Yuána 12:37 - Fayam Midhab Yiesu Kiristoká He Hol Af Iđiny Kaanaká

³⁷ Yíésu har úba he lullé burnay-, gáál af ˈdaˈdabsúól gálaat met gaa ekeyka, gál burnayká hé mú iiy ma yéen.

Yuána 12:37 ပူးပေါင်းရင်းမြစ်များ

Matááyo 11:20

Aalé Yíésu hé burnay-, gálaat hí af ˈdaˈdaboká ˈjien he gaa eekemeyká gálle ˈdeente, ˈdaa giri gaal héllé ˈdeđew-, ekemeyoká ma hâny-, Waag makan ma fáminyká.

Lúka 16:31

Aalé Abirááyam mú geey, kieye, Gaal har hemuumurit Waag hí Móshe ka shiicheká ubaa gál Waag hí ˈdéé ka shigicheká ˈdeemle nee ma konyka, af kinaalka úba káána máádhat uushich yé gaa ˈdeˈdéminy-, hí geđînyka, hé ˈdee hí mé ma ki seeminy, muí mú yie.

Yuána 1:11

Mu hé lésle ká yimie, kor mú gálle hé mú điidhe.

Yuána 11:42

Hát kúún aadh lulle ye af mamalloká yáá óg. Tá gál állá ˈgíéllá ˈdaalle ˈdugaka in yú hééllá ki hodhe, giri hát kuun ye ali gáá kaayyeká gaalí iiy yegetká, yie.

Yuána 12:36

Édhum hátlé hí hol ˈgayyáállá, édhum iiy yiedhíe, giri hí um edhum chegetoká, Yíésu hí gáál yie. Yíésu ˈdéé beeteká đo gáál mé af ˈgite, ali gaa sedhe.

Yuána 12:38

Yaalmitééllá ˈdéé hót Waag hí Yisááya ká shiiche-, giri kieye, Máá Guđo, mááya fayamkínyo iiy yie? Mááya gílkú fargogintle eiy naate? chieká, hé ˈduwasiche.

Yuána 15:24

Yú onnônyka hé gálaat af ˈdaˈdabsuo-, máádhat hí ma ekemenyká gáál hurt ma gaa eekemenyka, gaal hé onnônyka ađaabano mán. Tá káána gaal hé hé kinaallá arge, kor hé yú ubaa ˈJaachú nyí hol ˈgar nebedhe.

Yuána 2:11

Hééllá Yíésu héllé erkob ekey-, gálaat hí af ˈdabe-, mu gálaat ˈduuwle argisieká. Hééllá ény Kanna giri lés Galilaayaká muí gaa ekey. Mu hééllá ekeyká, mú lalille đo mú iiy chie.

Yuána 6:2

ˈDaa giri gálaat hé gaalí af ˈdaˈdabo-, muí gál fursam ˈgieká ki ekeyká argeká, nyésébích guđoká mú el gaa veere.