Yuána 12:43 - Fayam Midhab Yiesu Kiristoká He Hol Af Iđiny Kaanaká

⁴³ Hééllá ˈdaa giri gaal gálaat hí memeyoká fedo-, meeny Waag hí memeychoká ma ˈdú fafinyká.

Yuána 12:43 ပူးပေါင်းရင်းမြစ်များ

Matááyo 6:2

Aaléka, kúún har gál he hí ki ˈgierˈgereká he shigichoka, ha faˈd af gaa kóon, ˈdiyíminy. Ha hát gál hol egew-, ény ˈdiiyiminyká ubaa ˈjien hursam gálaat he gaa shiguo-, gálaat hí memeyoká fedóóllá chéen. Yú hí hé ˈdúwaká geeye, gál hol egew-, hatallóóllá héllé shiichoká hé lésallá gaa argééllá tákáma.

Lúka 16:15

Aaléka Yíésu gáál geey, kieye, Itín innum gálaato hí gál ˈdúwaká hol gaa hođicha, tá Waag íín hé hé ger geđi kíchiaká óg. Tá hé gálaat hí hé súm ˈdúwaká ka dhaˈgasanká, íín hé Waag hí néb.

Lúka 19:17

Mú máállé guđoká kieye, Hé midhab, kúún he gédéch ˈdúwaká. ˈDaa giri kúún hé ninnííllá gáá ˈdúwaká, kuun aalé ˈjien met tomon kánsíchle ha cheedhe, muí mú yie.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Yuána 5:41

Yú yáá meeny gálaat hí ye memeyoká ma ki iđiny.

Yuána 5:44

Itín hí hol eiy memeychoká hí feˈde, tá Waag ali ka takachká hí itín memeychoká in hí mé ká man háluke, tá háteeye hí ye iiy chegedhe?

Yuána 7:18

Máá hélle dhúrle hogodhoká ˈdúuw he hol ki ˈgeˈgedhe, tá máá máá hí ali gáá kaayká ˈduuwle laatle lađaanká he máá ˈdúúw hogodho-, af ka hódho mánká.

Yuána 8:54

Yíésu gáál ˈdéé hol ˈdú nie, kieye, Yú har hol ˈduuwasuoka, af kinaalka ˈduuwchú hé kátaká mán. Máá ye ˈduuwasuoká he ˈJaa chia hí hol bal ki ˈdaraanna-, hí Waagkínyo chegetallá.

Róóma 2:29

He Waag geer ubaa mé ki sinno in máádhat máá Waaˈgiet hođia. Hermisan ˈdúwaká hé kinaallá. Hermisan ˈdúwáállá hé hemuumurít el gaa igiritle yé ma gáá ˈdeˈdeminy, Hím Naasan Waaˈgiet af maalíti he yé gáá ˈdeˈdeenne. Hermisanééllá gál hí hermisatká gálaat hí memeyoká hé ma fediny, Waag hí memeychoká he fede.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto ki Naamaká 10:18

Máá innum Waaˈgietka ˈdúwaká hé máá íín ˈduuwle ma hogon-, Waag hí ˈduuwle hogotoká.

Dhesaloníke Erká 2:6

Héétí nyáá nyí itín ubaa gál éíy taaka meeny hí nyí memeychoká ke hí ma ˈdu gáá ˈgéˈgen.

Bétiro Erká 3:4

Verekícho hí vere hí hodhinaam ká ˈgayyaká onnoyyo, úba hí vere hugumiet ma ˈdeđenen-, abuniyyo-, sáaká onnoyyo. Vere hat kinaallóóllá innum Waaˈgietka hé ˈdúwa.