Yuána 12:48 - Fayam Midhab Yiesu Kiristoká He Hol Af Iđiny Kaanaká

⁴⁸ Máá ye điidho-, ˈdeenychú iiy ma yeenká, hé héllé giri hí kúlích biiy el ˈdaˈdká gaa ˈdeđenset-, hí ˈdéé ki iđimuoká ˈguo. Hé kinaallá he ˈdeenychú.

Yuána 12:48 ပူးပေါင်းရင်းမြစ်များ

Matááyo 10:15

Yú hí hé ˈdúwaká geeye, kúlích gálaat Waag hí ˈdéé ki iđimichoká ali kí ˈdiiyyeka, gál eny kinaalloká manyjany il hí aargiˈdoká hé tág ˈdeew! Manyjany gál ˈjien Soˈdom ubaa gál ˈjien Gomora il hí aargiˈdoká úba ˈdiefiyya.

Matááyo 21:42

Yíésu gáál geey, kieye, Tá ˈdéé hót Warˈgat Waaˈgiet gaa iđo-, giri kieye, Wár gál é ˈdiˈdisoká hí điidheká hé ˈbíl árle yie. Wár kinaallá Máá kúnnaa Guđo Waago hí hát kinaallá koy. Yaalmit ke il ki argóóllá ebá gáál af gil fafaa! chieká it ma túony?

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Márko 12:10

Ití Warˈgat Waaˈgiet giri kieye, Wár gál é ˈdiˈdisoká hí điidheká hé ˈbíl árle yie.

Márko 16:16

Máá ye iiy yeet-, gaalí bie gim nuoká rubach hai aargira. Tá máá ye iiy ma yéenká kúlích Waag gálaat hol eiy gaa nanniyyoká hé ˈdeewká il haí aargiˈda.

Márko 8:31

Aalé Yíésu gáál he ká onisie, kieye, Iny Máádhat súmo gaalí maanyjasia. Gál káruká ubaa gál guguđo-, suoryoká, tá gál nyatalaamká haí điidhma, ha gaalí yeese, tá kúlích ki seđeká uushich yé hai gáá ˈdeeme, yie.

Lúka 10:16

Aalé Yíésu geđi gál alb fimiká geey, kieye, Máá hí af maaloká, yaa ye af maale. Máá hí điidhoká, yaa ye điidhe. Héétí máá ye điidhoká, máá kinaallá Máá ye ali gáá kaayká úba he điidhe, Yíésu hí yie.

Lúka 17:25

Tá mu íín gon erkob hai maanyjaa, gál barallóóllá haí điidhma.

Lúka 20:17

Yíésu gáál gaa dhaay, kieye, Tá ˈdeeny gaalí veere-, kieye, Wár gál é ˈdiˈdisoká hí điidheká hé ˈbíl árle yie, gaalí yieká, hélle meete?

Lúka 7:30

Gál Farisaay ubaa gál nyatalaamká Yuána hí bie gim nannuoká iiy ma yéenká íín hé Waag hí ki feˈdeká điidhe.

Lúka 9:22

Mu kieye, Iny Máádhat manyjasiny guđoká gon il haí aargiˈda. Gál káruká, ubaa gál guguđo-, suoryoká, tá gállé nyatalaamká haí điidhma, ha gaalí yeese, tá kúlích ki seđeká Waag uushich yé haí gáá ˈdeđicha, Yíésu hí lalille yie.

Lúka 9:26

Máá yú ubaa ˈdeenychú ˈdaalle ˈdugaka kern hí ˈgidhoká, yáá Iny Máádhátallá bár édhúmchú ubaa édhúm ˈJaachú, tá gál ˈgasso-, urru-, Waaˈgietká édhúmle kí yiimetká máá kinaallá ˈdaalle ˈdugaka kern úba ha ye ˈgiidha.

Yuána 11:24

Aalé Márta kieye, Mu hát kúlích biiy el ˈdaˈd-, Waag gálaat uushim yiem gáá ˈdeđichoká íín úba uushich yé gáá ˈdeenká yáá óg, chie.

Yuána 5:45

Tá haí taawûny, hí kieye, mu ˈJaalle metle hai nyí gaa kaatasia, hí chéen. Móshe giri hí taawuyya-, hai nyí riima, hí chegetoká ííni hí kaatasia.

Yuána 6:39

Máá ye ali gáá kaayká hát he fedoká he gál muí ye gíl geer ká fieká mú tikiˈd úba hí ma gaa baađany-, kúlích biiy el ˈdaˈdká gáál lulle yú uushim yiem gáá ˈdeđuoká.

Yuána 8:47

Máá Waag hí léká Waag ˈdeenyle hai maala. Itín ˈdaa giri hí Waag gálle muuninyká in Waag ˈdeenyle hí mé ma ki seseminy, Yíésu hí gáál yie.

He Ekeny Gál Alb Fimiká 17:31

Waag hé kúlích ˈdeeká taak koyye. Kúlích kinaallá máá muí gíl ki helieká ˈdeem hát ˈduwantiká gálaat eiy hai ki nannaa. Waag hééllá ˈduuwle hé gálaat lulle argisiche, hé máá kinaal uushich yé gáá ˈdeeyche, Báulo hí gáál yie.

He Ekeny Gál Alb Fimiká 3:23

Máá mú ˈdeenyle nee ma kokonyká, mú gálle ha gaalí gaa ˈgiidhia, ha gaalí yeese, muí gáál yieká.

Róóma 2:16

Tá kúlích gaal Waag met ki ˈdeen kinaal ali kí ˈdiiyyeka, Waag ˈdaa Yiesu Kiristoka gálaat lulle héllé ger geđiká hai ká eedhesicha, máádhat hát ˈdúwaká hai hogoto, muuninyka, mu hát ˈdúúw muuninyká hai hogoto. Yaalmitééllá he hé ke Fayam Midhab yú hí ki ˈdiyeenallá gaa argeká.

Korínto ki Naamaká 4:3

Nyiin Fayam Midhab-, nyí ˈdiyeennallá har hé gálaat kasle ma higilinyká kátaka, af kinaalka gál Kirísto iiy ma yéen-, bađay-, kas hí chúgká tákáma he mé ma híliny.

Dhesaloníke ki Naamaká 1:8

Mu íín ˈjiet boloonká hai kí yiimedhe, giri gál Waag điidhe-, Máá kúnnaa Guđo-, Yíésu lééllá Fayamlé Midhaballá met ma gaa kekeminyká lulle he il ká aargisuoká.

Héberew 10:25

Hát káána gáál ˈbaal hí ekemeyóóllá ha ke hol ˈdú síé hâny, kí hol ˈdú seeseen-, kí hol guogofsuo. Biiy el ˈdaˈd hát ka ˈjobonte-, ke kimitééllá kí hol súm guogofsuo.

Héberew 12:25

Hol ˈdeeˈdemíe. Haí Waag ˈdéé hogotóóllá af đíiny. Gaal af giri máá hí Waag ˈdeenyle lésallá gaa shigieká af điidheká hé he il hí argiyye. Tá muun har ke Waag úr ˈdéé gáá hogoto-, gáál geđichóóllá ke el af gaa tameka, af kinaalka he ˈdaab máre il hí gáál aargiˈda?

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Héberew 4:12

Aalé ˈdeeny Waaˈgiet he ˈdeeny luolmiti-, fargogínt ˈguo-, faaˈd ˈdinnam hullaalle gáá alléká ˈdú alléká. Hát faaˈd laf hol af eiy gaa okodmicho-, ubaa hát faaˈd lafit muˈdeka ˈdiiny ˈdú ˈjeˈjeennokáka, ˈdeeny Waaˈgiet máádháto geer higila, mú tawunyle ubaa mu héllé geer ka ˈguoká og. Héétí mu héllé he geer ka ˈguo-, fedoká har hé Hím Naasan Waaˈgiet hí fedoká kátaka he eiy nannaa.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Bétiro ki Naamaká 3:3

Er hééllá onnóo: Biiy bár el met ˈdáˈdle ka ˈjoobonotoká gál af ka fichilít ˈguo-, baltlé gaa nyakaridheká el gaa igiroká les yiem hai gáá ˈdeeme.

Bétiro ki Naamaká 3:7

Waag ˈdéé hótle úba in ur kaanallóóllá ubaa lés kaanallóóllá Waag hí taak ki koyye, giri ˈjiet hí af ki shugunatká. Hé kinaallá hé Waag hí ali koyye, ˈdaab kúlích Waag gálaat ˈdeem ki iđimichoká ubaa gál Waag af điđidhanká af ki beesenle-, ali ma kí ˈdíinyká.