Yuána 15:26 - Fayam Midhab Yiesu Kiristoká He Hol Af Iđiny Kaanaká

²⁶ Máá hí rangʼite-, ˈJaachú gáá yiimetká ali ha yú hí ˈdu gáá kakaa. Máá kinaallá he Hím Naasan ˈJaachú yé gáá ˈdeˈdeen-, hí ˈduuw Waaˈgiet af ki tatuoká. Hím Naasan kinaallá in hí ˈduuwchú geđia.

Yuána 15:26 ပူးပေါင်းရင်းမြစ်များ

Lúka 24:49

Bá dhaayyíe, hé ˈJaachú hí af iđieká ali ha yú hí ˈdu gáá kakaa. ˈDaab fargogint Waag hí úr gáá shigichoká hí ma árginyká ˈjienééllá gaa yíéđía! Yíésu hí gáál yie.

Yuána 14:26

Tá Máá hí rangʼite-, Hím Naasan Waaˈgietlé-, ˈdaa meenychúka, ˈJaachú hí ali ˈdu gáá kakawká, he lulle haí oonisia, he met lullé yú hí geeyká táb haí kí gagadha.

Yuána 16:7

Tá yú hí hé ˈdúwaká geeye, kímchú hé hí ki midhab. Har yú ma kiinyka, Máá hí rangʼit yegetká hé hí ma ˈdu gáá yiimen. Tá yú sedheka, mú ali ha yú hí ˈdu gáá kakaa.

Yuána 8:42

Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

He Ekeny Gál Alb Fimiká 1:4

Af tikiˈd mu hátlé gáál hol ˈgar golmoteká mu gáál hatal geey, kieye, Ha hí Yerúsalem gaa kíiny, hé hí ye af gaa maalle-, yú hogodhe-, ˈJaachú hí ye af iđie-, yú hí ka shiguoká esée.

He Ekeny Gál Alb Fimiká 15:8

Waag ííni ger gálaat ógallá, hát he kidh iiy chieká hé gáál ká argisiche. Hát giri mu Hím Naasanle muun muí gáál ka shieká in úba muí kidh shie.

He Ekeny Gál Alb Fimiká 5:32

Nyíín ubaa Waag Hím Naasanlé giri Waag hí gállé hí met gaa kekeenká shiicheká in nyí hééllá ˈdúúw ˈdú ˈdiiyye, nyí hogoto, gaalí mú yie.

Korínto Erká 1:6

Fayam Kiristóóllá hé gerkícho hát ˈdabaanká hille.

Héberew 2:4

Waag hé úba fayamééllá hát ˈdúwaká gálaat argisiche, hát káána mu hé farguogo-, met hí hol ká burnay-, gálaat af ˈdaˈdabsuo-, gálaat hí ílle ki argeká eekemeyká. Waag úba hát he feˈdeká in Hím Naasanle gálaat hé shiicho onyi-, met hí hol ká burnayká shiiche.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.