Yákob 2:20 - Fayam Midhab Yiesu Kiristoká He Hol Af Iđiny Kaanaká

²⁰ Kó đeechal, iiy yeen hé gaa ekemeycho mán kinaal hát ˈbakatéél in ha ko ká aargisía?

Yákob 2:20 ပူးပေါင်းရင်းမြစ်များ

Róóma 1:21

Har úba gaal Waag óíytaka, gaal mu hát Waagká hé mú ma memeny, mú gielmít hol ma ˈdú nanniny. Gáál hé tawuny hí ˈdeenete, gáál ˈdaalimlé éésh mánnallá hé đéém hí koch chie.

Róóma 3:28

Aaléka, máádhat hé hemuumurít ki yaalitle hí máá ˈdúwaká ma hođiny, iiy yeen muí Yiesu Kirísto iiy yieká in innum Waaˈgietka mú máá ˈdúwaká hođicha.

Róóma 9:20

Tá máá kinaal mááya, Waag hatal yegetal? Máá Waag hí ka kuonneká hé Waaglé hí ka kuonneká hatal hegeset, kieye, Háteka ye hatal ka kuonnéel? yeget?

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Galátia 6:3

Máá taawuo-, kieye, yaa ˈdúwa, yeget-, kor máá káta-, mánká, hollo hol nyimite.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Tímote Erká 1:6

Gáál ˈbáál ˈdaa giri hé midhab hatallóóllá ˈboiy gaa ˈdieká, hé ˈdeemano nyag mánnallá bala ˈdú nie.

Títo 1:10

Yú hatallá ko geđúóllá he ˈdaa giri biiy gál burnay-, aˈgierˈgere-, ˈdeem met ˈdaraan-, gálaat baađisuoká hí gaa ijoká. Gálallá gúch hí gál gálaat hermisan mé ki tatuoká.

Yákob 1:26

Máádhat har hol máá ˈgíérích Waaˈgiet gaa igiroká ká dhaay-, kor hol ére mé ma dhaˈgaminyka, hollo hol nyiimita, mu ˈgíéríchlé Waaˈgiet gaa igiro kinaallá hé ˈdúúw mán.

Yákob 2:17

Hát tikiˈdééllá har hí iiy yeen tákámle ˈgayya-, hí he ma gaa ekemenyka, af kinaalka iiy yeenkícho hai kuyye.

Yákob 2:26

Aaléka, gon sidh manítaka hát kuyyeká it óg. Hát tikiˈdééllá iiy yeen hé gaa ekemeychoká manítaka hai kuyye.