Yuána 14:10 - Fayam Midhab Yiesu Kiristoká He Hol Af Iđiny Kaanaká

¹⁰ Hát yú ˈJaachú gaa ijo-, ˈJaachú íín ye gaa ijoká, kó iiy ma chéen? ˈDeem yú hí geđúóllá hé hé meenychú muuniny. ˈJaa chia ye gaa ijoká in hújíchle nannaa.

Yuána 14:10 ပူးပေါင်းရင်းမြစ်များ

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 10:38

Tá yáá hé midhab kinaallá ekemeyo. Har úba káána hí ye iiy ma chegenka, hé midhab yú ekemeyoká iiy yiedhíe. Hát kinaallá in hát ˈJaachú ye gaa ijo-, ˈJaachú íín yú gaa ijoká hí kiimisata, hí eiy naasata, Yíésu hí gáál yie.

Yuána 11:26

Tá gál ye lésallá iiy gaa yeetká lulle taalle bííyyo hé ma kufuminy. Kó héél iiy chíe? muí Márta yie.

Yuána 12:49

Tá yú yáá hé meenychú ma húógon, ˈJaa chia ye ali gáá kaayká in hé yú hogodhoká ubaa hé yú hí geđuoká ye kí mure.

Yuána 14:11

Hát yú ˈJaachú gaa ijo-, ˈJaachú íín ye gaa ijoká iiy yiedhíe. Har ˈdee hí iiy ma honyka, hé yú eekemey-, hí il ki argiyyeká, hí iiy hoyo.

Yuána 14:20

Kúlích kinaallá hát yú ˈJaachú gaa ijo-, itín hí ye gaa iđa-, tá yú hí gaa ijoká eiy haí naasata.

Yuána 14:24

Máá ye ma geelnenyká hé ˈdeenychú el ma gaa vereniny. ˈDeeny hí maallóóllá hé ˈdeenychú muuniny, he ˈJaa chia ye ali gáá kaayká ˈdeenylé.

Yuána 17:8

Fayam ye ka shiicheká yáá gáál shie, hé gaalí iiy yie. Gaal hát yú ko yé gáá ˈdieká hé eiy naate, tá kuun hát ye ali gáá kaayyeká úba hé iiy yie.

Yuána 3:2

Mu chúúre tikiˈd Yíésu ˈdu gáá yimie, kieye, Máá gáál he oonisúóllo, kuun hát Waag gáá chimie-, gálaat he oonisichoká, nyáá nyí óg. Hé máá níínní Waag hí gaa líítaka, hé ke af ˈdaˈdabo-, kuun hí ekemeychóóllá ekemeyoká mán, yie.

Yuána 5:17

Aalé Yíésu gáál geey, kieye, ˈJaachú hé hujich nannuo, ˈjíig káána đig, tá yú úba yáá hujich nannuo, gáál yie.

Yuána 5:19

Aalé Yíésu gáál ˈdéé hótal geey, kieye, Yú hí hé ˈdúwaká geeye, Iny hé níínní tákámle ekemeyoká mán, hé ˈJaalle hí ekemeyo-, argoká in ekemeye. Iny he lullé ˈJaalle hí ekemeyoká in úba ekemeye,

Yuána 7:16

Yíésu gáál ˈdéé hol ˈdú nie, kieye, He onisiny yú gálaat oonisúóllá hé ye yé ma gáá ˈdeˈdeminy, máá yé gáá ˈdeˈdeenká he Máá ye ali gáá kaayká.

Yuána 8:28

Aalé Yíésu kieye, Af giri hí Iny Máádhat ˈgór đarám yaalká ˈdú ˈdoyyo-, hí mú úr ki eeyyoká in yú hát he yúká hí kiimisata. Héétí hát yú tákámchú hé níínní ekemeyoká mán-, hé ˈJaachú hí ye onisieká tákámle hogodhoká úba haí kiimisata.

Yuána 8:38

Yú hé ˈJaachú gaa aargiroká in hogodho. Itín íín hé hí ˈjaakícho gaa mamalloká hí ekemeyche, Yíésu hí gáál yie.

Yuána 8:40

Yú he máá hé ˈdúwa-, Waag gaa maaleká hí geđuoká, kor káána it ye oos muˈde. Abirááyam íín hé hatallo-, itín hí ekemeychóóllá ma ekêny.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

Korínto ki Naamaká 5:19

Aaléka, Waag ˈdaa Kiristoka gál lesalloká ínnallé hol ˈdú gáá eeyye, gálaat ađaabanolle gaa eeyye. Tá Waag hé hújíchle nyiin nyí mé ki koyye, giri nyí gálaat fayam Kiristo-, fayamle gálaat ubaa Waag íínííllá hol higilsichoká ki ˈdiyeenneká.

Kolosááya 1:19

Waag héllé kis feˈde-, muˈdeká he giri aalmichle alulle Inyle gaa iđoká.

Kolosááya 2:9

Hééllá he ˈdaa giri Waag aalmichle alulle Kirísto ˈdalidhe-, gon ˈgúóllá gaa iđoká.

Yuána Erká 5:7

Hé gáál Yíésu ˈduuwle geđuoká seđe.