Yuána 17:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu ˈdeeny kinaal beeteká đo úr gaa dhaay, kieye, Baabá, aadh ˈgas hé ali kí ˈdiiyye. Inykú ˈduwásish, Iny íín hí ko ˈduwayo.

Yuána 17:1 ပူးပေါင်းရင်းမြစ်များ

Márko 14:41

Aalé mu gíl ki seđeká hol ká nadheká gaal ram gaa iifa. Mu đo gáál geey, kieye, Hátlé hí hefersete-, hí rayyekâ? Aalé he hé đue, aadh ˈgas hé ali kí ˈdiiyye. Ebá dhaayyíe, Iny Máádhat gál ađaabano ˈguoká gíl geer ha gaalí gaa kakaa.

Lúka 18:13

Aalé máá giri gibíre gugusatká íín tagéétí ki ˈdie, mé les ki ˈdoy, hé úba mé les ma gaa éeny, úr ma ki fuˈjîny. Mu hol ˈdeente, kieye, Waag, yáá ađááb ˈgúóllá, geer hí ko ye ˈdú guat, yie, Yíésu hí gáál yie.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Yuána 11:4

Aalé Yíésu héél maaleká kieye, Kúlláʼ kinaallá el ˈdáˈdle hé kúfach muuniny. Hééllá hatallá ˈdíéllá he giri fargogint Waaˈgiet gálaat hí aargiro-, Iny Waaˈgiet ˈdúúw egeetká.

Yuána 11:41

Aalé gaal wáár ali af gaa eey. Yíésu úr gaa dhaay, kieye, Baabá, ˈdaa giri ye af maalleká yáá ko gielmít hol ˈdu gáá nie.

Yuána 12:23

Yíésu gáál ˈdéé hol ˈdú nie, kieye, Aleđuđugul Iny Máádhat hí gaa ˈduuwawká hé ali kí ˈdiiyye.

Yuána 13:1

Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 16:32

Bá dhaayyíe, aadh ˈgas hé tág ká ˈjobonte, giri itín hí eiy baađayya-, hí eiy gaallaʼ-, hí ye tákámchú ká gaataká. Tá yáá tákámchú ma ká ˈgiisan, ˈJaachú nyáá nyí hol ˈgayya.

Yuána 7:30

Mu ˈdeenyééllá tákáma hodhe, gál guguđo-, Yuuˈdiká đo mú ˈgiliˈgany gaa ˈgeˈgedhe, kor ˈdaa giri mú aleđuđugulle ali ma kí ˈdíinyká gaal hé máá níínní mú đig yieká mán.

Yuána 7:39

ˈDeeny Yíésu hí huogodhééllá he ˈdeeny Hím Naasan Waaˈgietle gál mú iiy yieká hí aargiroká. Yíésu ˈdeenyééllá hogodheká Waag hé hátle Hím Naasanle gál Yíésu iiy yieká ma shíiny, ˈdaa giri Yíésu hátle ˈgór ma ˈdú kúfiny-, uushich yé ma gáá ˈdíiny-, bííy ˈJaalle mé ma níinyká.

Yuána 8:20

ˈDeenyééllá af giri mu ˈBíl Waaˈgietká álle gálaat he gaa oonisieká muí hodhe. Mu af kinaallá ál gálaat hí héllé shiichoká hol ˈdu sisidhoká he láá ije. Tá ˈdaa giri mú aleđuđugulle ali ma kí ˈdíinyká, mú hé máá níínní hí ˈgiliˈgayká mán.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.