Yuána 13:16 - Fayam Midhab Yiesu Kiristoká He Hol Af Iđiny Kaanaká

¹⁶ Yú hí hé ˈdúwaká geeye, gedech hé máállé hí hoteká ma ˈdú ˈduwanany, héétí máá ˈgassoká hé máállé hí ali gaa kakawká ma ˈdú ˈduwanany.

Yuána 13:16 ပူးပေါင်းရင်းမြစ်များ

Lúka 6:40

Máá láliká hé máállé hí he oonisuoká ma ˈdú ˈduwanany. Tá máá gáál he oonisuoká lalille hát ˈdabaanká he onisie-, lali he lulle onodheka, lali kinaallá hát mu ííni he yeedhe.

Yuána 15:20

ˈDeeny yú hí geeyká táb ˈdodhdhíe, giri yú kieye, Gedech hé máállé hí hoteká ma ˈdú ˈduwanany, yú yieká. Gáál ˈbáál hé ye manyjasie, gaal itín úba haí maanyjasia. Gáál ˈbáál hé he onisinychú chiˈde, gaal he onisinykícho úba hai chiiˈda.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Korínto ki Naamaká 8:23

Títo íín he máá chia ˈdaakíchoka nyí hol hujich ˈgar nanniyyoká, tá nyaaram kúnnaa mú hol ˈgúóllá he gál gállé Kiristo-, lesalloká hí ali ká fie-, hújíchlé nannúól Kirísto ˈdúúw gaa shiguoká.

Filíbi 2:25

Tá yú tawueká Ebafuroˈdíto yú hí hol ˈdu gáá nannaa. Mu he nyár chia-, nyí hol hujich ˈgar nanniyya-, áwúlle nyí Fayam Midhaballá hol ˈgar lađaannaká. Mu íín úba he máá kíchia ˈgasiet-, hí ye ali ˈdu gáá kaayye-, hé ye ki ˈgeeˈgerneyká ye yiir kí chichiˈdeká.