Yuána 10:10 - Fayam Midhab Yiesu Kiristoká He Hol Af Iđiny Kaanaká

¹⁰ Máá buraa léká ká yimieka, hé buruanká, hé yegeská, ubaa hé ˈdeđeneyoká tákáma hí ká egee. Tá yú ka yimíéllá he giri gál ye af maaleká luolmít aargiro-, luolmít ˈduuwle gaa yíéđianká.

Yuána 10:10 ပူးပေါင်းရင်းမြစ်များ

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Matááyo 18:11

Yáá Iny Máádhatallá ka yimíéllá, gál bađayká ririma, Yíésu hí gáál yie.

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 21:13

gáál ki ˈday, kieye, Waag hé Warˈgatle gaa hoteká kieye, ˈBílchú hí ˈbíl Waag visan yeet, he chie. Tá har hí ál gál buraa léká hođichaa! gáál yie.

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Márko 11:17

Mu gáál ˈdeenyéél ki ˈdiiyime, kieye, Hé gaalí Warˈgat Waaˈgiet ma gaa véériny? ˈBílchú hí ˈbíl kidh met lulle hí Waag gaa vivisatká yeet, Waag hí chieká muunîny? Tá har hí ál gál buraa léká hóychia! yie.

Lúka 19:10

Tá Iny Máádhat ka yimíéllá, gál bađayká he hol gaa ˈgeˈgedhe, he ririma, Yíésu hí yie.

Yuána 10:1

Aalé Yíésu kieye, Yú hí hé ˈdúwaká geeye, máá wála ˈdeeyle kárle ma kí higiliny-, ˈdeey hođoˈd kí tunoká he máá buraallé-, he fargogínt ki egeetká.

Yuána 10:11

Yú he Máá ˈdúwa-, wála ˈdeˈdeenká. Máá ˈdúwa-, wála ˈdeˈdeenká sídhlé he wála ˈdú silmia.

Yuána 12:47

Máá ˈdeenychú maalo-, kor ˈdéé ma ki yaalinyká yáá ˈdéé ma ki iđiminy. Yú yáá les ˈdéé ki iđiny ma ˈdu gáá yímen, yú lés ririanká ˈdu gáá yimie.

Yuána 12:6

Mu hatallá yíéllá, hé kieye, mu gál he maamanká hí geer gaa ˈdeew, muuniny, mu buraa he liley. Mu íínííllá he máá bíre laliká shomodhelle hí gíl geer gaa iđe-, kor bíre a nigini mare gaa burumeká.

Yuána 3:17

Waag Inyle ali gáá kaayyééllá hé gálaat ˈdeđensetoká ma ka múriny, Íny ˈdaalle gálaat rubach ki shigichoká he feˈde.

Yuána 5:40

He veerít har úba ˈduuwchú hogotoka, it hí ye ˈdu gáá chiimeto-, hí luolmit biiyoká aargiˈdoká ma fediny.

Yuána 6:33

ˈGuom Waag hí ká shigichóóllá he Máá úr gáá yimie-, gálaat luolmit ˈdúwaká shigúóllá, Yíésu hí gáál yie.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Róóma 2:21

Aaléka, itín in hí gálaat he oonisicha háluke, tá háteeye dhúrkícho hí he hol ma oonisiny? It buraa hát ˈdeewká ˈdeentle hí gálaat ki ˈdiyeennééllá, he in haí buruanna?

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Héberew 6:17

Waag úba hé hol ˈdoote, giri gál mú he af iđinyle hélle aargiroká Waag hát ˈdéé hótle ˈduuwaycho-, hol ma gaa laaminyká ógká.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Bétiro ki Naamaká 1:11

Tá Máá kúnnaa Guđo-, Rubachiet-, Yiesu Kirísto Guchlé biiyoká hí higilloká, Waag hát ˈdabaanká mé guđáan haí cheedhe.