Yuána 15:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu kieye, Yú he ˈgór ˈdúwaká. ˈJaachú he máá ˈguor ootoloká.

Yuána 15:1 ပူးပေါင်းရင်းမြစ်များ

Matááyo 15:13

Yíésu gáál geey, kieye, Ameeny ˈguor ˈJaa chia úr ijoká hí ma fíinyká, lulle ˈJaachú hidh ˈgar haí babaa.

Matááyo 20:1

Aalé Yíésu gáál hibééllá geey, kieye, Guch Uratiká héllé hol ki égká he yaalmit máá lésle ˈguor saanoká hí gaa ˈgie-, bur a midhab kie-, gál hí léslé kinaal hujich gaa nannuoká ˈgas ˈgeˈgedheká.

Matááyo 21:33

Aalé Yíésu geđi gáál geey, kieye, Ebá hib he hol ki ekenyallá úba nee kóo. Máá leslé mare lésle ˈguor saano vinnaká gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Márko 12:1

Aalé Yíésu hát hibietká gáál he onisie, kieye, Mú tikiˈd ˈguor saano vinnaká lésle gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Lúka 13:6

Aalé mu gáál hibéél geey, kieye, Mú tikiˈd lésle kinnach gaa fie. Aalé kulich tikiˈd mu sedhe, kerka kinnacho he ká babadhdhe. Mu kinnach af kí ˈdieká kinnach má hisiny.

Yuána 1:17

Hemuumurít íín Móshe hí gáál ká hilsie. ˈDúˈjím ubaa ˈgíérích ˈdúwáállá íín Yiesu Kirísto hí gáál ká hilie.

Yuána 1:9

Édhúmallá he édhúm ˈdúwa-, lésallá ká yimie-, máádhat lulle édhum ˈdú kokuoká.

Yuána 15:2

Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

Yuána 6:32

Aalé Yíésu kieye, Yú hí hé ˈdúwaká geeye, ˈguom úr gáá chimíéllá máá hí ka shieká hé Móshe muuniny. ˈGuom ˈdúwaká ˈJaa chia hí úr gáá shigia.

Yuána 6:55

Gónchú he ˈguom ˈdúwaká, fáschú he hé imi-, ˈdúwaká.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Korínto Erká 3:9

Nyiin hullaakínyo hújích Waaˈgieto nyí hol ˈgar nanniyya, itín íín he lés Waaˈgiet ke hí fieká. Héétí itín hí ˈbíl Waag hí ˈdiˈditoká.

Yuána Erká 2:8

Tá hemurit yú hí ˈdu gáá vereno-, hol geelnedhíe, chegetallá íín he hemurit kaanaká. Yíésu hé hemuritééllá ˈduuwle ki ijo. Tá káána itín úba it hemuritééllá ki iđa, ˈdaa giri bííy gaa onˈgoˈdeká ká bebeyyo-, bííy ˈdúwa-, gaa édhká ka eedheyyoká.