Yuána 11:11 - Fayam Midhab Yiesu Kiristoká He Hol Af Iđiny Kaanaká

¹¹ Mu ˈdeenyéél beeteká geđi gáál geey, kieye, Shééléch kúnnaa Lasááro hé rafe. Yú ha seeme, mú ramo gaa kiisia, yie.

Yuána 11:11 ပူးပေါင်းရင်းမြစ်များ

Matááyo 27:52

uushim ˈdáá tikiˈd af hí eiy ˈdie, Waag gállé burnay-, kufeká Waag hí loolnoyche,

Matááyo 9:24

ˈBíl yé gaa ˈdée, ini hé mán ma chéen, ini hai rayye, yie. Gaal đo mú ˈdeenyléél eeshey.

Márko 5:39

Aalé Yíésu ˈbíl hile, gáál geey, kieye, Háteka hí kúóˈd ˈdoyye-, hí hatal buoyéel? Veel hé ma kúfiny, hai rafe, yie.

Yuána 11:10

Máá bííy gaa ongʼoˈdeká gaa seseenká in riigiria. Hééllá he ˈdaa giri edhum mú gaa mánká.

Yuána 11:12

Mú lalille kieye, Máá Guđo, mu har rafeka, hai miidhandha, gaalí yie.

Yuána 11:13

Yíésu íín kúfách Lasaaro ˈdeenylé he gáál geđie, tá mú lalille íín rám aađaká he taawue.

Yuána 11:3

Aalé hada hol nyaaram kinaallá Yíésu ˈdéé ˈdú lay, kieye, Máá Guđo, máá kuun hí gielká hé kulnadhe, yie.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

He Ekeny Gál Alb Fimiká 7:60

Aalé mu le ˈdoy, kurram le veere, af úr ki eey, kieye, Máá Guđo, nyúógíchallá ha gáál luut káany, yie, đo mán yie.

Korínto Erká 15:18

He har hát kinaal kátaka, gál Kirísto iiy yie-, tá kufeká hé úba rubach ma árginy, bađay.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto Erká 15:51

Bá dhaayyíe, hé geer geđiká yú hí geeye, múún lulkúnno hé ki ma kufuminy, tá lulkúnno hollo ko hol gaa soromo.

Eféso 5:14

ˈdaa giri edhum íín he lulle ka eedhesuoká. Yaalmitééllá ˈdugaka in gálaat kieye, Kó rafanannóóllo, in eiy ˈdéesh, kúfach yé gáá ˈdé, Kirísto édhúmle hí ko gaa veero, gaalí yegedhe.

Dhesaloníke Erká 5:10

Mu íín gáál ˈdú kufééllá, har ke les ˈdú ija yíekaʼ, ke kuf yíekaʼ, taalle mú afo ke hol ija.

Yákob 2:23

Héél ˈdugaka in Warˈgat Waaˈgiet ˈdeenylé hote-, giri kieye, Abirááyam ˈdeeny Waaˈgiet iiy yie, tá mú iiy yeenlé kinaallá ˈdugaka in Waag mú máá ˈdúwaká chie, yieká ˈduway. Aalé mú gaalí Waag máá béelle yie.