Yuána 15:21 - Fayam Midhab Yiesu Kiristoká He Hol Af Iđiny Kaanaká

²¹ ˈDaa giri itín hí gálchú-, ubaa Máá ye ali gáá kaayká gaalí muogká, in gaalí hatallá maanyjasia.

Yuána 15:21 ပူးပေါင်းရင်းမြစ်များ

Matááyo 10:18

ˈDaa giri itín hí lalichúká, gaal gál les met ki ˈgieká ubaa gál kaansúoká met haí siidha, tá gál kinaallá ubaa gál gál Yuuˈdi muuninyká metle ˈduuwchú haí gaa hogoto.

Matááyo 10:22

Itín gálaat lulle ˈdaa meenychú ˈdugaka haí neebeedhe. Tá máá hééllá lulle mé ki chirsat-, ˈjíig he mé đig yeetká Waag haí rianna.

Matááyo 10:39

Máá sidh tág chiratká sídhle hai baađisia, máá sídhle ˈdaachúka bađisuoká sídhle hai riima.

Matááyo 24:9

Af kinaallá itín ha gaalí ˈgiiliˈgaa, gál hí maanyjasuoká gil ger ha gaalí fafaa, ha gaalí yeese, ˈdaa meenychú ˈdugaka kidh met lulle haí neebeedhe.

Matááyo 5:11

Itín af giri gaalí egesheyo-, gaalí maanyjasuo-, he met lullé ˈdeđewká ˈdaachúka gaalí ˈdú hogodhoká, it kinaallá Waag hé hí ˈdú ˈjeˈjeenno.

Márko 13:13

Itín gálaat lulle ˈdaa meenychú ˈdugaka haí neebeedhe. Tá máá hééllá lulle mé ki chirsat-, ˈjíig he mé đig yeetká Waag haí rianna.

Lúka 21:12

Tá hé kinaallá lulle hátlé ali ma kí ˈdíinyká ha gaalí ˈgiiliˈgaa, ha gaalí maanyjasia. Meenychú ˈdaalle ˈdugaka gál ény ˈdiiyiminyká met ki ˈgieká ubaa gál kaansúoká tá gállé guguđo-, les met ki ˈgieká ha gaalí ˈdú egee, gaal ˈdéé haí ki iđimia, gaal ény hiiginká haí fafaa.

Lúka 21:17

Gálaat lulle ˈdaa meenychú ˈdugaka haí neebeedhe.

Lúka 6:22

ˈDaa chia yáálle Iny Máádhátallá ˈdugaka gaalí ˈdú nebedhe-, gaalí moonodhe-, gaalí chaachare-, tá gaal meetkícho ˈdeeneyka, Waag hé hí ˈdú ˈjeˈjeenno.

Yuána 15:24

Yú onnônyka hé gálaat af ˈdaˈdabsuo-, máádhat hí ma ekemenyká gáál hurt ma gaa eekemenyka, gaal hé onnônyka ađaabano mán. Tá káána gaal hé hé kinaallá arge, kor hé yú ubaa ˈJaachú nyí hol ˈgar nebedhe.

Yuána 16:3

Gaal hí hééllá ki ekemeyóóllá he ˈdaa giri gaal ˈJaachú ubaa yú nyí muogká.

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 8:19

Aalé gaal mú heete, kieye, ˈJaakú aake? gaalí mú yie. Yíésu gáál ˈdéé hol ˈdú nie, kieye, Ití ye muog, ˈJaachú úba it muog. Itín hí ye onnônyka, it ˈJaachú úba óg, muí gáál yie.

Yuána 8:54

Yíésu gáál ˈdéé hol ˈdú nie, kieye, Yú har hol ˈduuwasuoka, af kinaalka ˈduuwchú hé kátaká mán. Máá ye ˈduuwasuoká he ˈJaa chia hí hol bal ki ˈdaraanna-, hí Waagkínyo chegetallá.

Yuána 8:55

Har káána itín hí mú móíytaka, yú yáá mú óg. Tá yáá mú muog, yú yieka, af kinaalka hát itín hí hódho lééllá yú úba yáá hódho lé. Yú íín yáá mú óg, mú ˈdeenyle ki yaal.

He Ekeny Gál Alb Fimiká 17:23

Yú af giri ˈjienkícho gaa seseme-, hé giri hí waagam ki ˈditeká yú dhaˈgameká, kúb suoryo gaalí gaar gaa ˈgeˈgey-, gaar veeritle kieye,hééllá waag gaalí muogká ke ki ˈdisse, chieká yú arge. Waag hí muog-, kor hí vivisat kinaallá he Waag yú hí kí ˈdiyeenallá.

He Ekeny Gál Alb Fimiká 26:9

Yú erkobká hát chia tawueká, he lullé mákárta meeny Yiesu-, Nasaretallá baađisieká ˈgierimlé gaa seseme.

He Ekeny Gál Alb Fimiká 3:17

Nyaaramchú, yáá óg, hé gál kíchia kaansúoká ubaa itín hí ekeycheká hé kinaallá meto hí moonnoyye.

He Ekeny Gál Alb Fimiká 4:17

ˈDeenyééllá hátlé ke ali kokuo-, les eiy bash ma ki yegen-, gálaat hí ma mamalinyká he gálallá ke il gíl gaa helima, gaal hai gálaat geđ meenyééllá ki ˈdiyíminy, gaalí hol yie.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

He Ekeny Gál Alb Fimiká 9:14

Aalé káána mu ˈDamáskas ka yimíéllá mú gál guguđo-, suoryoká hí ali gáá kaay, giri mu gáláát lullé ko vivisatká ˈgiiliˈgawká, Ananías hí yie.

He Ekeny Gál Alb Fimiká 9:16

Mú aalé ˈdaa meenychú ˈdugaka hé burnay-, il hí mú aargiˈdoká mú ha yú aargisia, Máá Guđoká hí yie.

Róóma 1:28

Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto Erká 2:8

ˈDaalimééllá hé guguch lesalloká hé máá níínní hí eiy nanateká mán. Gaal ˈdaalimééllá eiy nannasânka, hé onnônyka Máá kúnnaa Guđo-, ˈdúúw ˈgúóllá ˈgór đarám yaalká ma ˈdú yegésiny.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Yuána Erká 3:1

ˈJaa kúnnaa Waag gielmitlé guđo-, he muun gáál gielallá, ebá dhaayyíe! Gielmitééllá ˈdaalle ˈdugaka in Waag muun gáál umle chie. Tá hé kinaallá hé ˈdúwa, muun ke um Waaˈgiet. ˈDaa giri les gálle mú moonnoyká, in úba káána gálaat muun gáál muog.

Yuána ki Seđeká 1:7

Hééllá he ˈdaa giri gaal siem ˈdaa meeny Máá kúnnaa Guđóóllá ˈguo-, gaal gál Waag muogká hé níínní he ruogonon mánká.

Kí Edhesiny 2:3

Itín ˈdaa meenychúka hát hí maanyjayyo-, tá hí mé ki chichirsato-, hí ma giinanyká yáá óg.