Yuána 1:34 - Fayam Midhab Yiesu Kiristoká He Hol Af Iđiny Kaanaká

³⁴ Hé kinaallá yáá arge, tá yú hí mú ˈduuwle geeye, Máállá gon Iny Waaˈgiet, Yuána hí gáál yie.

Yuána 1:34 ပူးပေါင်းရင်းမြစ်များ

Matááyo 11:27

Aalé Yíésu gálaat geey, kieye, He met lulle hé ˈJaachú hí ye gíl ká fie. Yáá Ínyííllá hé máá níínní ye ogká mán, ˈJaa chia tákáma ye og. Héétí hé máá níínní ˈJaachú ogká mán, yáá mú Inylééllá ubaa gál yú wawarat-, yú ˈJaachú aargisuoká tákáma nyí og, yie.

Matááyo 16:16

Símon Bétiro kieye, Kúún he Messíya, Iny Waag bííyyo ali iđoká, yie.

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Matááyo 26:63

Yíésu íín taalle shab yie. Aalé máá méte suoryoká Yíésu geey, kieye, Ebá Waag bííyyo ali iđoká ˈdúo, nyí ka géesh, har kúún he Messíya, Iny Waaˈgiet kátaka, mú yie.

Matááyo 27:40

kieye, Kuun he máá hol ˈdabe-, ˈBíl Waaˈgiet ˈgieˈgie-, tá ˈBíl aadh seđ gaa ˈdiˈdiseká muunîny? ˈDaa! Ebá káána har kúún Iny Waaˈgiet kátaka, hol rig, hol ˈgór đarám yaal kinaallá gáá léésish! he mú yiegie.

Matááyo 27:43

Máállá kieye, Yú Iny Waaˈgieto, he hol yie. Ebá Waag muí ˈdúúw ki onnoyká har mú feˈdoka, hí mú riiyyo, gaalí yie.

Matááyo 27:54

Aalé máá yuoy kúˈd mé ki yiel mare ubaa yuoylé he Yíésu hol ˈgar ˈdeˈdemeká les motinyle ubaa he lullé yiem ká ˈdeˈdeme-, argeká birge, neey, kieye, Hé ˈdúwa, máállá gon he Iny Waaˈgiet, yie.

Matááyo 3:17

Aalé ˈdéé hót úr yé gáá ˈdiiyye, kieye, Hééllá he Iny chia yú gielká, mu hé tág ye geer gaa meey, chie.

Matááyo 4:3

Aaléka máá mú ki ekemete-, Sátan léká mú ˈdu gáá yimie, mú geey, kieye, Har kuun Iny Waaˈgiet kátaka, ebá ˈdéé hot, waarééllá hí balashá yeet, yie.

Matááyo 4:6

mú geeyche, kieye, Kuun har Iny Waaˈgiet kátaka, ebá hol úr gáá lab. Warˈgat Waaˈgiet ˈdaakúka kieye, Waag gállé ˈgasso-, urruká ˈdéé hai ki muuˈda, gaal úr hai ko ká ˈgiiliˈgaa, giri waar ko ˈgas mé ma ki ˈdaraminyká, he chie, Sátan hí mú chie.

Matááyo 8:29

Gaal Yíésu ubaa lalille argeká koˈdam ˈdoy, kieye, Kó Iny Waaˈgietal, meete ke hol ká ˈgaa? Ál kachimíél aleđuđugul hátlé ali ma kí ˈdíinyká nyí maanyjasicha? gaalí yie.

Márko 1:1

Hééllá Fayam Midhab Yiesu Kiristo-, Iny Waaˈgietká mé gáá koonlé.

Márko 1:11

Aalé Waag ˈdéé úr gáá hote, Yíésu geeyche, kieye, Kuun he Iny chia yú gielká, kó tág ye geer gaa meeyche, mú chie.

Lúka 1:35

Mu María ˈdéé hol ˈdú nie, kieye, Hím Naasan Waaˈgiet hai ko ˈdu gáá leete, fargogint Waag Úr Iđoká hai ko buanna. ˈDaa kinaallá ˈdugaka in veel ˈdalaatká he Iny Waaˈgiet saas mán-, ˈdúwaká.

Lúka 3:22

Hím Naasan Waaˈgiet hát yaalmit holeká mú ˈdu gáá leete. Gálaat ˈdéé úr gaa maale, ˈdee kieye, Kúún he Iny chia yú gielká, kó tág ye geer gaa meeyche, ˈdee hí yie.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 1:49

Aalé Nadhániel mú geey, kieye, Máá gáál he oonisúóllo! Kúún gon Iny Waago! Kúún he Kánsích Yisirayel! muí yie.

Yuána 10:30

Yú ubaa ˈJaachú nyí tikiˈde, Yíésu hí gáál yie.

Yuána 10:36

tá háteka, yáá giri ˈJaa chia Waag ye taak kodhdhe-, ye lésal ali ˈdú gáá kaayká, hí ye hatal ka geđichóol? Yú he Iny Waago, yú hí yieká, hí kieye, Kó Waag chaachaˈde! hí ye chegedhóol?

Yuána 11:27

Aalé Márta kieye, Iiy-hí Máá Guđo, kúún hát Messíya-, Iny Waagoká yáá iiy yie. Kúún he Máá Warˈgat Waaˈgiet hí hote-, lésallá ka yiimetká, chie.

Yuána 19:7

Aalé gál Yuuˈdiká điidhe, kieye, Nyíín nyáá nyí hemurít ˈgayya, ˈdaa giri mu hol Iny Waaˈgiet yegetká, mu gon hai kufe, gaalí yie.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 6:69

Kuun hát Waag Máállé saas mánká nyáá nyí kimisate, nyáá nyí ko iiy chie, Bétiro hí Yíésu yie.

Róóma 1:4

Inyáállá Hím Naasanle he Hím Naasan Waaˈgiet. Waag fargogintlé Inyáállá geđi ki loolnoyche, Íny uushich yé gáá ˈdeeyche. Yaalmitééllá in Waag Inyáállá hát Inyléká gáál eiy kí niiyye. Iny Waaˈgietallá he Máá kúnnaa Guđo Yiesu Kirísto.

Korínto ki Naamaká 1:19

Iny Waaˈgiet-, Yiesu Kirísto-, yú ubaa Silfáánas, tá Tímote ke hí hurtkícho gaa ˈdiyimééllá mu hé iiy-hí ma yegen, kor wáásaka, héllé kinaal el mé ma ˈgiisan, híʼi, ma yegen. Mu héllé hogodhoká hé ˈdúwaká tákáma.

Héberew 7:3

Máállá hé ˈjaalle ubaa ˈjielle, héétí hídh he yé gáá ˈdieká hé ke muog. Mu kúlích gaa ˈdalidheká ubaa kúlích gaa kufeká hé úba ke muog. Tá mu hát Iny Waaˈgiet máá suoryo-, biiyóóllá he ká yaalla.

Yuána Erká 2:23

Máá Iny Waaˈgietallá điidhoká, hé ˈJaa kúnnaa Waag hí ma lileny. Tá máá Iny Waaˈgietallá ˈdúúw hoteká, hé ˈJaa kúnnaa Waag hí lé.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Yuána Erká 4:9

Waag hát muun gáál gielmít argisicheká hééllá, giri kieye, Waag Inylé ali ka takachká lésallá ali ˈdu gáá kaayye, giri ke mú ˈdaalle ki ijo-, ke luolmit biiyoká ˈguoká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána ki Naamaká 1:9

Ameeny máá he onisiny Kiristóóllá ma ki yaaliny-, he onisiny hol gaa lalaanká hé Waag hí ma gaa iđiny. Tá máá he onisiny Kiristóóllá ki yaalká hé ˈJaa kúnnaa Waag ubaa Inyle hí gaa ijo.

Kí Edhesiny 2:18

Gál Kiristo ˈjien Dhayatira gaa ijoká máállé urru-, ˈgassoká ˈdeenyééllá ˈdú véer. Iny Waaˈgiet in hí hát ˈjiet bólo-, ˈgas met hí hát gib boloonká ki égká ˈdeenyle hééllá: