Yuána 1:12 - Fayam Midhab Yiesu Kiristoká He Hol Af Iđiny Kaanaká

¹² Tá gál mú ma đíin-, mú iiy yieká lulle íín hé muí ˈduuw gálle um Waaˈgiet yegetká shie.

Yuána 1:12 ပူးပေါင်းရင်းမြစ်များ

Matááyo 10:40

Máá itín hí rokoˈd ki goloká yaa ye rokoˈd ki gole, tá máá yú dhúrchú ye rokoˈd ki goloká, máá kinaallá Máá ye ali gáá kaayká he rokoˈd ki gole.

Matááyo 12:21

Tá kidh lulle mú bala hai ˈdú nannaa, mú iiy hai yeedhe, chieká.

Matááyo 18:5

Aalé máá veel ninni-, hatallóóllá ˈdaa meenychúka rokoˈd ki goloká yaa ye rokoˈd kí gole.

Yuána 1:11

Mu hé lésle ká yimie, kor mú gálle hé mú điidhe.

Yuána 1:7

Mu ka yimíéllá he giri mu édhúm kinaallá ˈduuwle gálaat geđuo-, gálaat lulle édhum iiy yegetká.

Yuána 11:52

tá gál Yuuˈdi tákámle ma ˈdú kufuminy-, um Waaˈgiet les lulle eiy bash ki yieká úba ˈdú kufunan-, gáál hol ˈdu gáá shuguno-, gáál tikiˈd hođuoká, ta muí hélle huogodhe.

Yuána 2:23

Aalé Yíésu hátlé Yerúsalem álle ˈjila gaa ijeká, gál burnayká hé ke af ˈdaˈdabo-, muí eekemeyká argeká mú iiy yie.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 3:18

Máá Íny iiy yeetká hé Waag hí ma ˈdeđensen, tá máá Íny iiy ma yéenká hé hátle Waag hí ˈdeđenseto, ˈdaa giri mu Waag Inylé ali ka takachká iiy ma yéenká.

He Ekeny Gál Alb Fimiká 3:16

ˈDaa iiy yeen meeny Yiesuka in máá hí argiyya-, hí ógallá les gaa eeyye. Hé ˈduwa, iiy yeen nyí Yíésu iiy chieká, máá hí metééllá gaa yaalallá bisiche.

Róóma 8:14

Ameeny gál Hím Naasan Waaˈgiet atimle el gaa igiroká, lúl he um Waaˈgiet.

Róóma 8:16

Hím Naasan Waaˈgiet ubaa sidhamkúnno hát múún gon ke um Waaˈgietká hé gáál geđicho.

Róóma 8:19

He lullé Waag hí ka kuonnééllá bár ka chiimeto-, Waag umle ˈduuwasichoká ali kí ˈdeˈdeenká hé tág fedo, met egeso.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Kolosááya 2:6

Aaléka, hát hí Yiesu Kirísto iiy chie-, hí mú Máá kíchia Guđoká hosotééllá taalle mú gaa yíéđía.

Bétiro ki Naamaká 1:4

Mú ˈduuwle ubaa midhantlé kinaal ˈdaalleka, mu hé he af iđinylé ˈdúwa-, kamuryoká hélle muun gáál ká shie. Hé muí gáál ka shíéllá ˈdaalleka, it hí he fedit lesallo-, gáál ˈdeđeneychóóllá yíé gáá ˈdiiyye, Waag hé gerkícho gaa iđo.

Yuána Erká 3:1

ˈJaa kúnnaa Waag gielmitlé guđo-, he muun gáál gielallá, ebá dhaayyíe! Gielmitééllá ˈdaalle ˈdugaka in Waag muun gáál umle chie. Tá hé kinaallá hé ˈdúwa, muun ke um Waaˈgiet. ˈDaa giri les gálle mú moonnoyká, in úba káána gálaat muun gáál muog.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Yuána Erká 3:23

Aalé Waag hemuritle hééllá, giri ki mú Inylé Yiesu Kirísto iiy yegetká, héétí hát giri muí gáál kí mure-, hol geelnedhíe, muí yieká ki hol geelnetká.