Yuána 15:16 - Fayam Midhab Yiesu Kiristoká He Hol Af Iđiny Kaanaká

¹⁶ Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 15:16 ပူးပေါင်းရင်းမြစ်များ

Matááyo 21:22

He lullé hí Waag ki vivisata-, hí Waag rogononnoká hát hí aargiˈdoká hí iiy chieka, haí aargiˈda. Yíésu hí gáál yie.

Matááyo 7:7

Aaléka, Waag he roogonóo, Waag he haí shigicha. Waag ˈdú kiritíe, it Waag he ma gaa ˈdaabiny. ˈBíl af ˈdóo, Waag ˈbíl af haí kí fuuˈda.

Lúka 6:13

Biiy ka biˈdeká mu lalille hol ˈdú gáá vie, gál kinaallá tomon a naama muí waaˈde, muí gál alb fimiká hoy.

Yuána 13:18

Yáá lulkícho ˈdeenykícho ma hogon. Gál yú waaˈdeká yáá tág eiy óg. Tá hééllá hé Warˈgat Waaˈgiet hí hote-, giri kieye, Máá nyí ˈdaat tikiˈd hol ˈgar kokonyóóllá he mé ilchú, chieká, đusinylé.

Yuána 15:19

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.

Yuána 15:5

Yú he ˈgór, itín hí kolmo. Máá ye gaa yíéđuo-, yú gaa yíéđuoká, súmmo higissa. Itín hí ye gaa líítaka, it hé níínní hí uˈdaká mán.

Yuána 6:70

Aalé Yíésu gáál ˈdéé hol ˈdú nie, kieye, It tomon a naamáállá, máá hí waaˈdeká hé yú muunîny? Tá itín mú tikiˈd har hí máá Satanaa! Yíésu hí gáál yie.

He Ekeny Gál Alb Fimiká 1:24

Aalé gaal Waag vite, kieye, Máá Guđo, kúúni gálaat lulle gerle og. Gál naamáállá máá feˈdoká nyí ka argísish.

He Ekeny Gál Alb Fimiká 1:8

Aalé Hím Naasan Waaˈgiet hí ˈdu gáá leeteka, fargogínt haí aargiˈda. Itín ˈjien Yerusalem, lés Yuuˈdia lullé, tá lés Samaria, tá ˈjíig les ameenylé ki taalká ˈdeenychú gálaat ha hí gaa maalsicha, muí yie.

He Ekeny Gál Alb Fimiká 10:41

Mú hé gálaat lulle hí ma árginy. Nyííni giri kis Waag nyí waarate-, hé nyí il ki argiyyeká nyí hogotoká tákáma nyí mú argiyye. Gál kinaallá he nyííni giri mu uushich yé gáá ˈdieká nyí mú hol ˈgar gololsote-, mú nyí hol he ˈgar iiyyeká.

He Ekeny Gál Alb Fimiká 22:14

Aalé mu kieye, Waag eshim eshimkúnno hé ko ká viiyye, giri kuun mu hát he fedoká kiimisat-, mú Máállé ˈdúwa-, saas mánká aargiˈdo-, ubaa ˈdéé af gaa mamaloká.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

Róóma 1:13

Nyaaramchú, hééllá mé ka gáa, hát yú af burnayká hí ˈdu gáá yiimetká fedo-, kor hát ˈdabe-, ˈjíig káána đigallá. Hé yú fedoká he giri hát tikiˈde yú gáál kidhóótí Fayam Midhab Kiristóóllá ki ˈdiiyime-, gaal Kirísto enníéllá, in úba it Roomáállá yú hí ki ˈdiyeenká yú fede.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 15:4

He lullé Warˈgat Waaˈgiet gaa ijóóllá kisso gaalí veere, giri múún gáál af tatuoká. Atimééllá in muun gáál gúóf ubaa mé ki chirsan shigicha. Hát kinaallá in he lullé Waag hí gáál af iđiche-, ke met egesóóllá hát Waag hí ˈduuwasichoká ke og.

Róóma 9:21

Máá ibilaam tág nannuoká sháˈd he iyaayká hé héllé fedoká tág ma gaa nanniny? Ibilaam naam tág nieka, har fedoka hé ibil tikiˈd ibil he naasanká ma hođisan? Ibilléétí ibil aađaká ma hođisan?

Korínto Erká 10:11

Yaalmisanóóllá lulle gáál il hí argiyyééllá, he il gíl gaa helitkúnno. Hééllá gaalí Warˈgat Waaˈgiet gaa veere, giri bár ki gaa ijóól-, les el mé ˈginlé muun gáál kí hillééllá gáál oonisichoká.

Galátia 1:15

Tá hééllá met, yú hátle ˈjiechú geer gaa ijaʼ in Waag ye taak koote, ye ˈdúˈjímle ˈdaalle kí viiyye. Aalé aleđuđugul Waag hí feˈdeká ali kí ˈdiiyyeká

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Tímote Erká 2:7

Yú hé ˈdúwaká hogodho, yáá hódho ma hogon. ˈDeenyéél ˈdugaka in Waag ye máá ˈdiiyiminy-, ubaa máá ali gaa kaany-, tá máá gál gál Yuuˈdi muuninyká iiy yeen ubaa hé ˈdúwa-, Waaˈgietká fayamle oonisuoká hoyche.

Tímote ki Naamaká 1:11

He ˈdaa Fayam Midhaballáka in Waag ye ká eeyye, ye máállé ali gaa kaany-, gálaat fayamééllá ki ˈdiyeen-, ubaa ˈdeeny lééllá gálaat oonisuoká hoyche.

Tímote ki Naamaká 2:2

Héétí hé yú gál burnayká met gaa huogodhe-, ye af gaa maalleká, gál ˈdúwa-, ko af ˈduuwayo-, gál éíy taaka úba hé kinaal oonisuoká uroká af ki hash.

Títo 1:5

Yú ko Keréte ki hayallá, he giri kuun hújích muun gáál gíl af yé ma gaa ˈdíinyká, hol akaˈd tág ki kokoyyo-, ubaa ˈjien lullé gál Kiristo hí gaa ijoká, karu gál Kiristo met ki ˈgieká, hát yú ko geeyká, les gaa shugunnoká.

Héberew 11:4

Ábel iiy yeenle ˈdaalleka in héllé shiicho Waag shieká hé Káyin hí Waag shieká ˈdú ˈdúwa. Tá mú iiy yeenle ˈdaalle ˈdugaka in Waag mú máá ˈdúwaká chie, mú héllé shiicho kinaal iiy chie. Har Ábel úba kis mán yieka, mu hé iiy yeenlé kinaal hátle ˈdéé kí hogodho.

Yákob 3:18

Gál gálaat naanná hurt ki ijo-, ubaa gálaat naanná hurt gaa sisidhoká, héllé ˈdabaan ekemeyoká hé ˈdúwaká yiem haí gáá ˈdeeme.

Bétiro Erká 3:15

Tá ger kíchoka, Kirísto Máá Guđoká hotíe. Aadh lulle tagano ˈgée, giri gálaat hí iiy yeenkícho héllé hí met egeteká hí heeteka, hé hí gáál hol ˈdú nanniyyaká hí ˈgayyaká.

Bétiro Erká 3:2

Hé kinaallá har húgúm kíchia midhaballá ubaa yaalmit kíchia hí Waag kian ka ˈgayyáállá beelemkícho hí argeka.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.