Yuána 11:25 - Fayam Midhab Yiesu Kiristoká He Hol Af Iđiny Kaanaká

²⁵ Aalé Yíésu kieye, Uushim yiem gáá ˈdeeny ubaa luolmít he yú. Máá ye iiy yeetká har úba kufúminyka hai loolnodho.

Yuána 11:25 ပူးပေါင်းရင်းမြစ်များ

Lúka 23:43

Yíésu mú ˈdéé hol ˈdú nie, kieye, Yú ko hé ˈdúwaká geeye, kúún kúlíchallá ubaa yú ál geyyietká ha ke gaa yíéđima, mú yie.

Yuána 1:4

Mu íínííllá in luolmít hí yé gáá ˈdeˈdeenne. Luolmit kinaallá he édhúm gálaat gaa verenoká.

Yuána 14:19

Aleđuđugul gálaat hí ye ma gaa aargirinyká hé ma faganany, tá itín geđi haí ye aargiˈda. ˈDaa giri yú ali ijoká itín úba taalle ali haí iđa.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 5:21

Hát Íny ˈJaalle gál kufeká uushim yiem gáá ˈdeđuo-, gáál logolnoyóóllá, hát tikiˈde kinaallá in Iny gál he fedoká logolnoyo.

Yuána 5:26

Íny ˈJaalle dhúrle hát fargogint gálaat luolmít ki shiguoká ˈgúóllá, in Inyle fargogint he gálaat luolmít ki shiguoká shie.

Yuána 6:35

Yíésu kieye, ˈGuom luolmitiká he yú. Máá ye ˈdú gáá yimetká hé gon geer hí ma gaa bolominy. Máá ye iiy yeetká hé geđi báre hí ma chegesiny.

Yuána 6:44

Máádhat ˈdaab ˈJaa chia ye ali gáá kaayká hí ye ma ˈdu gáá éenyká, hé ye ma ˈdu gáá yiimen. Máá ˈJaachú hí ye ˈdu gáá eewká in yú kúlích biiy el ˈdaˈdká uushich yé gáá ˈdeđia.

He Ekeny Gál Alb Fimiká 3:15

It Máá sidh léká chies, tá Waag íín hé mú uushich yé gáá ˈdeeyche. Nyíín nyáá nyí hééllá ˈduuwle argiyye.

Róóma 4:17

Hééllá he hé Warˈgat Waaˈgiet hí hote-, giri Waag Abirááyam geeyche-, kieye, Yú é meet burnayyeká ˈjaallé ko hođia, mú chieká. Waag Abirááyam hééllá af iđichééllá he Waag tikiˈde gál kufeká luolmít shigicho-, hé kálta biiy ma gaa íđinyká ˈdéé hótle yé kí ˈdeđichóóllá. Aalé Abirááyam Waag iiy yie.

Róóma 8:2

Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Korínto Erká 15:18

He har hát kinaal kátaka, gál Kirísto iiy yie-, tá kufeká hé úba rubach ma árginy, bađay.

Korínto Erká 15:29

Waag har onnônyka gálaat geđi ma logolnony-, hí uushim yiem ma gáá ˈdeđinyka, gál gál kufeká afleka gaalí bie gim nannúóllá háte he ˈdeeme? Tá Waag gál kufeká geđi ma logolnonyallá har ˈdúúw kátaka, af kinaalka háteka gáál gál kufeká ˈdaalle gaalí bie gim ki nannúol?

Korínto ki Naamaká 4:14

Nyiin nyí fayamééllá ˈdiyeennóóllá he ˈdaa giri Waag Máá kúnnaa Guđo Yíésu hát uushich yé gáá ˈdeeycheká nyí ógká. Hát tikiˈde Waag Yíésu uushich yé gáá ˈdeeychééllá in úba muun gáál uushim yiem gáá ˈdeđicha. Nyiin ubaa itín hát gáál metle gaa iđimisatoká nyí og.

Filíbi 1:23

Hé naamáállá hé ye mé eiy ki sedhe. Tá yú íín lésallá haađuo-, Kirísto nyí hol af yíéđiannoká fede. Hé kinaallá in ye súm ki kalat.

Filíbi 3:10

Yú Kirísto nyí hol liilet-, fargogint máálle uushich yé gáá ˈdieká ye gaa iđo-, hát mú manyjany il hí argiyyeká yú mú ˈdú maanyjaw-, har kúfách muí kufeká úba kufunanká kátaka, fede,

Dhesaloníke Erká 4:14

Yíésu hát he kufe-, tá geđi loolnodhe-, uushich yé gáá ˈdieká hé ke iiy yie, in gál Yíésu iiy yie-, mán yíéllá hát mú ˈdaalleka Waag hí shugunatoká in úba ke iiy yie.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.

Kí Edhesiny 20:5

Hééllá he uushim yé gáá ˈdím erkobká. Gál kuféétí íín ˈdaab warram shíí tikiˈd ma béenyká hé ma loolgonon.

Kí Edhesiny 21:4

Waag gáál imiro lulle hai gaa shugudmicha, tá ˈdaa giri hé kissoká beeyká, biiy hé geđi kúfach mán, héétí biiy hé buony ubaa shiilmisan tá gon bólo mán, ˈdéé hót hí chie.

Kí Edhesiny 22:1

Aalé máá ˈgasso-, urru kinaal ye wár bíé luolmitiká hí gaa ijo-, dhát-, ˈjiimiˈdat-, kara guchi-, Waaˈgiet-, ubaa Elinyiká gáá fafaanká ye ká argisie.

Kí Edhesiny 22:17

Aalé Hím Naasan Waaˈgiet ubaa ini Eliny hí egeetká Yíésu geey, kieye, Ka yímet! yie. Héétí máá hééllá maaloká hé úba Yíésu ka yímet yeet. Máá báre hí chees-, bíé luolmitiká fedoká hí ká yimet, hí bie hállééllá ˈjio.