Yákob 2:18 - Fayam Midhab Yiesu Kiristoká He Hol Af Iđiny Kaanaká

¹⁸ Tá kálmareka, mú tikiˈd hatallá hai yeedhe, Kúún kó iiy yeen ˈgayyo, yú yáá he ekeny ˈguo, hai yeedhe. Ebá iiy yeen kua hé gaa ekemeycho-, mánnallá ye ka argísish, tá yú íín hé chia ekemeyoká iiy yeenchú hai ko aargisicha.

Yákob 2:18 ပူးပေါင်းရင်းမြစ်များ

Róóma 14:23

Tá máá so kóony ki nannaat-, kor so kinaal kuoká, hé ˈdeewká he ekey, ˈdaa giri he geer totom gaa ˈgiˈgiteká. Hé lullé mákárta-, tawunykúka tagle muuninyká ekeycheka, af kinaalka ađáábo hille.

Róóma 3:28

Aaléka, máádhat hé hemuumurít ki yaalitle hí máá ˈdúwaká ma hođiny, iiy yeen muí Yiesu Kirísto iiy yieká in innum Waaˈgietka mú máá ˈdúwaká hođicha.

Róóma 4:6

ˈDáwuˈd hé úba gál ˈdaa héllé eekemeyká muuninyká Waag hí gál ˈdúwaká ki chieká hélle hodhe. Mu gálallá hát Waag hí ˈdú ˈjiiyyeká úba hodhe, kieye,

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 9:19

Aaléka, itín kálmaréél mú tikiˈd hai ye hegete, kieye, Máádhat hát Waag hí ki muˈdoká in hát níínní điidho man háluke, tá Waag háteka gálaat ˈdeđensetóol? hai ye yeedhe.

Korínto Erká 13:2

Tá yú Waag har ye gállé ˈdéé ka shigichoká mú tikiˈd hôny-, yú hé ger geđiká lulle ubaa ˈdaalím met lulle onnôny-, iiy yeen gumano alb gaa gugursichoká úba ˈgíiny-, kor gielmít mannânyka, yáá máá kátaká mán.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Tímote Erká 1:5

Atim kuuní gáál af tatiyyóóllá héllé gálaat yé ˈdú ˈdeđichoká he gielmit giri hodhin saas mánká yé gáá ˈdeˈdeennoká, ubaa hé ˈdúwa-, gaalí ógká ekenylé, tá iiy yeen ˈdúwa-, nyimisan mánká.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Héberew 11:31

Min sharmúut-, gaalí Ráab yegetallá iiy yeenle ˈdaalleka in gál dhéˈgeká hát naannáká mé guđáan chie. ˈDaa kinaallá ˈdugaka in Ráab gál Waag af đuˈduseká hol ˈgar ma kúfiny.

Héberew 11:33

Gálallá iiy yeenle ˈdaalleka in kansimano ká adhdhe, gaal hát ˈduwantiká gálaat he ki mumure. Gaal hé Waag hí af iđicheká hé úba arge. Gaal hé lúa af eiy ˈdeeny ká ridhdhe.

Héberew 11:6

Aaléka, máádhat he iiy yeen manítaka, hé hát níínní Waag geer gaa meeyoká mán. Máádhat he Waag ˈdú gáá yiimet fedoka, mu Waag hát he ali iđo-, gál hí ˈdú gáá yiimetká hé midhabká shigichoká hí iiy yeet.

Yákob 2:14

Nyaaramchú, hééllá háteeye midhab? Máádhat kieye, Yú yáá iiy yeen ˈguo, yeget-, kor máá kinaal he ekeny manítaka, iiy yeen kinaallá hé mú bíísíchô?

Yákob 3:13

Itín mááya ˈdaalle, hé burnayká og? Máá kinaallá yaalmitlé midhab ki ijoká ubaa héllé ˈdabaan ekemeyo-, máálle hol ˈdúúw rieká hí gáál ˈdaalimlé kinaallá gáá argisuo. Hol ˈdúúw rím hatallóóllá ˈdaalímmo yé gáá ˈdeˈdeenne.