Yuána 1:1 - Fayam Midhab Yiesu Kiristoká He Hol Af Iđiny Kaanaká

¹ Erkob-, Waag hátlé hé níínní ka kuonne mánká ˈDee hé biiy gaa ije. Máá gaalí ˈDéé yegetallá Waago hol af ije, ˈDee íínííllá he Waag.

Yuána 1:1 ပူးပေါင်းရင်းမြစ်များ

Matááyo 1:23

ˈdeeny giri kieye, Bá dháash! Ini harteká geer haí higila, ini veel yab hai ˈdaalla, véel meeny gaalí shiguoká Emánuel, yieká. (Emánuel hélle kieye, Waag hé ke hol af ijo.)

Lúka 24:53

Aalé gaal aadh lulle ˈBíl Waaˈgiet seeseme, ál kinaal Waag gaa meemey.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 1:2

Máállá in erkob Waag hátlé hé níínní ka kuonne mánká Waag hol af ije.

Yuána 16:28

Yú ˈJaa chia gáá yimie, in lésallá mé ká nie. Aalé káána lésallá ha haađia, ˈJaa chia hol ˈdú naadha, Yíésu hí gáál yie.

Yuána 17:5

Aalé, Baabá, ye ˈduuw héle les hátle biiy gaa mannayyeká yú ubaa kuun ke hol ka ˈgieká, ye káánallá ki ˈdúwash.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 8:58

Yíésu gáál ˈdéé hol ˈdú nie, kieye, Yú hí hé ˈdúwaká geeye, Abirááyam hátlé ma ka ˈdaláanká, yáá ali ije, muí gáál yie.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Eféso 3:9

Waag úba hé ye ˈdú ˈjiiyye, giri ˈdeenylé geer geđiká hát he ˈduuwawká yú gálaat eiy ki nannuoká. ˈDeeny kinaallá Waag ameeny he met lulle ka kuonneká hé hí geerle ká ˈgayye.

Filíbi 2:6

Mu íín tuuˈdle har úba hát lullé Waaˈgietká yielka, hé ˈduuwlé kinaallá ma ki ˈgaađáminy.

Kolosááya 1:15

Waag ki ma arginyallá Inylé Kirísto ke argeka, hát hé ke íín arge. Iny íínííllá he lullé Waag hí ka kuonnééllá máállé hí mé ki yaalká.

Kolosááya 1:17

He met lullé biiy gaa ijóóllá hátlé mannayká, mu hé ali ije. He met lulle mu íínííllá ki ija.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Héberew 13:8

Yiesu Kirísto hé hol ma gaa sorominy. Mu he máá tikiˈde gefere-, ubaa kulichallo-, tá biiyoká.

Héberew 7:3

Máállá hé ˈjaalle ubaa ˈjielle, héétí hídh he yé gáá ˈdieká hé ke muog. Mu kúlích gaa ˈdalidheká ubaa kúlích gaa kufeká hé úba ke muog. Tá mu hát Iny Waaˈgiet máá suoryo-, biiyóóllá he ká yaalla.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Yuána Erká 5:7

Hé gáál Yíésu ˈduuwle geđuoká seđe.

Kí Edhesiny 1:11

ˈDéé hót kieye, Hé argiyyoká warˈgát gaa véer, gál Kiristo met hí tiiya-, Eféso, Simírna, Bérgamon, Dhayatíra, Sártis, Filaˈdélfia, tá Lauˈdikew gaa ijoká ˈdú laalámo, chie.

Kí Edhesiny 1:17

Yú mú argeká, hát máá kufekáka mú ˈgas met les gaa ˈdoy. Aalé mu ye gíllé ˈdaa naanietká ˈdú iifie, kieye, Ha bírginy, yú he Erkob ubaa Biiy El ˈDaˈd,

Kí Edhesiny 1:2

Yuána íín hé arge kinaal lulle huogodhe. Hééllá he ˈdeeny Waaˈgiet ubaa hé Yiesu Kirísto hí mú kí edhesieká fayamlé.

Kí Edhesiny 1:8

Máá Guđo Waag kieye, Yú he Álfa ubaa Oméga, Waag ali iđo-, kísóótí ali iđe-, tá bár ka chiimetóótíá úba ali iđo-, fargogínt lulle ˈgayyoká, he chie.

Kí Edhesiny 19:13

Giel muí kaadhdheká fas hí bađisie, tá mú meenylé gaalí veveenká he ˈDeeny Waaˈgiet.

Kí Edhesiny 2:8

Gál Kiristo ˈjien Simirna gaa ijoká máállé urru-, ˈgassoká ˈdeenyééllá ˈdú véer. Máá Erkob ubaa Biiy El ˈDaˈd lé-, kufe-, kor geđi loolnodheká ˈdeenyle hééllá:

Kí Edhesiny 21:6

Aalé mu kieye, Hééllá lulle hé ali kí ˈdie! Yú he Álfa ubaa Oméga, yú he Mé Gaa Koon ubaa Biiy El ˈDaˈd. Máá báre hí chieská bíé haˈdo-, luolmitiká hállééllá yú shigia.

Kí Edhesiny 22:13

Yú he Álfa ubaa Oméga, yú he Erkob ubaa Biiy El ˈDaˈd, yú he Mé Gáá Koon ubaa Biiy Ello.

Kí Edhesiny 3:14

Gál Kiristo ˈjien Lauˈdikew gaa ijoká máállé urru-, ˈgassoká ˈdeenyééllá ˈdú véer. Máá He Hí Hát Kinaallá Yeet lé-, ˈdúwa-, fayam Waaˈgiet ˈduuwle hogodho-, tá Waag hé ka kuonneká mé ki yaalká ˈdeenyle hééllá: