Yuána 15:11 - Fayam Midhab Yiesu Kiristoká He Hol Af Iđiny Kaanaká

¹¹ Yáá hí hééllá geey, giri geer gaa meenchú hí gaa yíéđianno-, geer gaa meenkícho ˈduuwayoká.

Yuána 15:11 ပူးပေါင်းရင်းမြစ်များ

Lúka 15:23

Máádíny gieká ka ˈdeetíe, yiesíe, kí gololsot, kí aaˈduan.

Lúka 15:32

Kí aaˈduan, ger hí gáál gaa meet. Nyár kuallá érléká hai kufe, ke yie, káána lúol! Hai bađayyo, ke yie, káána hé yé ká ˈdie! muí inylé guđo kinaal yie, Yíésu hí gáál yie.

Lúka 15:5

Máá kinaallá walach shuunneka, geer haí gaa meedhe, walach ˈgáár hai kí egedhdhe.

Lúka 15:9

Min kinaallá bíre shuunateka, sheelle ubaa olle hollo hol ˈdú gáá veenne, gáál hai geđicha, kieye, Ka yimedhíe, kí hol ˈgar aaˈduan, bíre chia ye gaa bađayyeká yáá shuunne! hai gáál cheedhe.

Yuána 16:24

It hátle hé hí ˈdaa meenychú ki ruogonneká mán. Roogonóo, he haí aargiˈda, ger súm haí gaa meedhe.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 17:13

Yú káána bííy kua mé ká nannaa. Hééllá lésallá yú gaa hogodho, giri geyyinychú gálallá koch chegetká.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Korínto ki Naamaká 1:24

Iiy yeen kíchia hí Kirísto ka ˈgayyáállá ki iđinyle ˈdugaka he he ke hí ki mumura muuniny. Nyiin yiiró ke hí gaa chichiˈda, giri ger hí gaa memeetká. It aalé káánaka iiy yeenkícho tagano ki ˈgiiyya.

Eféso 5:18

Bersh haí fafáminy, bersh hí faanneka, bersh gál hol ma momonyká haí hođicha. Kalat Hím Naasan Waaˈgiet hí koch cheet.

Filíbi 1:25

Hé kinaallá yáá él ki mán. Tá yú hát les ˈdug ˈdú ijoká yáá óg, itín kín lulkícho hollo ke hol ˈgaa, giri hí higirayyo-, hí iiy yeenkícho ki geyyeenká.

Dhesaloníke Erká 5:16

Aadh lulle ger hí gaa meemeet,

Bétiro Erká 1:8

It mú ma árginy, kor it mú giel. Har káána úba hí mú ma arginyka, it hí mú hát ger gaa meenká iiy chie. Geer gaa meen hí ˈgayyáállá ˈduuwle hé ˈdéé hót hí hogotoká a yíé ˈdiiyye.

Yuána Erká 1:4

Hééllá nyí verennóóllá he giri múún ger gáál hát ˈdabaanká gaa memeetká.

Yuána ki Naamaká 1:12

Yáá hé guđo-, hí ka geđuoká ˈguo. Tá ˈdéé hót yú ˈgúóllá yáá warˈgatééllá geerle ˈgalaamééllá kí verenoká ma fediny. Hé kinaallá afleka, yú onnônyka ká yiimet-, ke hol af ká yíéđian-, ke hol geđuoká fede, giri ger muun gáál hát ˈdabaanká gaa memeetká.