyoká hai higila, Yíésu hí gáál yie.

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Yuána 17:6

Yáá gál ye lésallá gáá shiicheká húgúmkú argisie. Gaal he gálkú, kúúni hí ye ká shiiche, gaal hé ˈdeenykú el gaa veere.

Yuána 17:9

Yú ˈdaa galallá ko kí rogonmo, yáá ko les gálle ˈdaalle ma kí rogonminy. Tá gál ye ka shiichééllá he gál yú ko kí rogononká, ˈdaa giri gaal he gálkúká.

Yuána 3:35

Íny hé ˈJaallé Waag hí geelnedhe, ˈJaalle hí he met lulle gíl geer fie.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 6:39

Máá ye ali gáá kaayká hát he fedoká he gál muí ye gíl geer ká fieká mú tikiˈd úba hí ma gaa baađany-, kúlích biiy el ˈdaˈdká gáál lulle yú uushim yiem gáá ˈdeđuoká.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Korínto Erká 15:25

Hé kinaal metle, hát Waag hí muˈdeká mu hé kansím ˈguo, ˈdaab hé hí ka kídhká lulle Waag hí mú kansimle gim ma gaa iđîny-, muí met les ma ki ˈdíinká.

Eféso 1:20

muí Kirísto uushich yé kí ˈdeete-, mu Kirísto gíllé ˈdaa naaniet-, uratiká iđiteká.

Filíbi 2:10

giri meeny Yíésu lééllá ˈduuwle ˈdugaka, gaal lullé úr gaa ijo-, ubaa les ˈdug ˈdú ijo-, tá kufeká lulle hí met les kurram gaa ˈdaraanká.

Tímote Erká 1:16

Hééllá ˈdugaka in Yiesu Kirísto ye geer guurá argisie, giri geer gaa guchlé yáá gálaat súm ađááb ˈdú ˈgúóllá ye argisíéllá ˈdaalleka, gál hí iiy yegetká hát geer gaa guchle gaal íín úba aargisuoká gaalí ki kiimisat-, gaal luolmit biiyoká higiloká.

Héberew 1:2

Tá biiy el ˈdaalka, Waag ˈdeemlé muun gáál ka geeycheká ˈdaa Inylé he ká niiyye. Iny Waaˈgietallá he máá he met lulle liiletká Waag hí hoyche. Mu úba he máá ˈdaalleka, Waag hí he met lulle kí kuonneká.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.

Yuána Erká 1:2

Máá gáál luolmít shigúóllá hé Waag hí nyí yé ˈdu gáá ˈdeeyche, nyáá nyí mú argiyye. In aalé mu íín hát luolmit biiyo-, ˈJaa kúnnaa Waag hol af ije-, ˈJaa kúnnaa kinaal hí nyí yé ˈdu gáá ˈdeeyká ke hí ˈduuwle geđia, ke hí ki ˈdiyime.

Yuána Erká 2:25

Kirísto hé muun gáál af iđieká he luolmit biiyóóllá.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yúúa 1:21

It Máá kúnnaa Guđo-, Yiesu Kirísto geer guurallé-, hí luolmit biiyoká higilsichoká met egetééllá, hát Waag hí gielká onnóo, kas kinaallá ki yíéđía.