Yuána 14:30 - Fayam Midhab Yiesu Kiristoká He Hol Af Iđiny Kaanaká

³⁰ Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 14:30 ပူးပေါင်းရင်းမြစ်များ

Lúka 1:35

Mu María ˈdéé hol ˈdú nie, kieye, Hím Naasan Waaˈgiet hai ko ˈdu gáá leete, fargogint Waag Úr Iđoká hai ko buanna. ˈDaa kinaallá ˈdugaka in veel ˈdalaatká he Iny Waaˈgiet saas mán-, ˈdúwaká.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

He Ekeny Gál Alb Fimiká 1:3

Aalé mú manyjasinyle ubaa kúfáchle el ˈdaal, mu gállé waaˈde kinaal af burnayká hol yé ˈdu gáá ˈdeey, tá hé burnay-, máálle hát geđi luolká ˈduuwle gaalí kiimisatká muí gáál argisie. Rám tomonaam afur kinaal mu gáál hol yé ˈdú gáá ˈdeeđieká mu Guch Waaˈgiet ˈdeenyle huogodhe.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Eféso 6:12

Ooskúnno hé oos ke gálaat hol yegeská muuniny, he oos ke kansimano aryaan-, bííy urietká ubaa bííy lesallo-, gaa ongʼoˈde-, gálle édhúm Waaˈgiet ma árginyká mé ki ˈgiiyyo-, hátlé met hí hol ká eiyyeká ke hol kí ririatká.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Héberew 4:15

Muun hé ke máá méte suoryo-, đalimkúnno geer kurshamle mánká mán, tá Máá ki ˈguoká he Máá hát múúnka Sátan hí hát lulle ki ekesete-, kor íín dhúrle ađááb ma hílinyká.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Bétiro Erká 2:22

Mu hé Waag hí feˈdeká hé níínní gaa ˈdeeneyká mán, hé úba hodho hí af yé gáá ˈdieká mán.

Yuána Erká 4:4

Umééllo, itín hí gál Waaˈgiet, ití gál mú ka kídhallá ká adhate. Hééllá he ˈdaa giri Máá hí geer gaa ijóóllá kídhíchlé les gaa ijoká far ˈdú gogoká.

Yuána Erká 5:18

Ameeny máá ˈdalmaat Waag yé gáá ˈdiiyyeká ˈdalidheká hát hé ˈdeđewká ma gaa seseminyká hé ke óg, ˈdaa giri mú Waag Inyle hí ki yaal-, máá ˈdeew-, Sátanlééllá hí đig ma yegenká.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.