Yuána 15:2 - Fayam Midhab Yiesu Kiristoká He Hol Af Iđiny Kaanaká

² Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

Yuána 15:2 ပူးပေါင်းရင်းမြစ်များ

Matááyo 13:12

Máá hé gaalí gíl geer gaa kaayká tág chiratká, hé éíy taaka guđoká úba ha gaalí shigia. Tá máá hé gaalí gíl geer gaa kaayká tág ma ki yaalinyká héllé gíl ká ˈguo kinaal ha gaalí gaa egedhdhe.

Matááyo 13:33

Yíésu geđi hib éíy taaka he hol ki ekenyká gálaat geey, kieye, Guch Uratiká yaalmit ki égká he hát maat ninni-, min hí eete-, ˈdúlo ongʼolaam hí seđeká ki ˈdaaˈdiche-, ˈdúlo lulle karsicheká.

Matááyo 15:13

Yíésu gáál geey, kieye, Ameeny ˈguor ˈJaa chia úr ijoká hí ma fíinyká, lulle ˈJaachú hidh ˈgar haí babaa.

Matááyo 21:19

Mu kinnach ˈgierich atól gaa arge. Mu kinnach af ˈdú tameká, kinnach nee tákáma, hé erbit tikiˈd úba mán. Aalé mu kinnach geey, kieye, Kuun taalle bííyyo kó geđi um ma lalaminy, yie. Kinnach đo ali gaa gogoy.

Matááyo 25:29

Máá hé gaalí gíl geer gaa kaayká tág chiratká, hé éíy taaka burnayká úba ha gaalí shigia. Tá máá hé gaalí gíl geer gaa kaayká tág ma ki yaalinyká héllé gil ká ˈguo kinaal ha gaalí gaa egedhdhe.

Matááyo 3:10

Aaléka, Waag hé yerellé alléká tág ká chirate, ˈguor đuur ˈdú koyye. Ameeny ˈgór saano midhabká hí ma gáá higisinyká lulle ali ha muí gaa muura, ˈjiet ha muí gaa verene.

Matááyo 3:12

Aaléka mu hé múchlé sííndí ki tutunoká gíl ká ˈguo. Mu sííndí tuneka, ál sííndí ki tune kinaal hai gaa hegedhe, sííndí buit hai faadhdha, tá sííndí metle íín ˈjiet ma kufuminyká hai gaa verene, Yuána hí gáál yie.

Matááyo 7:19

ˈGór saano midhabká hí ma gáá higisinyká ali ha gaalí gaa muura, ˈjiet ha gaalí gaa verene.

Márko 4:20

Yaalmit gáál ˈdáá tikiˈd hí ˈdeeny Waaˈgiet ki mamaloká he hát ár máá les fafuoká hí máál álle gaa fieká. Gál kinaallá ˈdeeny Waaˈgiet maaleka ˈdéé iiy hai yie. ˈDee gáál hát ˈdabaanká ger hileka gaal đo hát ˈguom hát ˈdabaanká hite-, ˈguom mé tikiˈd hí tomon seđe-, mé tikiˈd hí tomon le-, mé tikiˈd hí kúˈdká hai yie, Yíésu hí yie.

Lúka 8:13

Ár giri ál waaroká ki okoˈdeká hélle he hát gál ˈdeeny Waaˈgiet maalo-, ˈdéé hát geer gaa meentiká iiy yeget-, kor hidh les ma ki arînyká. Gál kinaallá he gál ˈdéé iiy yie-, kor á níínni yíéđieka, Sátan hí ki ekeseteka, ˈdéé gíl sug ki haađuoká.

Yuána 15:1

Aalé Yíésu kieye, Yú he ˈgór ˈdúwaká. ˈJaachú he máá ˈguor ootoloká.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 15:3

Itín ˈdeeny chia yú hí geeyká ˈdaalleka, it káána kolm ye ki ˈgie-, ˈJaachú hí in hol ki nannuoká chie.

Yuána 15:6

Máá ye ma gaa iđinyká, he hát kolmit gaalí lay-, gogoyyeká. Kolm hatallóóllá hollo gaalí hol ˈdú shuguna, ˈjiet ha gaalí ki lalama, hai ˈdunnuma.

Yuána 15:8

Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

Yuána 17:12

Af giri gáál nyí hol ˈgayyeká meeny ye ká shiichééllá yú gáál in ki yiel, in gaal naanná ije. Gaal hé máá níínní muun gáál gaa ˈgiteká mán. Gálallá máállé tikiˈde-, muun gáál gaa ˈgiteká he iny baađawká tákáma, giri ˈdeeny kua warˈgát hí hoteká ˈduuwawká.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 11:22

Aaléka, ití argiyye? Waag hé geer ka guurá ˈgayyo, tá gál hí af đuˈdusanká he illo ká aargisicha. Tá itín mu hé hí geer guurá argisie. Aalé har taalle hí mú el gaa igiˈdoka, mu geer guurálle taalle haí aargisia. Tá har hí mú sug ki niiyye-, hí mú điiteka, af kinaalka hát kolm biime-, muí murekáka, ha muí muura.

Róóma 8:28

Gál Waag giel-, Waag hí he gaa feditle kí viiyyééllá, he lullé gáál kárle ká nannaatká Waag hujich haí ki nannasata. Hé kinaallá gáál ˈdaalleka hát hé midhabká hí yé gáá ˈdeˈdeenká hé ke óg.

Korínto Erká 13:1

Har káána úba yú afano gálaatká ubaa afano gál ˈgasso-, urru-, Waaˈgietká onnôny-, kor yú gielmít manítaka, af kinaalka hé chia yú hogodho kinaal hát hé kaal he shesheenno.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 12:15

Tagkícho ˈdée! Máádhat hai Waag el af gaa táminy, ˈdúˈjím Waaˈgiet ˈdábiny. Hurtkícho hai ˈgór heđeʼ-, gáál shalal fafuo-, gál burnayká ˈdeđeneyoká hí gáá ˈdíiny.

Yuána Erká 2:19

Gál muun gáál yé gaa ˈdíéllá hé gálkúnno muuniny. Gaal he gálkúnno onnônyka, hé hátle onnônyka ke hol ˈguo. Yaalmit gaal muun gáál hayallá, in gaal lulle hát gálkúnno muuninyká gáál ká argisie.

Kí Edhesiny 3:19

Gál yú gielká in yú ki lolodhmo, yú af tataa. Aaléka ˈgaađamíe, ye bala ˈdú gáá náa!