Yuána 10:4 - Fayam Midhab Yiesu Kiristoká He Hol Af Iđiny Kaanaká

⁴ Aalé mu walalle lulle yíé ˈdeeteka, hé wála met nannaat, tá ˈdaa giri wala mú afle ógká hé mú el gaa vereno.

Yuána 10:4 ပူးပေါင်းရင်းမြစ်များ

Matááyo 16:24

In aaléka Yíésu lalille geey, kieye, Máádhat ye el gáá verenoká fedoka, íín dhúrle erkob hí hol điidho, hí ˈgórlé đarám yaalká eet, tá hí ye el gáá veero.

Yuána 10:16

Yú yáá wala éíy taaka ˈdeeyééllá gaa láká ˈguo. Wala kinaallá úba ha yú ká ˈdaanna. Wala kinaallá úba af ha ye maala. Waláállá lulle me tikiˈd haí yeedhe, máállé hí ˈdeˈdeenká tikiˈde.

Yuána 10:27

Walachú hé afchú maalo, hé yáálle hí óg, ye igiro.

Yuána 10:3

Máállá hé máá wála ˈdeeyle kárle ˈdeˈdeenká hí kar af ki fufura. Máá wála léká hé walalle hí af kiimisat, mu hé walalle meet veveen, wala hí ˈdú seseen, wála yíé ˈdeđisat.

Yuána 10:5

Wala hé máá afle ma kiimisanká el ma gaa vereniny, mú kar hai gaa ˈdarama, Yíésu hí gáál yie.

Yuána 10:8

Gál ye met ká nadheká lulle he gál buraa lé-, he fargogínt ki egeetká, tá wala hé gáál af nee ma kôny.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Yuána 13:15

Yáá hí yaalmít ká argisie, giri hé yú hí ki ekeyallá úba hí hol ki ekemeychoká.

Yuána 18:37

Bilááto kieye, Kuun a kinaalka, máá kansichaa! yie. Yíésu mú ˈdéé hol ˈdú nie, kieye, Yú hát kansichká kó hote. Yú ˈdaa kinaallá ˈdugaka in ˈdalidhe, lésallá ká yimie, giri ˈdúúw hogodhoká. Tá gál ˈdeeny ˈdúwaká ˈdaalle ki yaalká lulle af nee hai ye kokoo, yie.

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

Korínto Erká 11:1

Aaléka, hát tikiˈde yú Kirísto enníéllá, itín úba ye ka ennée.

Eféso 5:1

Aaléka, it um Waaˈgiet-, Waag hí gielallá, Waag húgúmle ennée.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 6:20

ˈDaakúnno ˈdugaka in Yíésu Ál Súm ˈDúwa kinaallá muun gáál met hile. Mu hát yaalmit Melkiseˈdegkáka hé Máá méte suoryo-, biiyoká yie.

Bétiro Erká 2:21

ˈDaa giri Kirísto hí ˈdú manyjayká, in Waag hí yaalmitééllá kí viiyye, giri hí yaalmit Kiristóóllá enniannoká.

Bétiro Erká 4:1

Aaléka, hát Kirísto gon hí boloyyééllá, kas tikiˈde muí ˈgúóllá far ki googóo, máá gon hí boloonká hé ˈdeđewká haađuoká.

Bétiro Erká 5:3

Gál Waag hí gil ká fiiyyééllá haí hemuumurít mé gim níiny, gáál yaalmit midhab-, gálle gaalí ka ennianká aargisía.