Yuána 13:1 - Fayam Midhab Yiesu Kiristoká He Hol Af Iđiny Kaanaká

¹ Aalé ˈjila máá ˈgasso-, urru-, Waaˈgietká hí gáál ˈdug gaa nadheká ka tirtirayyeká, Yíésu aleđuđugulle hát ali kí ˈdiiyye-, lésallá haađuo-, bííy ˈJaalle mé nannuoká hé onnoy. Mu hát gállé lesallo-, hí iiy yieká gielká in gielmit kinaallá taalle muí gáál ká ˈgie, muí gáál aargisie.

Yuána 13:1 ပူးပေါင်းရင်းမြစ်များ

Matááyo 26:45

Aalé mu gál láliká hol ˈdu gáá nadheká gáál geey, kieye, Hátlé hí hefersete-, hí rayyekâ? Bá in eiy ˈdeeyyíe, aadh ˈgas gaalí Iny Máádhat gál ađaabano ˈguoká gíl geer gaa kakawká hé ali kí ˈdiiyye.

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Lúka 9:51

Yíésu aflé giri úratí mé nannieká ka ˈjobonteká, mu Yerúsalem sienyle ˈdú guofe.

Yuána 11:55

Af giri gál Yuuˈdi ˈjilallé máá ˈgasso-, urru-, Waaˈgietká hí gálaat ˈdug gaa nadheká ka ˈjobonteká gál burnayká ˈjienle gaa kie, Yerúsalem mé nie, giri ˈjila hátlé ali ma kí ˈdíinyká hol dhidhiroká.

Yuána 12:23

Yíésu gáál ˈdéé hol ˈdú nie, kieye, Aleđuđugul Iny Máádhat hí gaa ˈduuwawká hé ali kí ˈdiiyye.

Yuána 13:29

ˈDaa giri Yúúˈdas shomodhe bireká hí gíl geer gaa iđeká, gáál ˈbaal tawunyleka, Yíésu mú hé mákárta-, ˈjilaká ka yío, muuninyka, bíre ˈbaal gál he maamanká shíísho, he mú yie, he yegie.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 13:34

Yáá hí hemurit kaanaká kí mure, hol geelnedhíe. Hát káána yú hí gielallá, itín úba hol geelnedhíe.

Yuána 14:28

ˈDeeny giri yú hí geey-, yú kieye, Yú ha seeme, kor geđi hollo hí hol ˈdu gáá naadha, yú hí yieká, it maalle. Itín hí ye geelnênyka, hát yú ˈJaachú bííyle mé nannúóllá gerle onnônyka hé hí gaa meedhe, ˈdaa giri mu ye ˈdú guđoká.

Yuána 14:31

tá hééllá yú hurt higilóóllá he giri les gálle yú hát ˈJaachú giel-, hé ˈJaachú hí ye kí mureká lulle el gaa igiroká kiimisatká. Ka kée, kí siet, Yíésu hí lalille yie.

Yuána 16:28

Yú ˈJaa chia gáá yimie, in lésallá mé ká nie. Aalé káána lésallá ha haađia, ˈJaa chia hol ˈdú naadha, Yíésu hí gáál yie.

Yuána 17:1

Aalé Yíésu ˈdeeny kinaal beeteká đo úr gaa dhaay, kieye, Baabá, aadh ˈgas hé ali kí ˈdiiyye. Inykú ˈduwásish, Iny íín hí ko ˈduwayo.

Yuána 17:16

Hát tikiˈde yú máá lesallo-, muuninyallá, gaal íín úba hé gál lesallá muuniny.

Yuána 17:26

Yáá gáál ˈduuwkú onisie, gaal ko onnodhe, tá gáál taalle ha yú ko oonisia, giri gielmit ye gielká úba gáál gaa iđo-, yú úba gáál gaa ijoká, Yíésu hí ˈJaalle yie.

Yuána 17:5

Aalé, Baabá, ye ˈduuw héle les hátle biiy gaa mannayyeká yú ubaa kuun ke hol ka ˈgieká, ye káánallá ki ˈdúwash.

Yuána 18:4

Yíésu hát he lulle il hí aargiˈdoká ógká, gáál af ki sedhe, gáál yiete, kieye, Mááya hí hol gaa ˈgeˈgete? yie.

Yuána 19:28

Aalé el ˈdaal, Yíésu hát he lulle đusieká ógká in kieye, Yú báre ˈgaa, yie. Mu hééllá hodhééllá he ˈdeeny Warˈgat Waaˈgiet hí hoteká ˈduway.

Yuána 2:13

ˈJila gál Yuuˈdi-, máá ˈgasso-, urru-, Waaˈgietká hí gáál ˈdug gaa nadheká ka tirtirayyeká Yíésu Yerúsalem mé nie.

Yuána 6:4

Af kinaallá ˈjila gál Yuuˈdi-, máá ˈgasso-, urru-, Waaˈgietká hí gáál ˈdug gaa nadheká hé ká ˈjobonte.

Yuána 7:30

Mu ˈdeenyééllá tákáma hodhe, gál guguđo-, Yuuˈdiká đo mú ˈgiliˈgany gaa ˈgeˈgedhe, kor ˈdaa giri mú aleđuđugulle ali ma kí ˈdíinyká gaal hé máá níínní mú đig yieká mán.

Yuána 7:6

Aalé Yíésu kieye, Aleđuđugul chia yú gaa seseenká hé ali ma kí ˈdíiny, tá itín aadh ˈgás hí gaa seseennoká it uˈda.

Yuána 8:20

ˈDeenyééllá af giri mu ˈBíl Waaˈgietká álle gálaat he gaa oonisieká muí hodhe. Mu af kinaallá ál gálaat hí héllé shiichoká hol ˈdu sisidhoká he láá ije. Tá ˈdaa giri mú aleđuđugulle ali ma kí ˈdíinyká, mú hé máá níínní hí ˈgiliˈgayká mán.

Róóma 8:37

He lullé il hí nyí aargiˈdóóllá nyáá nyí ma gaa giinany, ˈdaa Kirísto muun gáál gielallá ˈdaalleka lúl a mé ha nyí kí faanna.

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Héberew 6:11

Itín hé ke hí gaa fedoká, he giri ˈdaab hí les ˈdug ˈdú iđáállá yaalmit kíchia gielmitííllá taalle hí ki iđa-, hé biiy meto-, hí súm egeteká hát ˈduuwawká hí met gaa ógká.

Bétiro Erká 1:13

Aaléka, hol táa, kaskícho tág kodhdhíe. Af giri Yiesu Kirísto ká ˈjeenká mu ˈdúˈjím Waaˈgiet haí ˈdu gáá siidha. ˈDúˈjím hí met egetééllá, hát ˈdabaanká mé ka ˈgáa.

Yuána Erká 4:19

ˈDaa giri mu íín er gáál gielká in múún úba ke gielmít ˈgaa.