Yuána 14:27 - Fayam Midhab Yiesu Kiristoká He Hol Af Iđiny Kaanaká

²⁷ Yáá hí naanná af kí hay, naanná chia yú hí shie. Naanna yú hí shíéllá, hé hát naanna gál lesalloká hí hol shiguoká muuniny. Ha ger hí gaa ˈdéénen, hí seerêny.

Yuána 14:27 ပူးပေါင်းရင်းမြစ်များ

Matááyo 10:26

Tá gál hatallóóllá haí siermle ˈgíiny. Hé níínní gaalí kakaw-, Waag hí yé ma ká ˈdeđinyká mán. ˈDeeny gaalí les đireká yé hai ká ˈdeeme.

Lúka 1:79

Édhúm kinaal gál bííy gaa ongʼoˈde-, bííyle súm húˈd chieká gaa ijoká yé hai ˈdu gáá ˈdeeme, tá úba ˈgaskúnno ˈgíérích naannáká hai nannaa, Sakaría hí yie.

Lúka 10:5

ˈBíl mákárta-, hí higilloká er, ˈBílallá hí naanná yíéđuo, yiegedhíe.

Lúka 12:4

Sheelchú, yú hí geeye, haí gál gónkícho yeges-, hé éíy ˈdaati ekemeyo-, mánká kikían.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Yuána 14:1

Aalé Yíésu lalille geey, Ha ger hí gaa ˈdéénen. Waag iiy yiedhíe, yú úba ye iiy yiedhíe.

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Yuána 20:19

Kúlích kinaal gélgálle gál láliká ˈbíllo he gaa ije, tá ˈdaa giri gaal gál guguđo-, Yuuˈdiká kikiadheká gaal ˈbíl af ger ki kuokodhdhe. Yíésu gáál hurt yé gáá ˈdie, kieye, Naanná gaa yíéđía, yie.

Yuána 20:21

Yíésu geđi kieye, Naanná gaa yíéđía! Hát yú ˈJaachú ye ali gáá kaayallá, yú úba alb haí fafaa, muí gáál yie.

Yuána 20:26

Ram síet ˈgiteká gál láliká geđi ˈbíllo hol ˈdú ije. Tómas úba hé gáál hol af ije. Gaal har úba ˈbíl af ger ki kuokodhdheka, Yíésu đo gáál hurt yé gáá ˈdie, kieye, Naanná gaa yíéđía! gáál yie.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 18:9

Aalé chuure tikiˈd Máá Guđo Yíésu Báulo hát amadhyoká geey, kieye, Ha biiy gaa kían, ˈdeenychú taalle ˈdiiyímo, ha shab chéen.

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 5:1

Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate.

Róóma 5:10

Har káána úba ke Waag hol ka kídh onnoyka, Waag kúfách Inylééllá hé muun ubaa Waag gáál hol hilsie. Aalé káána ke Waag hol ka kídh muuninyallá, hát gon ke rubach aargiroká hé ke óg. Waag Inylé luolallá in muun gáál luolmit biiyoká shigia.

Róóma 8:6

Kas máádhat har balt gonniet hí he ki mumuˈdoka, af kinaalka kúfacho he yé ˈdú ˈdeˈdeme. Tá har Hím Naasan Waaˈgiet hí he ki mumuˈdoka, af kinaalka luolmít ubaa naanna Waaˈgieto he yé ˈdú ˈdeˈdeme.

Korínto Erká 1:3

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Galátia 1:3

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Galátia 6:16

Aalé gál he onisinyééllá el gaa igiroká ubaa gál Yisirayel Waaˈgietká Waag hí naanná shiigicho, hí geer guurá aargisicho.

Filíbi 4:7

Tá naanna Waaˈgiet giri kas gálaat lulle af mé ˈdú gíriká ger kíchia ubaa kas kíchia itle ubaa Yiesu Kirísto hí hol ˈdú faannééllá in hai ki ˈdeenne.

Kolosááya 1:2

Warˈgatééllá it Waaˈgiet, hí nyaaram kínyaa Kolosááya gaa iđa-, hí Kirísto hát ˈdabaanká el gaa igiˈdaká ke hí ˈdu gáá verene. ˈJaa kúnnaa Waag hí ˈdú ˈjeeˈjeen, hí naanná shiiguo.

Kolosááya 1:20

Héétí Inyle ˈdaalleka, he met lullé les gaa ijóóllá yíekaʼ, úr gaa ijoká yíekaʼ, shimít muuˈdoká. Shimitééllá mú Inylé ˈgór đarám yaalká ˈdú kufeká fáslé okoˈdeká hé yé gáá ˈdeˈdeenne, Waag ubaa he met lulle hol shimít ki mumura.

Kolosááya 3:15

ˈDaa giri hí gon tikiˈde-, Waag hí naanná kí viiyyeká, Kirísto naannalle hí gaa yíéđiyyo, hí he gaa muumuˈdo, Waag gielmít hol ˈdú naannáa.

Dhesaloníke ki Naamaká 1:2

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Dhesaloníke ki Naamaká 3:16

Máá kúnnaa Guđo naanná hí yé gáá ˈdeˈdeennoká dhúrle hí itín yaalmisano lulle naanná gaa shiiguo, mu lulkícho hí gaa yíéđuo.

Tímote ki Naamaká 1:7

Waag hé muun gáál hodhin siermoká ma ka shíiny. Hodhin muí gáál ka shieká, he hodhin fargogínt, ubaa gielmít, tá ˈdaalím ˈgayyoká.

Héberew 13:20

Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.

Héberew 7:2

Aalé Abirááyam héllé lulle ká uuneká met tomon eiy ká mumure, mé tikiˈd mú shie. Meeny Melkíseˈdeg lééllá hélle er kieye, Kánsích hé ˈdúwaká ekemeyoká. Héétí Kánsích Salem gaalí mú yíéllá, hélle kieye, Naanná Kánsíchlé.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.

Kí Edhesiny 2:10

Manyjany ál ˈjob-, il hí gaa aargiˈdoká siermle haí ˈgíiny. Bá dhaayyíe, itín ˈbaal Sátan ál ˈjob ˈbíl hiiginká haí ki lalaanna, giri muí he af kí dhaˈgasanká. Ram tomon he il haí gaa aargiˈda. Aaléka, har úba káána kúfach kátaka, iiy yeen kíchia hí ye ká ˈgayyaká haí hâny, yú hé shiicho luolmitiká haí shigia.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.