Yuána 10:1 - Fayam Midhab Yiesu Kiristoká He Hol Af Iđiny Kaanaká

¹ Aalé Yíésu kieye, Yú hí hé ˈdúwaká geeye, máá wála ˈdeeyle kárle ma kí higiliny-, ˈdeey hođoˈd kí tunoká he máá buraallé-, he fargogínt ki egeetká.

Yuána 10:1 ပူးပေါင်းရင်းမြစ်များ

Matááyo 7:15

Gál hol gál Waag hí ˈdeem ka shigichoká ka hođuo-, hođomlééllá hol ˈdeeˈdemíe. Gál kinaallá ke dhaayka, wála ke yeedhe, kor íín he đányár ˈdeewká.

Yuána 10:7

Aalé Yíésu geđi kieye, Yú hí hé ˈdúwaká geeye, yú he wála kárlé.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Róóma 10:15

Tá gál gálaat ki ˈdiyeenká ˈdaab gaalí alb ma fíinyká háteeye gáál fayamééllá ki ˈdiyime? Hát Warˈgat Waaˈgiet hí hote-, kieye, Gál fayam midhabká hol gaa sisidhoká ebá ˈgas met hí mídhab! chieká.

Róóma 16:18

Gál hat kinaalloká hé Máá kúnnaa Guđo Kirísto hújíchle ma nanniny, gaal hé metlé hújíchle nannaa. Gaal ˈdeemano salsaloká ubaa ˈdéé hót he gálaat ki memeyoká he gálaat geđia. Yaalmitééllá in gaalí gál met af gaa guguđoká ki nyiimita.

Títo 1:11

Gál hatallóóllá mé il ki súoy, gaal hai kar árginy. Gálallá he gál he onisiny tagle muuninyká é ger gálaat ki baađisuo-, birm hol gaa ˈgeˈgedhoká.

Héberew 5:4

Hé máá níínní hol egew-, hol ˈduwasuo-, hol máá méte suoryoká hođuoká mán. Hát tikiˈde Ááron Waag hí hújích suoryóóllá kí viiyyééllá, in máádhat Waag hí ká veenne, Waag hí hújíchallá mé ki kokoyyo.

Bétiro Erká 1:10

Gál Waag hí ˈdeem ka shigicheká hé rúbáchallá hát hí aargiˈdoká ˈdeemle ˈdiiyime. Gaal hé tág ˈdúˈjímallá ˈdeemle Warˈgat Waaˈgiet gaa ˈgeˈgedhe, eiy naasanle ki laađame.

Bétiro ki Naamaká 2:1

Kíssóótíka, lés Yisirayel hé gál hođomlé-, hol gál Waag hí ˈdeem ka shigicheká ka hođieká hé gálaat hursam gaa ije. Hát tikiˈdééllá itín úba gál hé hođomká gálaat oonisuoká hursam yiem haí gáá ˈdeeme. Gaal hát điđamoká gál hí el gaa igiroká hé hođom-, gáál ˈdeđeneyoká hai oonisia. Gaal úba Máállé Guđo hí sídhle ˈdú sillie-, Kirísto lééllá hai điidhma. Hééllá ˈdaalle ˈdugaka, gaal hé ˈdeew-, il hí aargiˈdoká ál ˈjob hollo hol ˈdú egee, hai gaa bebee.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.

Yuána Erká 4:1

Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.