Yuána 15:25 - Fayam Midhab Yiesu Kiristoká He Hol Af Iđiny Kaanaká

²⁵ Tá hééllá hé gaalí Warˈgat Waaˈgiet gaa veere-, giri kieye, Gaal hállééllá ye nebedhe, chieká, he ˈduwasie.

Yuána 15:25 ပူးပေါင်းရင်းမြစ်များ

Matááyo 10:8

Gál basham ˈguoká bisía, gál kufeká sidham geđi káa, gál nyókot hí faanneká ría, aryáán gálaat yiem gaa ˈdeeyyíe. Fargogintééllá hállééllá hí argiyye, hallééllá gálaat ki bisía.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Yuána 10:34

Yíésu kieye, Warˈgasamkícho hé ˈdeeny Waag hí hote-, kieye, Itín hí waagam, chieká, hé hí gaa mán?

Yuána 13:18

Yáá lulkícho ˈdeenykícho ma hogon. Gál yú waaˈdeká yáá tág eiy óg. Tá hééllá hé Warˈgat Waaˈgiet hí hote-, giri kieye, Máá nyí ˈdaat tikiˈd hol ˈgar kokonyóóllá he mé ilchú, chieká, đusinylé.

Yuána 19:36

Hééllá hatallá ˈdíéllá he giri hé Warˈgat Waaˈgiet hí hote-, kieye, Mú lafle hé lafit tikiˈde gaalí gaa ˈgieˈguoká mán, chieká, ˈduuwawká.

Róóma 3:19

Hééllá hé gaa édhká, hemuumurít gál Waag hí shiiche-, Yuuˈdííllá ˈdaallé he ki taalla, giri gálaat fálaam ká ririat-, gálaat lulle innum Waaˈgietka ˈdeensen ˈguoká.

Róóma 3:24

Tá Waag ˈdúˈjímlé guđoká hállééllá he gáál ká argisiche, Yiesu Kirísto ali gáá kaayye, giri gáál ađaabano ubaa nyuogim gim gáá egewká. Aalé ke Yiesu Kirísto iiy yieka, in Waag múún gáál gál ˈdúwaká chegedhe.

Korínto ki Naamaká 11:7

Af giri yú hí Fayam Midhab-, Waaˈgietallá ki ˈdiyimeká, yáá hé hí ye ka shigicheká hí ma ki mumúriny. Hol ˈdúúw rím chiallá itíni yú ˈduway. Héél ta ha yú ˈdeeney?

Galátia 2:21

Yáá gielmit Waag hí muun gáál ka ˈgayyoká ma egesheny. Gálaat hemuumurít el gaa igiritle hí saas ˈdaˈdabsînyka, af kinaalka Kirísto hállééllá he kufe, yú Bétiro yie.

Dhesaloníke ki Naamaká 3:8

Af kinaallá hé gálaat hí nyí ka shigieká nyáá nyí ma ki íđiny. Nyáá nyí kulich ubaa chúúrélle lađaanne, hujichaam farguogoká nanniyye, giri ke hí ílsh ma gaa iđíminyká.

Kí Edhesiny 21:6

Aalé mu kieye, Hééllá lulle hé ali kí ˈdie! Yú he Álfa ubaa Oméga, yú he Mé Gaa Koon ubaa Biiy El ˈDaˈd. Máá báre hí chieská bíé haˈdo-, luolmitiká hállééllá yú shigia.

Kí Edhesiny 22:17

Aalé Hím Naasan Waaˈgiet ubaa ini Eliny hí egeetká Yíésu geey, kieye, Ka yímet! yie. Héétí máá hééllá maaloká hé úba Yíésu ka yímet yeet. Máá báre hí chees-, bíé luolmitiká fedoká hí ká yimet, hí bie hállééllá ˈjio.