Yuána 16:11 - Fayam Midhab Yiesu Kiristoká He Hol Af Iđiny Kaanaká

¹¹ Tá ˈdéé ki iđiny muí gálaat eiy ki nannúóllá, he ˈdaa giri Waag kis kánsích lesallo-, Sátan léká ˈdéé ki iđicheká.

Yuána 16:11 ပူးပေါင်းရင်းမြစ်များ

Matááyo 12:18

giri Waag kieye, Máá chia yú ká sillie-, hújíchchú nannuoká dhaayyíe! Máállá he máá yú giel-, ye geer gaa memeyoká. Hím Naasanchú mú ha yú ˈdú kokoo, mu ˈdéé ki iđiny ˈdúwaká kidh hai ki ˈdiyime.

Matááyo 12:36

Tá yú hí geeye, kúlích gálaat Waag hí ˈdéé ki iđimichoká máádhat ˈdeenylé éésh mán lulle he huogodheká hélle Waag haí hegesete.

Lúka 10:18

Mu gáál ˈdéé hol ˈdú nie, kieye, Sátan hát ír birgianáka úr gáá ˈjiiyye-, les ˈdaraanneká yáá arge.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 16:12

Yú yáá hé guđo-, hí ka geđuoká ˈguo, kor it káánallá hé kinaallá ma uriny.

He Ekeny Gál Alb Fimiká 10:42

Mu hé nyí ˈdéé kí mure, giri mú fayamle nyí gálaat ki ˈdiyeenneká. Mu hé Waag hí máá gál luogolká ubaa gál kufeká máállé hí ˈdéé ki iđimuoká hoyche. Fayamééllá gálaat geeyyíe, muí nyí yie.

He Ekeny Gál Alb Fimiká 24:25

Aalé Báulo gálaat hát ˈduwantiká ki ijoká ubaa gálaat hé ˈdeđewká hol gáá momoyoká, tá kúlích ká chiimeto gálaat Waag hí ˈdéé ki iđimichoká yaalmitle gáál geđieká, Felíki đo neey, Báulo geey, kieye, Aalé káánaka sí, af mákártaká ha yú ko ká veeme, mú yie.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Róóma 2:16

Tá kúlích gaal Waag met ki ˈdeen kinaal ali kí ˈdiiyyeka, Waag ˈdaa Yiesu Kiristoka gálaat lulle héllé ger geđiká hai ká eedhesicha, máádhat hát ˈdúwaká hai hogoto, muuninyka, mu hát ˈdúúw muuninyká hai hogoto. Yaalmitééllá he hé ke Fayam Midhab yú hí ki ˈdiyeenallá gaa argeká.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Kolosááya 2:15

Kirísto hé kansimano lullé aryaanká hemuumurít gaa eey, gáál gálaat metle kern gaa ˈgidhie. Mu ˈdaa giri ˈgór đarám yaalká ˈdú kufekáka, mu hé kansimanóóllá a mé kí ˈjie.

Héberew 2:14

Aaléka, ˈdaa giri umééllá gon ubaa fás ˈguoká, in Yíésu úba gon ubaa fás hat kinaallóóllá kaadhdhe, gáál ˈdú kufe. Mú kúfáchlééllá ˈdaalleka in mu máá kúfach fargogintle ˈgie-, Sátanlééllá kar rie.

Héberew 6:2

Héétí he onisiny bie gim naan met hí hol ká eiyyeká ubaa gálaat gil ˈdú fímle atimlé, tá gálaat uushim yiem gáá ˈdímle he onisinylé, ubaa Waag ˈdéé ki iđiny gálaat ki iđimichoká hát biiyoká úba he hé ke onodheká.

Héberew 9:27

Aaléka, máádhat a tikiˈd tákáma he ki kufuma, tá hé kinaal el ˈdaalka hé ˈdéé ki iđiny hí egeto.

Bétiro ki Naamaká 3:7

Waag ˈdéé hótle úba in ur kaanallóóllá ubaa lés kaanallóóllá Waag hí taak ki koyye, giri ˈjiet hí af ki shugunatká. Hé kinaallá hé Waag hí ali koyye, ˈdaab kúlích Waag gálaat ˈdeem ki iđimichoká ubaa gál Waag af điđidhanká af ki beesenle-, ali ma kí ˈdíinyká.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Kí Edhesiny 1:7

Bá dhaayyíe, mu nyáˈdow hai kí yiimedhe, il lulle haí aargiˈda, gál mú veereká úba mú hai aargira. Kidh lullé les gaa ijoká mú ˈdaalle ˈdugaka af gaa guđoká hai ki beeme. Iiy-hí, he hí hát kinaallá yeet.