Yuána 11:52 - Fayam Midhab Yiesu Kiristoká He Hol Af Iđiny Kaanaká

⁵² tá gál Yuuˈdi tákámle ma ˈdú kufuminy-, um Waaˈgiet les lulle eiy bash ki yieká úba ˈdú kufunan-, gáál hol ˈdu gáá shuguno-, gáál tikiˈd hođuoká, ta muí hélle huogodhe.

Yuána 11:52 ပူးပေါင်းရင်းမြစ်များ

Lúka 15:8

Yíésu gáál hibéél úba geey, kieye, Kálmaréél min bíre tomon ˈgayyo-, kor bíre tikiˈd hí gaa bađayyeka, min hé ˈjiet ma úgúfîny? ˈBíl ma gaa hégên? Bíre hát ˈdabaanká ˈbíl ma gaa ˈgéˈgên? ˈJíig bíre ma shúgúnân?

Lúka 2:32

Rúbáchallá he édhúm kidh lulle hé kua ˈdúwaká aargisuo-, héétí gál kua Yisirayel gaa verenoká, Símion hí yie.

Yuána 1:12

Tá gál mú ma đíin-, mú iiy yieká lulle íín hé muí ˈduuw gálle um Waaˈgiet yegetká shie.

Yuána 1:29

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Yuána 10:16

Yú yáá wala éíy taaka ˈdeeyééllá gaa láká ˈguo. Wala kinaallá úba ha yú ká ˈdaanna. Wala kinaallá úba af ha ye maala. Waláállá lulle me tikiˈd haí yeedhe, máállé hí ˈdeˈdeenká tikiˈde.

Yuána 12:32

Tá yú af giri gaal ye les gaa egewká gálaat lulle ha yú laadhdha, muí gáál yie.

He Ekeny Gál Alb Fimiká 18:10

Yú yáá ko hol ˈguo, yáá gál burnay-, ye iiy yieká úba ˈjienééllá ká ˈguo. Hé máá níínní ko đig yeget-, ko he ki ekemeyoká mán, Máá Guđo Yíésu hí mú yie.

Róóma 3:29

Waag íín he Waag gál Yuuˈdi tákáma? Hé úba gál gál Yuuˈdi muuninyká Waagle muuniny? Iiy-hí, Waag úba he Waag gál gál Yuuˈdi muuninyká.

Róóma 4:17

Hééllá he hé Warˈgat Waaˈgiet hí hote-, giri Waag Abirááyam geeyche-, kieye, Yú é meet burnayyeká ˈjaallé ko hođia, mú chieká. Waag Abirááyam hééllá af iđichééllá he Waag tikiˈde gál kufeká luolmít shigicho-, hé kálta biiy ma gaa íđinyká ˈdéé hótle yé kí ˈdeđichóóllá. Aalé Abirááyam Waag iiy yie.

Eféso 1:5

Gáláám kíssóótí Waag hí muun gáál ka ˈgayyeká in Waag ˈdéé murate, ˈdaa Yiesu Kiristoka, muun gáál umle hosote. Hééllá Waago hí gaa feˈde, in Waag hí ekeyche,

Eféso 3:11

Waag hátlé les ma ka kúóninyká, hé hééllá mé ká ˈgayye, in đo muí Máá kúnnaa Guđo Yiesu Kirísto gáá ˈduwasie.

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Bétiro Erká 1:1

Yú he Bétiro, máá ali gaa kaany-, Yiesu Kiristoká. Warˈgatééllá it Waag hí waarate-, hí lésallá ma lileny-, hí lés Bontos, lés Galatia, lés Kabaˈdosha, lés Asia, tá lés Bidhinia gaa iđáállá yú hí ˈdu gáá verene.

Yuána Erká 2:2

Mu he suor ađaabanokúnno ubaa nyuogimkúnno ewle higidhoká. Suorééllá hé ađaabano ubaa nyuogimkúnno tákámle ewle ma higin, gálaat lullé les gaa ijoká nyuogimle ubaa ađaabanollé úba ewle higita.

Yuána Erká 3:1

ˈJaa kúnnaa Waag gielmitlé guđo-, he muun gáál gielallá, ebá dhaayyíe! Gielmitééllá ˈdaalle ˈdugaka in Waag muun gáál umle chie. Tá hé kinaallá hé ˈdúwa, muun ke um Waaˈgiet. ˈDaa giri les gálle mú moonnoyká, in úba káána gálaat muun gáál muog.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.