Yuána 10:15 - Fayam Midhab Yiesu Kiristoká He Hol Af Iđiny Kaanaká

¹⁵ hát káána ˈJaachú ye óg-, yú úba ˈJaachú ógallá. Sídhchú wála ha yú ˈdú silmia.

Yuána 10:15 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Lúka 10:21

Ál tikiˈde kinaal Yíésu Hím Naasan Waaˈgiet hí geer gaa meeyche, mu kieye, Baabá, Máá Guđo úr ubaa les lééllo, ˈdaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa. Baabá, hé ˈduwa! Hééllá hát kuun hí feˈdeká, Yíésu hí yie.

Lúka 10:22

Aalé Yíésu geđi kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, Yíésu hí yie.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 10:11

Yú he Máá ˈdúwa-, wála ˈdeˈdeenká. Máá ˈdúwa-, wála ˈdeˈdeenká sídhlé he wála ˈdú silmia.

Yuána 15:13

Gielmit máálle sídhle sheelle ˈdú sillieká, hé gielmit níínní guđo-, hí a mé iđoká mán.

Yuána 17:25

ˈJaa chia saas mánnallo, har úba les gálle ko móíytaka, yú yáá ko óg, tá hát ye ali gáá kaayyeká hé gál chiallá úba hí óg.

Yuána 6:46

ˈJaa kúnnaa Waag hé máá níínní hí argeká mán, Máá mú af gáá kieká tákáma hí arge.

Yuána 8:55

Har káána itín hí mú móíytaka, yú yáá mú óg. Tá yáá mú muog, yú yieka, af kinaalka hát itín hí hódho lééllá yú úba yáá hódho lé. Yú íín yáá mú óg, mú ˈdeenyle ki yaal.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Yuána Erká 2:2

Mu he suor ađaabanokúnno ubaa nyuogimkúnno ewle higidhoká. Suorééllá hé ađaabano ubaa nyuogimkúnno tákámle ewle ma higin, gálaat lullé les gaa ijoká nyuogimle ubaa ađaabanollé úba ewle higita.