Yuána 1:14 - Fayam Midhab Yiesu Kiristoká He Hol Af Iđiny Kaanaká

¹⁴ Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 1:14 ပူးပေါင်းရင်းမြစ်များ

Matááyo 1:16

Yákob Yúósef giri María bélléká ˈdale. María Yíésu gaalí Kirísto yegetallá ˈdalle.

Lúka 2:11

Kúlíchallá ény ˈDawuˈd hé máá gáál ririanká hí ki ˈdalidhe. Máá kinaallá he Máá Guđo Kirísto.

Lúka 2:7

María veel nyigeeny-, ˈgas kí kooteká ˈdalle. ˈDaa giri gaal é ííf gaa ˈdabeká véel súm gaa iifiche, véel đafaraam buuyye.

Lúka 9:32

Bétiro ubaa gállé hol ˈgie kinaal ram hí eete, gaal les gaa kieká gaal Yíésu édhúmle ubaa gál naama mú hol a ˈgieká arge.

Yuána 1:1

Erkob-, Waag hátlé hé níínní ka kuonne mánká ˈDee hé biiy gaa ije. Máá gaalí ˈDéé yegetallá Waago hol af ije, ˈDee íínííllá he Waag.

Yuána 11:40

Aalé Yíésu kieye, Yú ko ma géeny, iiy chieka, Waag hát fargogiyyoká ha aargiˈda, yú ko ma yéen? yie.

Yuána 14:6

Yíésu mú geey, kieye, Yú ˈgierich, ˈduuw he yú, yú luolmíti. Hé máá níínní ye ma gáá naanka, Waag ˈdú seenká mán.

Yuána 14:9

Aalé Yíésu mú geey, kieye, Fílib, bííy muun ke hol af gáá yíéđieká, kó hátle ye muog? Máá ye argeká, ˈJaa chia arge. Tá háteeye, kúún kieye, Nyí ˈJaakú ka argísish, chie?

Yuána 17:22

Yáá gáál ˈduuw kuun hí ye ka shiicheká shie, giri gaal íín hát muun ke tikiˈdééllá íín úba tikiˈd yegetká.

Yuána 17:24

Baabá, gál ye ka shiichééllá, ál yú gaa ijoká úba yíéđian-, guch chia ye ka shiichééllá úba aargiroká yú fede. Kuun les hátle biiy gaa mán, in ye giel, ye guchééllá ká shiiche.

Yuána 18:37

Bilááto kieye, Kuun a kinaalka, máá kansichaa! yie. Yíésu mú ˈdéé hol ˈdú nie, kieye, Yú hát kansichká kó hote. Yú ˈdaa kinaallá ˈdugaka in ˈdalidhe, lésallá ká yimie, giri ˈdúúw hogodhoká. Tá gál ˈdeeny ˈdúwaká ˈdaalle ki yaalká lulle af nee hai ye kokoo, yie.

Yuána 2:11

Hééllá Yíésu héllé erkob ekey-, gálaat hí af ˈdabe-, mu gálaat ˈduuwle argisieká. Hééllá ény Kanna giri lés Galilaayaká muí gaa ekey. Mu hééllá ekeyká, mú lalille đo mú iiy chie.

Yuána 3:16

ˈDaa giri Waag gálaat lullé les gaa ijoká súm gielká in gáál Inylé ali ka takachká ká shiiche. Máá Íny iiy yeetká sídhle hé ma baađany, taalle luolmit biiyoká hai gaa yíéđima.

Yuána 3:18

Máá Íny iiy yeetká hé Waag hí ma ˈdeđensen, tá máá Íny iiy ma yéenká hé hátle Waag hí ˈdeđenseto, ˈdaa giri mu Waag Inylé ali ka takachká iiy ma yéenká.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Yuána 8:32

tá hé ˈdúwaká eiy haí naasata, hé ˈdúwa kinaal mé haí fuura, Yíésu hí gáál yie.

He Ekeny Gál Alb Fimiká 13:33

He af iđiny kinaallá múúni ke gáál umlééllá káána muí hélle gáál ká shie, giri mu Yíésu uushich yé gáá ˈdeeyká. Hát káána gaalí warˈgat Arramká káráflé naamaká gaa veere-, kieye, Kúún he Inychú, kúlíchallá yáá ko ˈdale, chieká.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Korínto Erká 15:47

Máá erkob-, Áˈdamlééllá, hé máá Waag hí eeˈd lesalloká tág gaa niiyyeká. Tá Máá ki naama-, Kirísto lééllá úrro he gáá yimie.

Korínto ki Naamaká 12:9

Aalé mu ye geey, mu kieye, ˈDúˈjímchú hé ko ka gúúđo, fargogintchú af giri kúún đalidhekáka hé tág ko far ki gogiyyo, muí ye yie. Aaléka, đalim chialláka yáá geer ye gaa meedhe, giri fargogint Kiristo ye hujich gaa nanniyyoká.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Kolosááya 1:19

Waag héllé kis feˈde-, muˈdeká he giri aalmichle alulle Inyle gaa iđoká.

Kolosááya 2:3

Máá Kirísto lééllá in ke kamur ˈdaalimoká ubaa kamur onyiká lulle ke gaa aargira.

Kolosááya 2:9

Hééllá he ˈdaa giri Waag aalmichle alulle Kirísto ˈdalidhe-, gon ˈgúóllá gaa iđoká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 1:5

Mááya ˈgasso uriet kálta Waag hí geeyche, kieye, Kúún Inychú. Kúlíchallá yáá ˈJaakú yie, Waag hí chie? Héétí, Yú mú ˈJaalle hai yeedhe, mu íín Inychú hai yeedhe, Waag hí chie?

Héberew 10:5

Aaléka, Kirísto lésallá ka hileká ˈJaallé Waag geey, kieye, Kúún kó suoryam aanyiet ubaa hé shiicho ma fediny, kó ye gon kí kuonne, giri yú hol suor hođuoká.

Héberew 2:11

Máá gálaat saas ˈdaˈdabsuo-, Yíésu lééllá, ubaa gállé saas gaa egewká lúl ˈJaag hí tikiˈde. ˈDaa kinaallá ˈdugaka in mu gál saas gaa egewallá, Nyaaramchú, yegetká kernle hí ma ˈgiˈgin,

Héberew 5:5

Hát tikiˈdééllá Kirísto úba hé hol ma ˈduwasîny, hol máá méte suoryoká ma ka hôny. He Waago mú ˈduwasiche, mú geeyche, kieye, Kuun he Inychú, kúlíchallá yáá ˈJaakú yie, mú chie.

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.

Yuána Erká 4:9

Waag hát muun gáál gielmít argisicheká hééllá, giri kieye, Waag Inylé ali ka takachká lésallá ali ˈdu gáá kaayye, giri ke mú ˈdaalle ki ijo-, ke luolmit biiyoká ˈguoká.

Yuána ki Naamaká 1:7

Yú hí hatallá geđúóllá he ˈdaa giri gál burnay-, gálaat baađisuo-, Yiesu Kirísto hát gon kaadhdhe-, ka ˈdalidheká iiy ma yegenká les gaa seseenká. Gál hatallóóllá máálle he máá gálaat baađisuo-, Kirísto ka kidhichká.

Kí Edhesiny 19:13

Giel muí kaadhdheká fas hí bađisie, tá mú meenylé gaalí veveenká he ˈDeeny Waaˈgiet.

Kí Edhesiny 21:3

Aalé yú ˈdéé hót af ˈdér-, kara giri guchiká álle yé gáá ˈdiiyyeká maale, ˈdéé hót kieye, Bá dhaayyíe, Waag égetle hé gálaat hol ˈgar liledhe. Waag gálaat afo hol yíéđima, gaal bííyyo Waag gálle hai yeedhe, tá Waag íín dhúrle gáál hurt hai iđa, gáál Waagle hai cheedhe.