Yuána 10:36 - Fayam Midhab Yiesu Kiristoká He Hol Af Iđiny Kaanaká

³⁶ tá háteka, yáá giri ˈJaa chia Waag ye taak kodhdhe-, ye lésal ali ˈdú gáá kaayká, hí ye hatal ka geđichóol? Yú he Iny Waago, yú hí yieká, hí kieye, Kó Waag chaachaˈde! hí ye chegedhóol?

Yuána 10:36 ပူးပေါင်းရင်းမြစ်များ

Matááyo 27:43

Máállá kieye, Yú Iny Waaˈgieto, he hol yie. Ebá Waag muí ˈdúúw ki onnoyká har mú feˈdoka, hí mú riiyyo, gaalí yie.

Matááyo 27:54

Aalé máá yuoy kúˈd mé ki yiel mare ubaa yuoylé he Yíésu hol ˈgar ˈdeˈdemeká les motinyle ubaa he lullé yiem ká ˈdeˈdeme-, argeká birge, neey, kieye, Hé ˈdúwa, máállá gon he Iny Waaˈgiet, yie.

Lúka 1:35

Mu María ˈdéé hol ˈdú nie, kieye, Hím Naasan Waaˈgiet hai ko ˈdu gáá leete, fargogint Waag Úr Iđoká hai ko buanna. ˈDaa kinaallá ˈdugaka in veel ˈdalaatká he Iny Waaˈgiet saas mán-, ˈdúwaká.

Yuána 10:35

ˈDeeny Waaˈgiet hé hol ma gaa sorominy. Waag gál ˈdeenyéél shiicheká in waagam chie háluke,

Yuána 17:18

Hát ye les ali ˈdu gáá kaayyééllá, yú úba yáá gáál alb fie.

Yuána 17:21

giri gaal lulle tikiˈd yegetká. Baabá, hát kuun ye gaa iđo-, yú ko gaa ijóóllá, gaal íín úba hí muun gáál gaa yíéđuo, giri les gálle hát kuun ye ali gáá kaayyeká iiy yegetká.

Yuána 17:8

Fayam ye ka shiicheká yáá gáál shie, hé gaalí iiy yie. Gaal hát yú ko yé gáá ˈdieká hé eiy naate, tá kuun hát ye ali gáá kaayyeká úba hé iiy yie.

Yuána 19:7

Aalé gál Yuuˈdiká điidhe, kieye, Nyíín nyáá nyí hemurít ˈgayya, ˈdaa giri mu hol Iny Waaˈgiet yegetká, mu gon hai kufe, gaalí yie.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 3:17

Waag Inyle ali gáá kaayyééllá hé gálaat ˈdeđensetoká ma ka múriny, Íny ˈdaalle gálaat rubach ki shigichoká he feˈde.

Yuána 3:34

Máá Waag hí ali gáá kaayyeká ˈdeeny Waaˈgieto ˈdiyime. Waag Hím Naasanle hé mú ˈdú ookodmiche.

Yuána 5:30

Yíésu kieye, Yú tákámchú yáá hé ekemeyoká mán, yú hé maaloká in ˈgásle gaa igira, gálaat ˈdéé ki iđimia. Yú ˈdéé ki iđiny ˈdúwaká gálaat ki iđimia. Yú yáá hát fedoká ma ekemeny, yú Máá ye ali gáá kaayká hát he fedoká ekemeye.

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Yuána 6:38

Yú úr gáá yimíéllá yáá hé meenychú ma ekemeny, Máá ye ali gáá kaayká hát he fedoká el gaa igira, ekemeye.

Yuána 6:57

Hát káána ˈJaa chia luolallá ye ali gáá kaay-, tá yú ˈJaachú ˈdaalle ki luolallá, in máá gónchú kuoká úba ˈdaachú ki luol.

Yuána 6:69

Kuun hát Waag Máállé saas mánká nyáá nyí kimisate, nyáá nyí ko iiy chie, Bétiro hí Yíésu yie.

Yuána 8:42

Aalé Yíésu gáál geey, kieye, Waag har ˈJaakícho kátaka, it onnônyka ye giel, ˈdaa giri yú Waag gáá yimie-, tá káána yú állá ijoká. Yú yáá meenychú ma kí yímen, mu ííni ye ali gáá kaay.

Róóma 1:4

Inyáállá Hím Naasanle he Hím Naasan Waaˈgiet. Waag fargogintlé Inyáállá geđi ki loolnoyche, Íny uushich yé gáá ˈdeeyche. Yaalmitééllá in Waag Inyáállá hát Inyléká gáál eiy kí niiyye. Iny Waaˈgietallá he Máá kúnnaa Guđo Yiesu Kirísto.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,