Yuána 16:20 - Fayam Midhab Yiesu Kiristoká He Hol Af Iđiny Kaanaká

²⁰ Yú hí hé ˈdúwaká geeye, itín haí beenne, imiro haí ˈjiibicha, les gálle íín ger haí gaa meedhe. Itín ger haí gaa ˈdeđendhe, tá ger gaa ˈdeenenkícho geyyiny yé hai ˈdú ˈdeenne.

Yuána 16:20 ပူးပေါင်းရင်းမြစ်များ

Matááyo 21:38

Aalé gál giri muí les af iđieká mú inyle argeká hol geey, kieye, Máá lesallá léká inylé hí aˈjibaatle higiloká hállá. Ka yimedhíe, kí mú yees, kí lés lilet, gaalí hol yie.

Matááyo 5:4

Gál buony gaa ijoká hé Waag hí ˈdú ˈjeˈjeenno, Waag hí imiro gaa shugudmicho.

Márko 14:72

Aalé Bétiro hátlé ˈdeeny kinaal af ká ˈgieká lúg geđi gíl ki naamaká ˈdayche. Bétiro ˈdeeny Yíésu hí geey-, giri mu kieye, Lúg hátlé gíl ki naamaká ma ki ˈdânyká, kúún a seđ ha ye gaa faalanna, muí yieká, hí táb ká ˈjie, đo imiro hí gáá okoˈde, buoy.

Márko 16:10

Aalé María kinaal Yíésu gállé hol ˈgar sesemeká ˈdú siete. Gáál af kí ˈdiiyyeká gáál ger hí gaa ˈdeenédhe, gaal bebime. Aalé gáál fayám shiiche.

Lúka 22:45

Yíésu Waag visan hí gaa đuyyeká, lalille hol ˈdu gáá nadhe. Mu gáál af kí ˈdieká, gaal ram gaa iifa. Hééllá he ˈdaa giri gáál ger hí gaa ˈdeenedheká.

Lúka 22:62

Bétiro đo nááb gaa kie, súm buoy.

Lúka 23:27

Nyésébích guđoká ubaa gál ˈdíét Yíésu ˈdú bebeme-, hol ger gaa tutuneká Yíésu el gaa veere.

Lúka 24:17

Aalé Yíésu gáál heete, kieye, Hé hí ˈgierich gaa igiˈdaká hí hol geđicháállá meete? yie. Aalé gaal ali ki ˈdie, innum hol ˈdú shuune.

Lúka 24:21

Nyíín tawunykínyoka mu he máá gál Yisirayel kidh gíl geer yé gaa ˈdeđisatká. Aalé káána a meeny mú gaalí yieská kúlíchalláka seđe.

Lúka 6:21

It káána kuoˈd hí chiesallá it Waag hí ˈdú ˈjeˈjeenno, bár ˈdaatika haí heyeenne. It káána imiro ˈjiibichóóllá it Waag hí ˈdú ˈjeˈjeenno, bár ˈdaatika haí kosolonno.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 16:6

ˈDaa giri yú hí hééllá geeyká, in ger hí gaa ˈdeenedhe.

Yuána 20:20

Mu héél hodheká đo gille ubaa beetle gáál argisie. Gál láliká Máállé Guđoká argeká súm ger hí gaa meedhe.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

Róóma 5:11

Héétí, ˈdaa Máá kúnnaa Guđo Yiesu Kirísto giri múún ubaa Waag gáál hol hilsíélláka in muun káána úba ke Waag gaa geyyime.

Korínto ki Naamaká 6:10

Har úba nyí ger ˈdéént ki iđoka, Waag aadh lulle hé nyí ger gaa memesicho. Har káána úba nyí he manítaka, nyáá nyí gál burnayká kamur ˈdaalimo-, Waaˈgietká shigicho. Nyiin he gál hé níínní ˈguo mánká, kor nyáá nyí he lullé nyí ˈgayya.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Dhesaloníke Erká 1:6

Af giri hí fayamééllá iiy chieká it tág he il hí argiyye, tá Hím Naasan Waaˈgiet hé hí ger gaa meen shiiche. Hatallá in nyíín ubaa Máá kúnnaa Guđóóllá hí yaalmitkínyo ká enniyye.

Yákob 1:2

Nyaaramchú, manyjasiny ubaa ayaˈginy met hí hol ká eiyyeká il hí argiyyeka, ger midhabká ki eedhdhíe, ger hí gaa meet.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 11:10

Tá ˈdaa giri gál naama-, Waag hí ˈdeem ka shigichééllá kufeká gál les ˈdú ijeká ger hí gaa meedhe, aaˈdume, hé shiicho hol shiguoká ello hol ˈgiˈgidhia. Gaal hatallá ger hí gaa meedhééllá he ˈdaa giri gál naamáállá gál lesietká manyjasieká.

Kí Edhesiny 18:7

Hát tikiˈde ˈjien hol ˈduway-, hol balchá gaa iđíéllá ˈjien a ˈdáb kinaal manyjasiny ubaa geer ˈdeent máálle shiilmisatká ˈdú íđish. ˈDaa giri ˈjien geerle hol ki geđuo-, kieye, Yú hát min kansidheká ká ija, yáá hát min hiyesidheká muuniny, yáá gon geer ˈdéént ma aargiriny, yegetallá,