Yuána 10:28 - Fayam Midhab Yiesu Kiristoká He Hol Af Iđiny Kaanaká

²⁸ Hé yáálle hí luolmit biiyoká shiguo, hé ma kufuminy. Hé máá níínní hí ye af ki ririat-, hí ye gíl geer yé gaa ˈdeđisatká mán.

Yuána 10:28 ပူးပေါင်းရင်းမြစ်များ

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Lúka 23:46

Aalé Yíésu af gaa guđoká kúóˈd ki ˈdoy, kieye, Baabá, sídhchú yáá ko gíl geer gáá kaay, yie. Mu héél hodheká đo sidh hí ˈgite.

Yuána 10:29

ˈJaa chia ye waláállá ka shieká ííni guchle he met lulle a mé ˈdú gíri. Waláállá hé máá níínní hí ˈJaachú af ki ririat-, hí mú gíl geer yé gaa ˈdeđisatká mán.

Yuána 11:25

Aalé Yíésu kieye, Uushim yiem gáá ˈdeeny ubaa luolmít he yú. Máá ye iiy yeetká har úba kufúminyka hai loolnodho.

Yuána 14:19

Aleđuđugul gálaat hí ye ma gaa aargirinyká hé ma faganany, tá itín geđi haí ye aargiˈda. ˈDaa giri yú ali ijoká itín úba taalle ali haí iđa.

Yuána 17:2

Kuun kó kansim yáá Iny kuallá hí gálaat lulle he ki mumuroká ye shiiche, giri gál ye ka shiicheká lulle yú luolmit biiyoká shiguoká.

Yuána 18:9

Hééllá hatallá ˈdíéllá, he ˈdeeny muí hodhe-, giri mu kieye, Gál ye ka shiichééllá hé máá níínní hí gaa baađawká mán, muí yieká, ˈduuwawká.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 4:14

tá máá bíé yú shuoká ˈjioká hé geđ báre hí ma chiesiny. Bíé yú mú shuoká hát haˈd fefeennokáka, mú hai gaa ija, mú luolmit biiyoká hai shigia, yie.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Yuána 6:27

ˈGuom geere-, ˈdeđenetoká haí ˈdú aayáˈginy, ˈguom ma ˈdeđenen-, Iny Máádhat hí ka shiguo-, hí luolmit biiyoká yé ˈdú ˈdeđichoká ˈdú aayaˈgáa. Iny Máádhat íín he Máá ˈJaallé Waag hí ˈduuwle gálaat ki edhesieká, Yíésu hí gáál yie.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 6:47

Yú hí hé ˈdúwaká geeye, máá ye iiy yieká hé luolmit biiyoká ˈguo.

Yuána 6:68

Aalé Símon Bétiro mú ˈdéé hol ˈdú nie, kieye, Máá Guđo, mááya nyí ˈdú seenne? Kúún in luolmit biiyoká ˈdeenyle ˈgayya háluke!

He Ekeny Gál Alb Fimiká 7:59

Gaal hátlé Estéfan waar ki tutuneká Estéfan Waag vite, kieye, Máá Guđo Yíésu, sídhchú éew, yie.

Róóma 5:17

Máá tikiˈde Áˈdamlééllá in ađaable gálaat lulle kúfach gim gaa iđiche. Tá Waag ˈdúˈjímle ubaa héllé shiicho-, innumleka gálaat ki ˈduuwaychóóllá ebá ˈdúwa! Ameeny gál hé shiichóóllá iiy yeget-, aargiroká in Waag hí kúfach gim gáá egeyye, gaal kúfach ká aađadhdha, luolmit biiyoká gaa yíéđima. Hééllá lúl mú tikiˈde ˈdaallé he ká nadhe, máá kinaallá he Yiesu Kirísto.

Róóma 5:2

Iiy yeen ki Kirísto iiy yíéllá ˈdaalle ˈdugaka, hé ke ˈgíérích ki ˈdúˈjím Waaˈgiet ki aargiroká arge, in káána ke ˈdúˈjím kinaal gaa ija. Héétí Guch Waaˈgiet hélle lulle hát ke higiloká hé ki óg, hé kinaallá hé tág gáál geer gaa meey.

Róóma 5:21

Gálaat lulle érléká ađaabano ubaa nyuogimmo he gim gaa ije. Tá káána, gál Máá kúnnaa Guđo Yiesu Kirísto iiy yegetká, in Waag hí gál ˈdúwaká chegedhe, Waag hí ˈdúˈjímle gim gaa iđimicha, gaal luolmit biiyoká aargira.

Róóma 5:9

Aalé káána, Kirísto fásle ˈdaalle ˈdugaka, Waag múún gáál gál ˈdúwaká hoyche. ˈDaa giri ke hé kinaal ógká, Kirísto hát muun gáál Waag idholle ubaa he il ká argisinyle gáál gaa ririanká hé úba ke óg.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Filíbi 1:6

Hé yú él ki mánká hééllá: Máá hí hújích midhaballá gerkícho mé kí kodhdhééllá hát hí ki fedoká hújíchle taalle hai nannaa, ˈjíig kúlích Yiesu Kirísto hí hol gáá nannaatká đig.

Dhesaloníke ki Naamaká 2:13

It nyaaram kínyaa Máá kúnnaa Guđoká hí gielallo, ˈdaakíchoka aadh lulle Waag gielmít nyí hol ˈdú nanniyyoká taglé. Hééllá he ˈdaa giri itín he gál Waag hí waarate-, hí er rubach shiicheká ˈbáálká. Rúbách hí argiyyééllá, he Waag Hím Naasanle hí itín gál Waag gielká hoyche-, héétí hí hé ˈdúwaká iiy chieká in hí rúbáchallá argiyye.

Tímote Erká 1:16

Hééllá ˈdugaka in Yiesu Kirísto ye geer guurá argisie, giri geer gaa guchlé yáá gálaat súm ađááb ˈdú ˈgúóllá ye argisíéllá ˈdaalleka, gál hí iiy yegetká hát geer gaa guchle gaal íín úba aargisuoká gaalí ki kiimisat-, gaal luolmit biiyoká higiloká.

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Bétiro Erká 1:5

Rubach ˈdaab kúlíchlé biiy el ˈdaˈdká ali ma kí ˈdíinyká, iiy yeenkícho ˈdaalle ˈdugaka, fargogint Waaˈgiet hé hí in gaa taal. Rúbách kinaallá kúlíchle ali kí ˈdiiyyeka, Waag yíé haí ká ˈdeđicha.

Yuána Erká 1:2

Máá gáál luolmít shigúóllá hé Waag hí nyí yé ˈdu gáá ˈdeeyche, nyáá nyí mú argiyye. In aalé mu íín hát luolmit biiyo-, ˈJaa kúnnaa Waag hol af ije-, ˈJaa kúnnaa kinaal hí nyí yé ˈdu gáá ˈdeeyká ke hí ˈduuwle geđia, ke hí ki ˈdiyime.

Yuána Erká 2:19

Gál muun gáál yé gaa ˈdíéllá hé gálkúnno muuniny. Gaal he gálkúnno onnônyka, hé hátle onnônyka ke hol ˈguo. Yaalmit gaal muun gáál hayallá, in gaal lulle hát gálkúnno muuninyká gáál ká argisie.

Yuána Erká 2:25

Kirísto hé muun gáál af iđieká he luolmit biiyóóllá.

Yuána Erká 5:11

Hé Waag hí gáál ˈduuwle ká geeycheká hééllá: Waag hé muun gáál luolmit biiyoká ká shiiche. Luolmit biiyóóllá mú Inylé ke gaa aargira.

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.

Yúúa 1:21

It Máá kúnnaa Guđo-, Yiesu Kirísto geer guurallé-, hí luolmit biiyoká higilsichoká met egetééllá, hát Waag hí gielká onnóo, kas kinaallá ki yíéđía.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.