Yuána 15:15 - Fayam Midhab Yiesu Kiristoká He Hol Af Iđiny Kaanaká

¹⁵ Yáá geđi hí géde ma yegen, ˈdaa giri gedech máállé hí hoteká héllé ekemeyoká muogká. Yáá káána hí sheelchú yie, ˈdaa giri he lullé yú ˈJaachú gaa maaleká, yú hí geeyká.

Yuána 15:15 ပူးပေါင်းရင်းမြစ်များ

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Lúka 10:23

Aalé Yíésu lalille bala ˈdú nie, ˈdéé hótal gaal íín tákámle geey, kieye, Gál hé itín hí argiyyééllá argoká ebá Waag hí ˈdú ˈjiiy!

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Yuána 13:16

Yú hí hé ˈdúwaká geeye, gedech hé máállé hí hoteká ma ˈdú ˈduwanany, héétí máá ˈgassoká hé máállé hí ali gaa kakawká ma ˈdú ˈduwanany.

Yuána 15:20

ˈDeeny yú hí geeyká táb ˈdodhdhíe, giri yú kieye, Gedech hé máállé hí hoteká ma ˈdú ˈduwanany, yú yieká. Gáál ˈbáál hé ye manyjasie, gaal itín úba haí maanyjasia. Gáál ˈbáál hé he onisinychú chiˈde, gaal he onisinykícho úba hai chiiˈda.

Yuána 16:12

Yú yáá hé guđo-, hí ka geđuoká ˈguo, kor it káánallá hé kinaallá ma uriny.

Yuána 17:26

Yáá gáál ˈduuwkú onisie, gaal ko onnodhe, tá gáál taalle ha yú ko oonisia, giri gielmit ye gielká úba gáál gaa iđo-, yú úba gáál gaa ijoká, Yíésu hí ˈJaalle yie.

Yuána 20:17

Aalé Yíésu María geey, kieye, Ha ye chíran, yáá hátle ˈJaachú hol ma ˈdú náan. Sí, nyaaramchú géesh, yú ˈJaa chia-, ˈJaakícho-, Waag chia-, Waag kíchiaká hol ˈdú naadha, muí María yie.

Yuána 4:19

Aalé min kieye, Máá Guđo, kuun yú ko dhaayká gon máá Waag hí ˈdéé ka shigichoká.

Yuána 8:26

Yú yáá hé guđo-, hí ˈdú ˈdeđensetká ˈguo. Tá Máá ye ali gáá kaayká hé yú gaa maaleká in yú gálaat lésallá gaa geđia. Máá kinaallá hé ˈdúwa, muí gáál yie.

He Ekeny Gál Alb Fimiká 20:27

He fedit Waaˈgiet hé níínní yú hí in ka kaayká mán, lulle yáá hí ki ˈdiiyime, muí gáál yie.

Róóma 7:15

Hé yú ekemeyóóllá yáá af ˈdabe. Yú máá máre? Yáá hé midhab-, onnônyka ekemeyoká ma ekemeny-, hé néb-, onnônyka ma ekemenyká ekemeyóol!

Korínto Erká 2:16

Mááya Máá Guđo Waag kasle og? Mááya Waag hiibisia?

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Eféso 1:9

Waag hát giri feˈdeká in ˈdeenylé geer geđiká gáál yíé ˈdu gáá ˈdeeyche. ˈDeeny kinaallá bárle ali kí ˈdieka, ˈdaa Kiristoka, Waag he lullé úr ubaa les gaa ijoká hollo hol fafiyya, Kirísto mé ha ki kokoyyo.

Eféso 3:5

ˈDeeny geer geđi-, Waaˈgietallá kíssóótí hé Waag hí gálaat ma kí edhesîny. Tá káánaka, Hím Naasan Waaˈgiet ˈdaalleka, hé Waag hí gállé alb fimi-, ubaa gállé ˈdeem ka shigiche-, taak koyyeká kí edhesiche.

Kolosááya 1:26

ˈDeeny yú hí ki ˈdiyeenallá he Waag héllé geer geđi-, kíssóótí kaate-, hí gál heleká lulle af ˈgidhiche-, tá káána hí gálle kí edhesichééllá.

Fílemon 1:16

Máállá érléká he gédéchkú, kor káána mu hé máá gedech ˈdú ˈdúwaká yie, mu he nyár kúnnaa ki gielká. Yáá tág mú geelnedhe, tá kuun hát mú dhúrle súm geelneto-, mú nyár kua Kiristoká úba ka geelnetoká yáá óg.

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Yákob 2:23

Héél ˈdugaka in Warˈgat Waaˈgiet ˈdeenylé hote-, giri kieye, Abirááyam ˈdeeny Waaˈgiet iiy yie, tá mú iiy yeenlé kinaallá ˈdugaka in Waag mú máá ˈdúwaká chie, yieká ˈduway. Aalé mú gaalí Waag máá béelle yie.

Bétiro Erká 1:11

Hé gaalí eiy naasanle fedeká he manyjasiny Kiristo yaalmisanolle ubaa manyjasinyle aleđuđugullé, tá hé ˈdúwa-, burnay-, midhab-, manyjasiny kinaal el gaa igiroká eiy naasanlé. Hím Naasan Kiristo gál kinaallá gaa iđeká hé gáál kíssóótí ˈdeem manyjasiny ubaa hé ˈdúwa kinaal geeyche.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.