Yuána 16:33 - Fayam Midhab Yiesu Kiristoká He Hol Af Iđiny Kaanaká

³³ Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 16:33 ပူးပေါင်းရင်းမြစ်များ

Matááyo 9:2

Ál kinaal gálaat máá héljoká rokoˈd ˈdu gáá iifite, mú Yíésu ˈdu gáá eey. Yíésu gáál iiy yeenle argeká máá giri héljoká geey, kieye, Inychú, ha geer mare ˈgíiny! Ađaabanokú yáá ko gaa eey, yie.

Lúka 19:38

kieye, Kánsích meeny Máá Guđo Waag kí yimíéllá ebá Waag hí ˈdú ˈguunúánne! Ur naanná! Waag Úr Iđoká kí meeyo, gaalí yie.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 14:1

Aalé Yíésu lalille geey, Ha ger hí gaa ˈdéénen. Waag iiy yiedhíe, yú úba ye iiy yiedhíe.

Yuána 14:27

Yáá hí naanná af kí hay, naanná chia yú hí shie. Naanna yú hí shíéllá, hé hát naanna gál lesalloká hí hol shiguoká muuniny. Ha ger hí gaa ˈdéénen, hí seerêny.

Yuána 16:11

Tá ˈdéé ki iđiny muí gálaat eiy ki nannúóllá, he ˈdaa giri Waag kis kánsích lesallo-, Sátan léká ˈdéé ki iđicheká.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

He Ekeny Gál Alb Fimiká 23:11

Aalé kúlích kinaal chúúrélle Máá Guđoká Báulo láá ki ˈdie, kieye, Ha binenêny, hát tikiˈde giri ye Yerúsalem gaa ˈdiiyeennééllá, ˈjien Rooma úba ha ye gaa ˈdiyeenne, Máá Guđoká hí mú yie.

He Ekeny Gál Alb Fimiká 27:22

Aaléka, yú hí geeye, haí geer mare ˈgíiny, it máá níínní hí gaa kufunanká mán, kadich tákáma eiy baama.

He Ekeny Gál Alb Fimiká 27:25

Gál yaab! Haí geer mare ˈgíiny, hé Waag hí hotééllá hát ˈduuwawká yáá óg.

He Ekeny Gál Alb Fimiká 9:31

Aalé af kinaal gál Kiristo lés Yuuˈdia ubaa lés Galilaaya tá lés Samaria gaa ijeká lulle hím a níínni mare nie. Gaal Hím Naasan Waaˈgiet hí fargogonoyche, mú ˈdúˈjímle gaa yíéđie, Máá Guđoká a maale, met gaa keekeme, úba heere.

Korínto ki Naamaká 1:3

Máá kúnnaa Guđo Yiesu Kirísto ˈJaallé Waag kí meemeyo. Waag he ˈJaa kúnnaa geer ka guurá ˈguo-, gáál hát lulle gogofsuoká.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 2:14

Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

Korínto ki Naamaká 4:7

Nyiin nyí hát ibilaam kamur Waaˈgietallá hí gaa iđoká. Yaalmitééllá in fargogint ˈdúwáállá hát nyiin nyí yé ma gáá ˈdeˈdeminy-, Waag yé gáá ˈdeˈdeennoká gaalí kiimita.

Korínto ki Naamaká 6:4

ˈDaa kinaallá in hát lullé nyí iđaká ubaa he lullé nyí ekemeychoká ˈdaalleka gálaat hát nyiin nyí gede Waaˈgietká kiimita. Hatallá in hééllá lulle nyí mé ki chichirsata: gálaat nyí maanyjasia, nyí aayˈgasia, nyí he il ká aargisia,

Korínto ki Naamaká 7:4

Yú hí hatallá geđúóllá, ˈdúuw yú hí ki og. Meeny yú itín memeyoká hé tág guđo. Har káána úba nyiin nyí hát lulle maanyjayyeka, fayamkícho hé tág ye guofsiche, ye geer gaa meeyche.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 6:14

Tá hé yú hol bal ki ˈdaraanká tikiˈd tákáma, hé kinaallá he Máá kúnnaa Guđo Yiesu Kirísto ˈgórlé đarám yaalká. ˈGór đarám yaal kinaallá ˈdaalleka yáá lésallá gaa ˈgite, les íín hé ye gaa ˈgisate.

Filíbi 4:7

Tá naanna Waaˈgiet giri kas gálaat lulle af mé ˈdú gíriká ger kíchia ubaa kas kíchia itle ubaa Yiesu Kirísto hí hol ˈdú faannééllá in hai ki ˈdeenne.

Kolosááya 1:20

Héétí Inyle ˈdaalleka, he met lullé les gaa ijóóllá yíekaʼ, úr gaa ijoká yíekaʼ, shimít muuˈdoká. Shimitééllá mú Inylé ˈgór đarám yaalká ˈdú kufeká fáslé okoˈdeká hé yé gáá ˈdeˈdeenne, Waag ubaa he met lulle hol shimít ki mumura.

Dhesaloníke Erká 3:4

Af giri muun ke hol af ijeká, manyjasiny hatallóóllá hát lulkúnno il hí gáál aargiˈdoká hé ki hí geey. In káána hát hí óg kinaal, he hát kinaal ˈdie.

Dhesaloníke Erká 3:7

Nyaaramkínyo, fayam kíchiallá ˈdugaka, har káána úba he il hí nyí aargiˈdo-, nyí maanyjayyoka, ˈdaa giri hí iiy yeenkícho ki ˈgiiyyaká in nyí gúóf argiyye.

Dhesaloníke ki Naamaká 3:16

Máá kúnnaa Guđo naanná hí yé gáá ˈdeˈdeennoká dhúrle hí itín yaalmisano lulle naanná gaa shiiguo, mu lulkícho hí gaa yíéđuo.

Tímote ki Naamaká 3:12

Aaléka, ameeny gál Máá kúnnaa Rubachiet Yíésu iiy yie-, iđiny Waag hí ˈdúúw gaa egeetoká fedoká manyjasiny il haí aargiˈda.

Héberew 11:25

Mú hé iđiny ađaabano ˈgayyoká điidhe. Har káána iđiny kinaal geyyiny ˈgayyoka, geyyinylé kinaallá hé mé múrká. Mu hé ubaa gál Waaˈgiet gaalí hol ˈgar maanyjasuoká iiy yie.

Héberew 7:2

Aalé Abirááyam héllé lulle ká uuneká met tomon eiy ká mumure, mé tikiˈd mú shie. Meeny Melkíseˈdeg lééllá hélle er kieye, Kánsích hé ˈdúwaká ekemeyoká. Héétí Kánsích Salem gaalí mú yíéllá, hélle kieye, Naanná Kánsíchlé.

Bétiro Erká 5:9

ˈDaa giri nyaaram kíchia les lúl gaa ijoká manyjany hí gaa iđáállá hát úba he gaa ijoká hí ógallá Sátan gaa điiđidhmíe, iiy yeenkícho tág chiˈdíe.

Yuána Erká 2:13

It idhaamallo, hééllá yú hí ˈdu gáá verenóóllá he ˈdaa giri itín Máá erkob-, Waag hátlé hé níínní ka kuonne mánká ali ijeká hí ógká. It rúórééllo, hééllá yú hí ˈdu gáá verenóóllá he ˈdaa giri hí máá ˈdeew-, Sátanlééllá ká adhateká.

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Yuána Erká 5:4

Ameeny máá ˈdalmaat Waag yé gáá ˈdiiyyeká ˈdalidheká hé lesalloká he ká aađadhdha. Hé lesalloká hé ke kí aađaatká he iiy yeen kúnnaa ke Yiesu Kirísto ka ˈgúóllá.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.

Kí Edhesiny 7:14

Aalé yú mú ˈdéé hol ˈdú nie, yú kieye, Máá guđo, gálallá kuuni hí og, yú yie. Mu đo kieye, Gálallá he gál manyjany guđoká yé gáá ˈdieká. Gaal gielolle fás Elinyi ki ˈjie, gielo édh yie.