Yuána 14:12 - Fayam Midhab Yiesu Kiristoká He Hol Af Iđiny Kaanaká

¹² Yú hí hé ˈdúwaká geeye, Máá ye iiy yeetká hé yú eekemeyká hai ekemeye. Máá hat kinaalloká ˈdaa giri ˈJaachú yú bííyle mé nannuoká hé éíy taaka gálaat hí af ˈdaˈdabo-, hé yú eekemeyká a mé gíriká hai ekemeye.

Yuána 14:12 ပူးပေါင်းရင်းမြစ်များ

Matááyo 21:21

Yíésu gáál geey, kieye, Yú hí hé ˈdúwaká geeye, har hí Waag iiy yeen ká ˈgayya-, hí ger totom ma gaa ˈgiˈgisanka, it hé yú kínnáchallá ki hodhééllá tákámle ma ekemeny, gúmallá úba hí geeyche-, Siléew, hol bás ki lab, hí chieka, he đo hát kinaal hai ˈdie.

Márko 11:13

Mu kínnách đalayká bííy fag ká arge. Mu sedhe, kerka kinnacho he um gáá eebite. Aalé mu kinnach af kí ˈdieká, kinnach um mán, ˈdaa giri kinnach hísáchle aleđuđugulle muuninyká kinnach nee tákáma he ˈgaa.

Márko 16:17

Gál ye iiy yieká hé gaalí af ˈdaˈdabóóllá hé hol ˈguo: ˈDaa meenychúka gaal gálaat aryáán yé hai gaa ˈdeđia. Gaal af he muogká ˈdéé hai ki hogodho.

Yuána 14:28

ˈDeeny giri yú hí geey-, yú kieye, Yú ha seeme, kor geđi hollo hí hol ˈdu gáá naadha, yú hí yieká, it maalle. Itín hí ye geelnênyka, hát yú ˈJaachú bííyle mé nannúóllá gerle onnônyka hé hí gaa meedhe, ˈdaa giri mu ye ˈdú guđoká.

Yuána 16:7

Tá yú hí hé ˈdúwaká geeye, kímchú hé hí ki midhab. Har yú ma kiinyka, Máá hí rangʼit yegetká hé hí ma ˈdu gáá yiimen. Tá yú sedheka, mú ali ha yú hí ˈdu gáá kakaa.

Yuána 4:37

Aalé ˈdéé hót kieye, ˈGuom mú tikiˈde hí fafaa, máá hí mumuro-, hí đođoruoká taaka, chieká, hé ˈdúwa.

Yuána 5:20

ˈdaa giri Íny ˈJaalle hí giel-, ˈJaalle héllé ekemeyoká lulle hí aargisuoká. Tá mu úba hé hééllá súm ˈdú guđo-, ekemeyoká Inyle hai aargisia, giri itín súm hí he af ˈdaˈdabiyyaká.

Yuána 7:33

Aalé Yíésu kieye, Yú rám iraam mánká ke hol af ija, tá Máá ye ali gáá kaayká hol ˈdú naadha.

Yuána 7:39

ˈDeeny Yíésu hí huogodhééllá he ˈdeeny Hím Naasan Waaˈgietle gál mú iiy yieká hí aargiroká. Yíésu ˈdeenyééllá hogodheká Waag hé hátle Hím Naasanle gál Yíésu iiy yieká ma shíiny, ˈdaa giri Yíésu hátle ˈgór ma ˈdú kúfiny-, uushich yé ma gáá ˈdíiny-, bííy ˈJaalle mé ma níinyká.

He Ekeny Gál Alb Fimiká 10:46

Gál Hím Naasan Waaˈgiet hí ˈdu gáá leete kinaal af hol ká eiyyeká đo ká huogodhe, Waag ki meey, gaalí maale. Aalé Bétiro kieye,

He Ekeny Gál Alb Fimiká 16:18

Ini aadh lullé nyí el gaa igiˈde, nyí hawul ˈgieˈgete, héél af gaa guđoká ki huogote. Aalé Báulo ini hélléél hí idhansie, mu ini bala ˈdú nie, aryaan ini gaa iđeká geey, kieye, Fargogint meeny Yiesu Kiristo yú ko ki geeye, inííllá yé gaa ˈdé, yie. Tíkíˈdé kinaal aryáán đo ini yé gaa ˈdiiyye.

He Ekeny Gál Alb Fimiká 19:12

Báulo shaashamle ubaa đafaraamlé muí đafaraam ˈdug ˈdú higiteká úba gaalí gál basham ˈgieká ˈdú eedhdheka, gaal đo hai bie, aryáán đo gálaat yiem hai gaa ˈdiiyye.

He Ekeny Gál Alb Fimiká 2:33

Mú hé Waag hí les gaa eeyye, Waag hí gíl ˈdaallé naanietká iđisate, mú ˈJaalle Hím Naasanlé he mú af iđieká hé mú shie. Hé káána aalé hí argiyya-, hí mamallóóllá he Hím Naasan Waaˈgiet kinaallá muí nyí ˈdú gáá leesie.

He Ekeny Gál Alb Fimiká 2:41

Gál mú ˈdeenylé kinaal iiy yieká gaalí bie gim nie. Kúlích kinaal gáál shíí seđ gáál túóyle ˈdú fame.

He Ekeny Gál Alb Fimiká 4:16

Gálallá háte ke kokoo? Gálallá hé ke af ˈdaˈdabo-, he ekeyká meka hé gál lulle Yerúsalem gaa ijóóllá hé hí óg. Hé níínní ke in gáá kootká mán.

He Ekeny Gál Alb Fimiká 4:33

Gál alb fimiká Máá Guđo Yíésu uushich yé gáá ˈdímle fargogínt ki ˈdiiyime, tá gáál ˈdúˈjím guđoká hí ˈdú gáá leete.

He Ekeny Gál Alb Fimiká 4:4

Tá gál burnay-, fayam ˈdeenyle Bétiro ubaa Yuána hí ˈdiiyimeká maaleká fayám iiy yie. Kúlích kinaal ameeny gál Yíésu iiy yieká gál yaab túóy hí shíí chen nyuoˈde.

He Ekeny Gál Alb Fimiká 5:15

Héél ˈdaalle ˈdugaka gálaat gál basham ˈgieká ˈgierim af ká sidhe, gáál kubano ubaa rokodo ˈdugano ˈdú iifie, giri kerka Bétiro ál kinaal ká nadheka, gáchle gáál ˈdáá tikiˈd gáá nannaat-, giri gaal miidhanatká.

He Ekeny Gál Alb Fimiká 6:7

Aalé ˈdeeny Waaˈgiet ˈjien Yerusalem bash ki yie, gál burnayká ˈdéé iiy yie, gaal lali Yiesu yie. Gál burnay-, suoryoká úba fayam Yiesúúl iiy yie, fayám el gaa veere.

He Ekeny Gál Alb Fimiká 8:7

Fílib gál ilishká aryáán yiem gaa ˈdeey. Gáál af giri aryáán hí yiem gaa ˈdeˈdeenneká gaal koˈdam ˈdane. Gál héljo mare ubaa gál burnay alb ˈgie mare úba muí bisie.

He Ekeny Gál Alb Fimiká 9:34

Bétiro mú geey, kieye, Enías, Yiesu Kirísto hé ko bisie, le gaa keʼ, lokoˈdkú máro, yie. Ál tikiˈde kinaal Enías đo midhandhe, les gaa kie.

He Ekeny Gál Alb Fimiká 9:40

Aalé Bétiro gáál lulle yíé ˈdeey, les kurram veere, Waag vite. Aalé mu min giri mán chieká bala ˈdú nie, kieye, Tabídha, le gaa keʼ, yie. Aalé min in fuoˈde, Bétiro argiyyeká lođuđul yíéđiyye.

Róóma 15:19

Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.