Yuána 15:7 - Fayam Midhab Yiesu Kiristoká He Hol Af Iđiny Kaanaká

⁷ Har hí ye gaa iđa-, ˈdeenychú hí gaa ijoka, hé hí feˈdeká heetíe, haí aargiˈda.

Yuána 15:7 ပူးပေါင်းရင်းမြစ်များ

Matááyo 7:7

Aaléka, Waag he roogonóo, Waag he haí shigicha. Waag ˈdú kiritíe, it Waag he ma gaa ˈdaabiny. ˈBíl af ˈdóo, Waag ˈbíl af haí kí fuuˈda.

Yuána 14:13

Aalé hé hí meenychú ˈdaalle ki hegesetoká roogle met ha yú hí gaa egedhdhe, giri yáá Ínyííllá ˈJaachú ˈdúúw egeetká.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 16:23

Kúlích kinaallá it hé hí ye hegesetoká mán. Tá yú hí hé ˈdúwaká geeye, ˈJaachú hé hí ˈdaa meenychú ki hegesetoká haí ká shigia.

Yuána 8:31

Yíésu gál Yuuˈdi hí iiy yieká geey, kieye, Har hí he onisinychú tág chirateka, itín af kinaalka gon hí lalichú,

Yuána 8:37

Itín hát hí hídh Abiraayamká yáá hí óg, kor ˈdaa giri hí ˈdeenychú ma ˈdú fafinyká, in hí tagkícho ˈdiiyye, hí ye chegese.

Galátia 4:2

Hééllá he ˈdaa giri iny hátle gál ˈjaalle hí ki kieˈde-, hí ˈdeˈdeenká ubaa hí aany ki chichiratká gil ger gaa ijoká. Iny hé aany ma higiliny, ˈdaab aleđuđugul ˈjaalle hí mureká ali ma kí ˈdíinyká.

Galátia 5:16

Aaléka, yú hí geeye, Hím Naasan Waaˈgiet ki seesemíe, hát kinaallá in hí balt goniet gaa nyakaridheká gaa faaganata.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Yuána Erká 2:14

It đalbááyáállo, hééllá yú hí ˈdu gáá veerééllá he ˈdaa giri itín hí ˈJaa kúnnaa Waag ógká. It idhaamallo, hééllá yú hí ˈdu gáá veerééllá he ˈdaa giri itín Máá erkob-, Waag hátlé hé níínní ka kuonne mánká ali ijeká hí ógká. It rúórééllo, hééllá yú hí ˈdu gáá veerééllá he ˈdaa giri hí fargogínt ˈgayya-, ˈdeeny Waaˈgiet hí ger gaa ijo-, tá hí máá ˈdeew-, Sátanlééllá ká adhateká.

Yuána Erká 2:27

Tá itín it Hím Naasan Waaˈgiet Kirísto gaa argiyye. Hím Naasanééllá hé hí gaa iđo. ˈDaa kinaallá ˈdugaka in hí máá hí hé ˈdúwaká oonisuoká ma hegesen. Hím Naasanééllá he máá hí he met lulle oonisuoká. Hé Hím Naasanééllá hí oonisichoká hé hé hódhoká muuniny, he hé ˈdúwaká. Hát Hím Naasan Waaˈgietallá hí onisichééllá, Kirísto gaa yíéđía.

Yuána Erká 3:22

Héétí, hé mákárta-, ki mú rogononká ha ke mú gaa aargira. Hé kinaallá he ˈdaa giri ke mú hemuumuritle ki met gaa kekeen-, ke hé mú geer gaa memeyoká ekemeyoká.

Yuána Erká 5:14

Aalé Waag ˈdaalleka hé ˈdúwa-, ke tág ógká hééllá: hé muí gáál ki fedoká ke mú ruogoneka, mu af hai gáál maala.