Yuána 17:13 - Fayam Midhab Yiesu Kiristoká He Hol Af Iđiny Kaanaká

¹³ Yú káána bííy kua mé ká nannaa. Hééllá lésallá yú gaa hogodho, giri geyyinychú gálallá koch chegetká.

Yuána 17:13 ပူးပေါင်းရင်းမြစ်များ

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 15:11

Yáá hí hééllá geey, giri geer gaa meenchú hí gaa yíéđianno-, geer gaa meenkícho ˈduuwayoká.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 17:11

Yú yáá lésallá ma gaa iđiny, yú bííy kua mé ká nannaa, gaal íín lésallá he kí ˈgiita. ˈJaa chia saas mánnallo, meeny kua ye ká shiichééllá ˈdaalleka, gáál in ki ˈdé. Hát muun ke tikiˈdééllá, gaal íín úba hí tikiˈd yeet.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

Yuána 7:33

Aalé Yíésu kieye, Yú rám iraam mánká ke hol af ija, tá Máá ye ali gáá kaayká hol ˈdú naadha.

He Ekeny Gál Alb Fimiká 13:52

Aalé gál Yíésu iiy yie-, Ántiok giri Bisidiaká ki ˈgiteká Hím Naasan Waaˈgiet hí koch chie, ger hí gaa meedhe.

Róóma 14:17

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Yuána Erká 1:4

Hééllá nyí verennóóllá he giri múún ger gáál hát ˈdabaanká gaa memeetká.

Yuána ki Naamaká 1:12

Yáá hé guđo-, hí ka geđuoká ˈguo. Tá ˈdéé hót yú ˈgúóllá yáá warˈgatééllá geerle ˈgalaamééllá kí verenoká ma fediny. Hé kinaallá afleka, yú onnônyka ká yiimet-, ke hol af ká yíéđian-, ke hol geđuoká fede, giri ger muun gáál hát ˈdabaanká gaa memeetká.