Yuána 1:45 - Fayam Midhab Yiesu Kiristoká He Hol Af Iđiny Kaanaká

⁴⁵ Aalé Fílib Nadhániel ˈdú sedhe, mú geey, kieye, Máá héle Móshe hí warˈgasam hemuumurit Waaˈgiet gaa veere-, gál Waag hí ˈdeem ka shigicheká úba hí ˈdeenyle warˈgasam gaa veereká nyáá nyí argiyye. Máá kinaallá he Yíésu Nasaret-, iny Yuosefká, yie.

Yuána 1:45 ပူးပေါင်းရင်းမြစ်များ

Matááyo 10:3

Fílib ubaa Bartolomáyo, Tómas ubaa Matááyo giri gálaat birm gaa gugusatká, Yákob giri iny Alfaayaká, ubaa Dhádias,

Matááyo 13:55

Máállá hé máá ˈguor hođuoká inyle muunîny? ˈJiellé hí ˈdalloká meenyle hé María muunîny? Mú nyaaramlé yaabká hé mú Yákob, Yúósef, Símon, tá Yúúˈda muunîny?

Matááyo 2:23

Mu ény gaalí Násaret yegetká álle gaa ˈgudhdhe. Aalé ˈdeeny gál Waag hí ˈdeem ka shigicheká hí hodhe-, giri kieye, Mú máá Nasareto gaalí yeedhe, yieká ˈduway.

Matááyo 21:11

Nyésébích Yíésu hol ˈgieká ˈbaal kieye, Hééllá máá Waag hí ˈdeem ka shigicho-, Yíésu lé-, máá ény Nasaret-, Galilaayaká, yiegie.

Márko 14:67

Ini mu ˈjiet ˈbuˈbuta-, mú argiyyeká, mú dhaayche, kieye, Kúún úba Yíésu Nasaretallá ití hol ˈgayye, chie.

Márko 6:3

Máállá hé máá ˈguor hođuoká muunîny? Mu hé iny Maria giri nyaaramle mú Yákob, Yoséítos, Yúúˈda, tá Símon, héétí mú nyaaramlé ˈdeitká hé ke hol állá af ijóóllá muunîny? gaalí yie. Aalé gaal mú shúón gaa nebedhe.

Lúka 18:37

Gaal mú geey, kieye, Yíésu Nasaretká ali ká nanadha, gaalí mú yie.

Lúka 2:4

Yúósef úba ény Nasaret giri lés Galilaayaká gaa kie. Ény ˈDawuˈd-, gaalí Bételeem yeget-, giri lés Yuuˈdiaká mé nie, ˈdaa giri mu máá ˈbíl íl ˈDawuˈdká.

Lúka 2:48

Mú ˈjielle ubaa mú ˈjaalle hí argeká he af ˈdabe. Mú ˈjiellé María hí heesete, kieye, Inychú, háteka nyí héél ki egeychéel? ˈJaakú ubaa yú, nyáá tág nyí neeyye, nyí ko hol gaa ˈgeˈgete, chie.

Lúka 24:27

Aalé Yíésu ˈdeenylé he veerit Waaˈgiet gaa iđe-, a meeny warˈgasam Móshe hí veereká, tá ˈjíig warˈgasam gál Waag hí ˈdéé ka shigicheká hí veereká đigká fayamle gáál af gaa koy.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

Lúka 3:23

Yíésu af giri he onisinyle mé gáá kokodheká warram hí tomonaam seđe. Gálaat tawuny leka kieye, Yíésu he iny Yuosefo, he yegie. Yíésu eshille he Héli.

Lúka 4:22

Mu gáál lulle ger gaa meey, ˈdeeny midhab-, muí hogodheká gaalí af ˈdabe, gaal kieye, Hééllá hé iny Yuosef muunîny? gaalí yie.

Yuána 1:44

Fílib úba he máá Beđesaida, ény giri Ánˈduru ubaa Bétiro égetléká.

Yuána 12:21

Gaal Fílib giri máá ény Beđesaida-, lés Galilaayaká ˈdu gáá yimie, mú yiete, kieye, Máá guđo, nyiin Yíésu nyí aargiˈdoká nyí feˈde, yie.

Yuána 14:8

Aalé Fílib kieye, Máá Guđo, nyí ˈJaakú ka argísish, hé nyí faaˈgsuoká hé kinaallá, yie.

Yuána 18:5

Gaal mú geey, kieye, Nyiin Yíésu Nasaretká nyí hol gaa ˈgeˈgete, gaalí yie. Yíésu kieye, Yíésu Nasaret he yú, yie. Yúúˈdas giri mú gáál ˈdu gáá eeyká hé gál kinaallá hurt gaa yiel.

Yuána 18:7

Mu geđi gáál yiete, kieye, He in mááya hí hol gaa ˈgeˈgete? yie. Gál giriká kieye, Yíésu Nasaretká, yie.

Yuána 19:19

Bilááto ˈgór ˈbassoká đađáb gaa veere, ˈgór đarám yaal-, gaalí Yíésu ˈdug ˈdú ˈdoyká mé shurt ki ˈdoy. ˈGór ˈbasso kinaal héllé muí gaa veereká kieye,yíésu nasaretká, kánsích yuuˈdi, he chie.

Yuána 21:2

Mú lalillé hol ˈgayyeká he Símon Bétiro, Tómas giri gaalí ˈDíđumos yegetká, Nadhániel giri ény Kanna-, lés Galilaaya gáá yimieká, ubaa hele Dhebeˈdaya, tá gál éíy taaka naama-, láliká.

Yuána 6:42

Gaal kieye, Hééllá hé Yíésu giri iny Yuosef ˈjaalle ubaa ˈjielle ki ógká muunîny? Tá háteeye, káána kieye, Yú úrro gáá yimie, yegedhe? gaalí yie.

Yuána 6:5

Aalé Yíésu nyésébích guđoká hí ˈdú gáá yiimie-, argeká, đo Fílib yiete, kieye, Balasha gáláátallá hí kokuoká in ále ke gáá higidhdha? yie.

Yuána 6:7

Aalé Fílib mú ˈdéé hol ˈdú nie, kieye, Bíre hújíchle ram hí kúˈd naamaká ki ˈguom ka higían-, ˈguomle úba ki gál ˈdááballóóllá ke ki ˈjiingʼírinyka, hé gáál ma gaa ˈdony, yie.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 2:22

Aalé Bétiro geđi gáál geey, kieye, Gál Yisirayel, hééllá nee kóo. Yíésu giri Nasaretká héllé farguogo-, Waag hí shiiche-, hí hurt gaa eekemey-, hí af ˈdaˈdabiyyeká ití óg. Hé kinaallá ˈdugaka in mu hát he máá ˈdúwaká Waag hí itín argisiche.

He Ekeny Gál Alb Fimiká 22:8

Aalé yú ˈdéé hol nie, kieye, Kúún mááya, Máá Guđo? yú yie. Mu ye geey, kieye, Yú he Yíésu Nasaret-, kuun hí maanyjasichóóllá, muí ye yie.

He Ekeny Gál Alb Fimiká 26:9

Yú erkobká hát chia tawueká, he lullé mákárta meeny Yiesu-, Nasaretallá baađisieká ˈgierimlé gaa seseme.

He Ekeny Gál Alb Fimiká 3:6

Aalé Bétiro kieye, Yáá bíre ˈguo-, ko ka shiguoká mán. Tá hé yú ˈguo-, yú ko ká shiguoká hééllá: ˈDaa meeny Yiesu Kiristo Nasaretkáka, le gaa keʼ, hol gaa sí, Bétiro hí mú yie.