Yuána 16:14 - Fayam Midhab Yiesu Kiristoká He Hol Af Iđiny Kaanaká

¹⁴ Mu héchú met hai ye gáá egedhdhe, haí ˈdu gáá siidha, eiy haí kí nannaa. Yaalmitééllá in mu ye ˈduuwasia.

Yuána 16:14 ပူးပေါင်းရင်းမြစ်များ

Yuána 14:21

Máá hemuumuritchú ki yaal-, hemuumurít el gaa veeroká he máá ye gielká. Máá ye geelnetká ˈJaachú úba haí geelnedhe, yú úba máá kinaallá ha geelnedhe, mú hollo hol kí eedhesia, Yíésu hí gáál yie.

Yuána 15:26

Máá hí rangʼite-, ˈJaachú gáá yiimetká ali ha yú hí ˈdu gáá kakaa. Máá kinaallá he Hím Naasan ˈJaachú yé gáá ˈdeˈdeen-, hí ˈduuw Waaˈgiet af ki tatuoká. Hím Naasan kinaallá in hí ˈduuwchú geđia.

Yuána 7:39

ˈDeeny Yíésu hí huogodhééllá he ˈdeeny Hím Naasan Waaˈgietle gál mú iiy yieká hí aargiroká. Yíésu ˈdeenyééllá hogodheká Waag hé hátle Hím Naasanle gál Yíésu iiy yieká ma shíiny, ˈdaa giri Yíésu hátle ˈgór ma ˈdú kúfiny-, uushich yé ma gáá ˈdíiny-, bííy ˈJaalle mé ma níinyká.

Korínto Erká 12:3

Aaléka, hééllá yú hí geeye, hé máá níínní Hím Naasan Waaˈgiet ˈdéé ki hogodho-, Yíésu he máá ˈdór ˈguoká yegetká mán. Máádhat har kieye, Yíésu he Máá Guđo he lulle mé ki yaalká, yieka, máá kinaallá Hím Naasan Waaˈgieto he ˈdéé ki hogodho.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Galátia 5:5

Tá múúni giri ke Hím Naasan Waaˈgiet ke ki ijo-, ke Kirísto iiy yíéllá, hát iiy yeen kúnnaa kinaal innum Waaˈgietka gáál gál saas mánká hođichoká hé ke óg. Muun hé ki met egessoká hé kinaallá.

Bétiro Erká 2:7

Aaléka, it giri hí Yíésu iiy chíéllá, Yíésu ˈdaakíchoka he wár ˈdúwáállá. Tá gál Yíésu iiy ma yegenká ˈdeenyle hé Warˈgat Waaˈgiet hí hote-, giri kieye, Wár gál é ˈdiˈdisoká hí điidheká hé ˈbíl wárlé hí guogoyoká yie, chieká.

Yuána Erká 3:23

Aalé Waag hemuritle hééllá, giri ki mú Inylé Yiesu Kirísto iiy yegetká, héétí hát giri muí gáál kí mure-, hol geelnedhíe, muí yieká ki hol geelnetká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána Erká 5:6

Yiesu Kirístóóllá he Máá bie ubaa fás kí yimieká. Mu hé bie tákámle ma kí yímen, mu bie ubaa fásso he kí yimie. Hééllá hát ˈdúwaká Hím Naasan Waaˈgiet aadh lulle hé ˈdúwaká hogotóóllá hé hí gáál ká geđicho.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.