Yuána 10:31 - Fayam Midhab Yiesu Kiristoká He Hol Af Iđiny Kaanaká

³¹ Gál guguđo-, Yuuˈdiká đo geđi waar mú ki tutunoká shuunne.

Yuána 10:31 ပူးပေါင်းရင်းမြစ်များ

Matááyo 12:14

Gál Farisaay ál kinaal gaa ijeká đo baad yé ki ˈdie, ˈgíérích Yíésu ki yegeská ˈdeenyle hol geey.

Matááyo 21:35

Aalé gál muí les af iđieká gál géde kinaal hol ˈdú ˈgiiliˈgay, mú tikiˈd tune, mú tikiˈd yies, mú tikiˈd waar ki tune.

Matááyo 23:35

Aaléka, gál lúl ˈduuˈdúwa-, fásle héle gaalí okodieká, gál hí yies kinaallá nyuogimle itíni hí ˈgayya. Hé kinaallá ameeny kúfách Abel máálle hé konf ka ˈgieká mán-, Káyin hí yieská, tá ˈjíig kúfách Sakaria giri iny Barakia-, gaalí ˈBíl Waaˈgiet ubaa kúb suoryoká toom ki yieská đig.

Yuána 1:19

Aaléka, gál guguđo-, Yuuˈdi-, Yerusalemká gállé suoryoká ubaa gállé Leviká ˈbaal Yuána gáál ali ˈdú fie, giri gaal Yuána ka hegeset-, Kúún mááya? mú yegetká. Aalé gaal mú heeteká Yuána ˈdeenylé gáál hol ˈdú nieká kieye,

Yuána 10:24

Aalé gál guguđo-, Yuuˈdiká mú ki made, mú yiete, kieye, Kúún taalle ger totom gaa ˈgiˈgisan nyí mé ki kokoyyo! Ebá kúún har Messíya kátaka, nyí hát ˈdabaanká ka géesh, gaalí mú yie.

Yuána 10:32

Aalé Yíésu gáál geey, kieye, Yáá hé hí af ˈdaˈdabiyye-, burnay-, midhab-, ˈJaachú yé gáá ˈdeˈdemeká hí ká aargisie. Tá hé kinaallá lulle hé máre hí ye waar ˈdú tuunna? muí gáál yie.

Yuána 11:8

Gál láliká mú geey, kieye, Máá gáál he oonisúóllo, kuun kó káána gál Yuuˈdi ko waar ki tutuneká muunîny, geđi ál kinaallo seseenne? gaalí mú yie.

Yuána 5:18

Aalé ˈdéé hótéél ˈdugaka, gál guguđo-, Yuuˈdiká súm geđi hát lulle laađame, giri mú yegeská. He hé kieye, mu Kúlích Hef ˈGisanká tákáma hé hatallóóllá gaa ekey muuniny, he ˈdaa giri mu úba Waag ˈJaalle yie-, Waag hol tikiˈd hoyká.

Yuána 8:59

Gaal héél tákáma maale, đo waar giri mú ki tutunoká shuunne, Yíésu đo gáál mé af ˈgite, ˈBíl Waaˈgietká náble yé gaa ˈdie.

He Ekeny Gál Alb Fimiká 7:52

Ameeny gál giri Waag hí ˈdéé ka shigicheká mááya eshim eshimkícho hí he ma ki ekêny? Eshim eshim kíchia kinaallá in úba gál giri héle Máá ˈdúwa-, saas mánká ˈjímle ˈdiiyimeká yies. Aalé káána itín it Máá ˈdúwa-, saas mán kinaal hí gáál mú mé il gaa koyye, hí mú chies.