Yuána 12:26 - Fayam Midhab Yiesu Kiristoká He Hol Af Iđiny Kaanaká

²⁶ Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Yuána 12:26 ပူးပေါင်းရင်းမြစ်များ

Matááyo 16:24

In aaléka Yíésu lalille geey, kieye, Máádhat ye el gáá verenoká fedoka, íín dhúrle erkob hí hol điidho, hí ˈgórlé đarám yaalká eet, tá hí ye el gáá veero.

Matááyo 25:21

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Márko 8:34

Aalé Yíésu lalille ubaa nyesebich hol ˈdu gáá vie, kieye, Máádhat ye el gáá verenoká fedoka, hí hol điidho, hí ˈgórlé đarám yaalká eet, hí ye el gáá veero.

Lúka 12:37

Gál gédeká máállé guđoká hol ká nadheka, íín in bano-, karaf gaa ˈgieka, ger haí gaa meedhe. Hé ˈdúwaká yú hí geeye, máá guđo kinaallá đafaraam gede hí ˈguoká hai higita, gáál kara ˈguomietká álle hai iđimia, gáál hai golmia.

Lúka 6:46

Háteka hí ye veveenne-, Máá Guđo! Máá Guđo! hí ye chegete-, kor hé yú hí geđuoká hí el ma gaa igirinyal?

Lúka 9:23

Aalé Yíésu gáál lulle geey, kieye, Máádhat ye el gáá verenoká fedoka, hí hol điidho, hí ˈgórlé đarám yaalká aadh lulle ˈgáár ki siisidho, hí ye el gáá veero.

Yuána 10:27

Walachú hé afchú maalo, hé yáálle hí óg, ye igiro.

Yuána 13:16

Yú hí hé ˈdúwaká geeye, gedech hé máállé hí hoteká ma ˈdú ˈduwanany, héétí máá ˈgassoká hé máállé hí ali gaa kakawká ma ˈdú ˈduwanany.

Yuána 14:15

Har hí ye gielnítaka, hé yú hí kí mureká el haí gaa verenne.

Yuána 14:3

Yú sedhe-, hí ali tág kí koyka, hollo hol ká naadha, haí egedhdhe, giri itín úba ál yú ijoká hí yíéđiannoká.

Yuána 15:20

ˈDeeny yú hí geeyká táb ˈdodhdhíe, giri yú kieye, Gedech hé máállé hí hoteká ma ˈdú ˈduwanany, yú yieká. Gáál ˈbáál hé ye manyjasie, gaal itín úba haí maanyjasia. Gáál ˈbáál hé he onisinychú chiˈde, gaal he onisinykícho úba hai chiiˈda.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Yuána 21:22

Yíésu mú ˈdéé hol ˈdú nie, kieye, Har yú fedo-, mu les ˈdug ˈdú yíéđian-, ˈjíig af giri yú hol ká nannaatká đig kátaka, hé kinaallá meete kua hí gaa ija? Kúún ye el gáá véer! mú yie.

Róóma 1:1

Yú he Báulo, gédéch Yiesu Kiristo-, Waag hí ká viiyye-, hí máállé ali gaa kaanyká hosote-, Waag hí Fayamlé Midhaballá hol gaa sinle mé ki koyyeká.

Róóma 14:18

Máá hújích Kiristo hatallá nannuoká Waago geer gaa memeye, héétí gálaat ˈdúúw haí shigia.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Korínto ki Naamaká 5:8

Nyiin góf guđoká nyí ˈgayya, tá onnônyka hát nyí feˈdoká, gón kínyaa lokoolomallá nyí yíé gaa ˈdiiyye-, nyí éget Máá kúnnaa Guđóóllá mé niiyyeka kalat.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Filíbi 1:23

Hé naamáállá hé ye mé eiy ki sedhe. Tá yú íín lésallá haađuo-, Kirísto nyí hol af yíéđiannoká fede. Hé kinaallá in ye súm ki kalat.

Kolosááya 3:24

Hújích hí hát ˈdabaanká nanniyyáállá, héllé shiichoká hát hí Máá kúnnaa Guđo Kirísto gaa aargiˈdaká mé ka ˈgáa, ˈdaa giri mu íín hí hujich ki nanniyyaká. Hé shiicho kinaallá he hé Waag hí gálle af iđicheká.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 5:3

Waag geelnen he Waag hemuumuritle el gaa igiriny. Mú hemuumuritlééllá hé gáál ílsh ma ˈdú iđiminy.

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.

Kí Edhesiny 14:4

Gálallá he gál hé Waag hí ma fedinyká hol ká ridhdhe-, Waag bala ˈdú nie-, Élíny el gaa igiro-, Eliny állé seseenká mé nannuo-, Waag hí yiate-, Waag hí gál lesietká gáá shuunate-, giri Waag ubaa Élíny saanollé erkobká yegetká.