Yuána 1:51 - Fayam Midhab Yiesu Kiristoká He Hol Af Iđiny Kaanaká

⁵¹ Yíésu geđi mú geey, kieye, Yú hí hé ˈdúwaká geeye, ur af hí furme-, gál ˈgasso-, urru-, Waaˈgietká úr mé nannuo-, tá Iny Máádhat ˈdu gáá leledhoká haí aargiˈda, Yíésu hí gáál yie.

Yuána 1:51 ပူးပေါင်းရင်းမြစ်များ

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Matááyo 26:24

Warˈgat Waaˈgiet hé hoteká hai ˈduuwaa, Iny Máádhat ha gaalí yeese. Tá máá Iny Máádhat gál hí oos ˈguoká gíl geer gaa kakawká, ebá he hí ki ˈdéen! Máá kinaallá onnônyka ma ká ˈdalaanka kalat, Yíésu hí gáál yie.

Matááyo 3:16

Yíésu Yuána hí bie gim nieká, đo bie yé gáá ˈdie. Ál tikiˈde kinaallá úr đo af hí furme, Yuána Hím Naasan Waaˈgiet hát hóleká Yíésu ˈdu gáá lelete-, mú ˈdú yíéđianneká arge.

Matááyo 4:11

Aalé Sátan đo Yíésu in ká siete, Waag gállé ˈgasso-, urruká đo Yíésu ˈdu gáá yimie, mú ál kinaal gaa ˈdeey.

Matááyo 8:20

Aaléka, Yíésu mú geey, kieye, Mana godollé he gaa ija, hurum hé ényle ˈguo, tá yáá Iny Máádhátallá yáá ál ˈguo-, mé les ˈdú igifuoká mán, yie.

Matááyo 9:6

Aaléka, yáá Iny Máádhátallá hát kansim yáálle lésalláka gálaat ađaabano gaa egewká ˈguoká dhaayyíe, muí gáál yie. Yíésu đo máá héljo kinaal geey, kieye, Les gaa keʼ, rokoˈdkú éew, énykú mé naʼ, yie.

Márko 1:10

Yíésu bie yé gáá ˈdeˈdemeká úr af hí fufurma, Hím Naasan Waaˈgiet hát hóleká mú ˈdu gáá lelete, muí arge.

Márko 14:62

Aalé Yíésu kieye, He yú. Itín Iny Máádhátallá Waag fargogínt lulle ˈgayyoká gíl ˈdaa naaniet yíéđian-, tá nyáˈdow urruká kí yiimetká haí aargiˈda, yie.

Lúka 2:13

Aalé ál tikiˈde kinaal nyésébích guđo-, yuoyo-, Waaˈgiet-, úr gáá leedheká ubaa máállé ˈgasso-, urru kinaal hol ˈdú fame, gaal Waag meey, kieye,

Lúka 2:9

Aalé máá ˈgasso-, urru-, Waaˈgietká fórích kinaallá gálle yé ˈdu gáá ˈdie, Máá Guđo Waag édhúmle gáál ˈdinnam lulle gaa veere, gaal súm birge.

Lúka 22:43

Ál kinaal máá ˈgasso-, urru mare mú yé ˈdu gáá ˈdie, mú guofsie.

Lúka 22:69

Biiy toom gáá ˈjóballá Iny Máádhat Waag fargogínt lulle ˈgayyoká gíl ˈdaallé naanietká hai yíéđima, Yíésu hí gáál yie.

Lúka 24:4

Aalé ˈdég hátlé hé kinaal a ˈdaˈdabiyyeká gál yááb naama đafaraam édh ˈjiimidatká fadhdhe mare gáál láá kí ˈdie.

Lúka 3:21

Af giri Yuána hátlé Heróˈde hí ma hííginká, Yuána gál ka yimieká lulle bie gim nannieká Yíésu úba bie gim nie. Yíésu hátle Waag vivita úr af hí furme.

Yuána 1:50

Yíésu mú geey, kieye, Af giri yú ko geey-, yú kieye, Kuun hátlé kinnach gaach gaa iđeká in yú ko arge, yú ko yieká, in iiy chie? Kuun aaléka, hé éíy taaka hééllá af ˈdú gíriká il ha ki aargiˈda, mú yie.

Yuána 10:1

Aalé Yíésu kieye, Yú hí hé ˈdúwaká geeye, máá wála ˈdeeyle kárle ma kí higiliny-, ˈdeey hođoˈd kí tunoká he máá buraallé-, he fargogínt ki egeetká.

Yuána 10:7

Aalé Yíésu geđi kieye, Yú hí hé ˈdúwaká geeye, yú he wála kárlé.

Yuána 13:16

Yú hí hé ˈdúwaká geeye, gedech hé máállé hí hoteká ma ˈdú ˈduwanany, héétí máá ˈgassoká hé máállé hí ali gaa kakawká ma ˈdú ˈduwanany.

Yuána 13:38

Aalé Yíésu ˈdéé hol nie, kieye, Kó kín ye ˈdú kufunân? Yú ko hé ˈdúwaká geeye, kúún lúg hátlé ma ˈdânyká a seđe ye gaa faalanna! Yíésu hí Bétiro yie.

Yuána 14:12

Yú hí hé ˈdúwaká geeye, Máá ye iiy yeetká hé yú eekemeyká hai ekemeye. Máá hat kinaalloká ˈdaa giri ˈJaachú yú bííyle mé nannuoká hé éíy taaka gálaat hí af ˈdaˈdabo-, hé yú eekemeyká a mé gíriká hai ekemeye.

Yuána 16:20

Yú hí hé ˈdúwaká geeye, itín haí beenne, imiro haí ˈjiibicha, les gálle íín ger haí gaa meedhe. Itín ger haí gaa ˈdeđendhe, tá ger gaa ˈdeenenkícho geyyiny yé hai ˈdú ˈdeenne.

Yuána 16:23

Kúlích kinaallá it hé hí ye hegesetoká mán. Tá yú hí hé ˈdúwaká geeye, ˈJaachú hé hí ˈdaa meenychú ki hegesetoká haí ká shigia.

Yuána 21:18

Aalé Yíésu mú geey, kieye, Yú ko ˈdúúw geeye, kúún ruorich onnoyyeká kó đafarkú higisate, alb feˈdeká seseenne. Tá af giri vinnamoká gil ha faata, máá eiy đafar hai ko higidha, ál ma fedinyká hai ko siidha, Yíésu hí mú yie.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

Yuána 5:19

Aalé Yíésu gáál ˈdéé hótal geey, kieye, Yú hí hé ˈdúwaká geeye, Iny hé níínní tákámle ekemeyoká mán, hé ˈJaalle hí ekemeyo-, argoká in ekemeye. Iny he lullé ˈJaalle hí ekemeyoká in úba ekemeye,

Yuána 5:27

Hé úba Íny hemurit máálle gálaat ˈdéé ki iđimuoká shie, ˈdaa giri Iny he Iny Máádhatká.

Yuána 6:26

Yíésu gáál ˈdéé hol ˈdú nie, kieye, Yú hí hé ˈdúwaká geeye, itín hí ye hol gaa ˈgeˈgetééllá, hé kieye, hé gáál af ˈdaˈdabsuo-, yú ekeyká hí argiyye, muuniny, he ˈdaa giri hí balashá konye-, hí heyiyyeká in hí héy hol gaa ˈgeˈgete, muí gáál yie.

Yuána 6:32

Aalé Yíésu kieye, Yú hí hé ˈdúwaká geeye, ˈguom úr gáá chimíéllá máá hí ka shieká hé Móshe muuniny. ˈGuom ˈdúwaká ˈJaa chia hí úr gáá shigia.

Yuána 6:47

Yú hí hé ˈdúwaká geeye, máá ye iiy yieká hé luolmit biiyoká ˈguo.

Yuána 6:53

Yíésu gáál geey, kieye, Yú hí hé ˈdúwaká geeye, ˈdaab itín hí gón Iny Máádhat ma kôny-, ubaa hí mú fásle ma înyká, it luolmit hí gaa iđoká mán.

Yuána 8:34

Yíésu gáál ˈdéé hol ˈdú nie, kieye, Yú hí hé ˈdúwaká geeye, máá ađaabano hileká ííni ađaabano gédéchlé he yie.

Yuána 8:51

Yú hí hé ˈdúwaká geeye, máá ˈdeenychú ki yaalká taalle bííyyo hé kúfach il hí ma aargiriny, Yíésu hí gáál yie.

Yuána 8:58

Yíésu gáál ˈdéé hol ˈdú nie, kieye, Yú hí hé ˈdúwaká geeye, Abirááyam hátlé ma ka ˈdaláanká, yáá ali ije, muí gáál yie.

He Ekeny Gál Alb Fimiká 10:11

Aalé mu úr af hí furmeká arge. Hé đafar guđoká ki ég-, gaalí ˈdinnam afuraalle ki ˈgie-, gaalí les kí lelesieká muí arge.

He Ekeny Gál Alb Fimiká 7:56

Aalé Estéfan kieye, Bá dhaayyíe, úr hé af hí furme, Iny Máádhat Waag gíl ˈdaa naanietká yaal, muí yie.

Dhesaloníke ki Naamaká 1:7

Héétí Waag it hí maanyjayyóóllá ubaa nyííni nyí maanyjayyóóllá manyjasiny kúnnaallá yé hai gáál gáá ˈdeđicha. Bár giri hé kinaal ali kí ˈdeenká he bár giri Máá Guđo Yíésu úr yé gáá ˈdeen-, gállé ˈgassiet-, urru-, muí fargogínt shieká hol ká egeetká.

Dhesaloníke ki Naamaká 1:9

Gáál héllé il hí aargiˈdoká he taalle bííyyo gaal maanyjaw-, Waag innumle ubaa guchlé fargogiyyoká gaa ˈgiisatká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Yúúa 1:14

Áˈdam ˈbíl ílle hátlé hol ka hoycheká, máállé ki tiiyaká he Hénog. Hénog kíssóótí hé yaalmit galallo-, ˈdeenylé Waag hí shiicheká ˈdiiyime, mu kieye, Bá dhaayyíe, Máá Guđoká gállé ˈgasso-, urru-, shíí shííká hollo hol ká egedhdhe.

Kí Edhesiny 19:11

Aalé úr af hí furme, fárích édh-, ali yaalká yú arge. Farich Máá hí ˈdú ijoká meenyle Máá ˈdúwa-, Waag ˈDuuwle hogodhoká gaalí yeedhe. Mu yaalmit ˈdúwaká in gálaat ˈdéé ki iđimia, gál Waag hol ka kídhká beđita.

Kí Edhesiny 4:1

Hééllá lulle yú argeká, úr af hí furme yú arge. ˈDéé hót er yú maale-, faˈd shímle ki égká geđi ye geeyche, kieye, Úr ál yú ijóóllá mé ká naʼ. Hé yú ko geeyallá elle yaalmisano yé ká ˈdeˈdeenká ha yú ko ká aargisia, ˈdéé hót hí ye chie.