Yuána 15:8 - Fayam Midhab Yiesu Kiristoká He Hol Af Iđiny Kaanaká

⁸ Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

Yuána 15:8 ပူးပေါင်းရင်းမြစ်များ

Matááyo 5:16

Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.

Matááyo 5:44

Tá yú íín hí geeye, gál hí hol ka kídhká geelnée, gál hí maanyjasuoká Waag ki viivitíe,

Matááyo 9:8

Nyésébích ál kinaal ˈgieká mu les gaa kie-, argeká he af ˈdabe, neey, kor gaal Waag gálaat fargoginsam hat kinaallóóllá shiicheká meey.

Lúka 6:35

Aalé kídhkícho geelnée, hé midhabká ki eekemeyyíe. Gálaat he shía. Hé hí gálaat shiichoká héllé gaalí el ká ˈgiˈgidhuoká haí táb ˈdoˈdóon. Hééllá hí ekemeychoka, itín hé súm midhabká haí aargiˈda, um Waag Úr Iđoká haí cheedhe, ˈdaa giri Waag gál he fiichiloká ubaa gál ađaabano ˈguoká geer hí sháw ˈdú yegetká.

Yuána 13:35

Itín hí hol geelneteka, hát kinaallá in gálaat lulle hát itín hí lalichúká kiimita, Yíésu hí lalille yie.

Yuána 15:5

Yú he ˈgór, itín hí kolmo. Máá ye gaa yíéđuo-, yú gaa yíéđuoká, súmmo higissa. Itín hí ye gaa líítaka, it hé níínní hí uˈdaká mán.

Yuána 8:31

Yíésu gál Yuuˈdi hí iiy yieká geey, kieye, Har hí he onisinychú tág chirateka, itín af kinaalka gon hí lalichú,

Korínto Erká 10:31

Yú hí geeye, har káána hí he kokonyo yíekaʼ, hí he igianna yíekaʼ, hí he ekemeyche yíekaʼ, hé hí ekemeycho kinaal lúl hí hé Waag hí ˈdúúw gaa egeetoká onnow.

Korínto Erká 6:20

ˈdaa giri Waag hí hím guđoká les gaa fiiyyeká. Aaléka, gónkícho Waag ki ˈduwayyíe.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Títo 2:10

Héétí gaal hai konf ˈgíiny, gaal hí hújíchle hát ˈduwantiká naannuo, giri Waag Rúbách kúnnaallá he onisinyle gálaat hí geelnetká.

Títo 2:5

ˈdég kás kakaat-, úba muosam mánká. Héétí ˈdég hí ˈdeg é gerleka líles-, ger gaa ˈdabaan-, beelemle met gaa kekeenká onnoyyo, giri ˈdeeny Waaˈgietallá gaalí ma egeshenyká.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.