Yákob 2:14 - Fayam Midhab Yiesu Kiristoká He Hol Af Iđiny Kaanaká

¹⁴ Nyaaramchú, hééllá háteeye midhab? Máádhat kieye, Yú yáá iiy yeen ˈguo, yeget-, kor máá kinaal he ekeny manítaka, iiy yeen kinaallá hé mú bíísíchô?

Yákob 2:14 ပူးပေါင်းရင်းမြစ်များ

Matááyo 5:20

Aaléká, yú hí geeye, itín har hát Waag hí feˈdoká hí hát ˈduwantiká el ma gaa igiriny-, hí gál Farisaay ubaa gál gálaat nyatalaam oonisuoká hí af mé ma ˈgisanka, af kinaalka itín gon Guch Waaˈgiet ál níínní hí ki higillaká mán.

Lúka 3:11

Yuána gáál ˈdéé hol ˈdú nie, kieye, Máá kosam naam ˈguoká hí kóte tikiˈd máá kóte mánká shio. Máá ˈguom ˈguoká úba hí hát tikiˈde kinaal ˈdie, muí yie.

Lúka 6:49

Máá ˈdeenychú maalo-, tá ˈdéé el ma gaa igirinyká, máá kinaallá hát máá ˈbíl ál yuochká gaa ˈdisse-, ˈbíl hilo hí les ma híliny-, hele ká fameká ˈbílle hele hí dhír ká lay-, hele hí uuneká, Yíésu hí gáál yie.

He Ekeny Gál Alb Fimiká 15:9

Waag íín hé muun ubaa kidh gáál hol eiy ma gaa nanniny. Hát giri muun gáál saas gaa eeyyeká in kidh úba saas gaa eeyye, ˈdaa giri kidh Kirísto iiy yieká.

He Ekeny Gál Alb Fimiká 8:13

Símon dhúrle úba fayam kinaal iiy yie, gaalí bie gim nie. Mu Fílib el gaa veere, alb lullé giri Fílib hí sesemeká úba sedhe, mu úba hé farguogo-, Fílib hí eekemey-, gáál af ˈdaˈdabsieká argeká he af ˈdabe.

He Ekeny Gál Alb Fimiká 8:21

Kúún kó ˈdeenyééllá hé níínní gaa léká mán, ˈdaa giri káskú he Waag gaa fágká.

Róóma 2:25

It gál Yuuˈdííllá, har hí hemuumurit Waaˈgiet ki ˈgiiyyaka, af kinaalka hermisankícho hé ˈdúúw ˈgayyo. Tá har hí hemuumurit Waaˈgiet ma ki ˈgiinyka, af kinaalka hermisankícho hé hermisan kátaká mán.

Korínto Erká 15:2

Fayam Midhaballá in hí rubach gaa aargiˈda. Hé kinaal har Fayam yú hí ki ˈdiyimeká hí tág ki taalka. Tá har hí tág ma ki taalinyka, af kinaalka iiy yeenkícho taalle hállééllá.

Korínto Erká 16:22

Máá Máá kúnnaa Guđóóllá ma geelnenyká hí ˈdortó argo. Máá kínyaa Guđóóllo, ka ˈjé!

Galátia 5:13

Nyaaramchú, itín mé furinyo Waag hí kí viiyye. Tá mé furitkícho haí kár giri hí balt gón kíchia gaa nyakaridheká ki geymisichoká hôny, hí mé furit gálle hol giel-, hol he ˈdú chichiratká onnoyyo.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Dhesaloníke Erká 1:3

Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

Tímote Erká 1:5

Atim kuuní gáál af tatiyyóóllá héllé gálaat yé ˈdú ˈdeđichoká he gielmit giri hodhin saas mánká yé gáá ˈdeˈdeennoká, ubaa hé ˈdúwa-, gaalí ógká ekenylé, tá iiy yeen ˈdúwa-, nyimisan mánká.

Tímote Erká 4:8

Har káána gon ke he oonisuoká á níínni mare midhíntaka, húgúm Waaˈgiet ˈgany hát lullé he midhab. Har ke húgúm Waaˈgiet ˈguoka, báral ubaa bár ka chiimetóótíá luolmit Waag hí gáál af iđicheká ha ke gaa aargira.

Títo 1:16

Gaal hát he yegetká kieye, nyáá nyí Waag ógo he yegedhe, kor gaal héllé ekemeyóóllá, gálle he gál Waag muogká. Gaal he gál hé Waag hí nébká ekemeyo-, gálaat met ma gaa kekeminy-, hé midhabká ekenyle uritle mánká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 11:17

Abirááyam iiy yeenle ˈdaalleka, af giri Waag hí he af kí dhaaycheká in Waag af ˈduwasie, inylé Yísak kúb suoryoká ˈdú iifie, giri Waag suor ki ˈgaaloká. Har úba Waag mú he af iđiche-, kieye, Hídhkú Yísako yé gáá ˈdeeme, chieka, mu hé inylé ali ka takachallá Waag suor ki hođuoká ma đíin.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Yákob 1:16

Nyaaram chia yú gielallo, haí hol nyimísan.

Yákob 2:16

kor itín mú tikiˈd mú geey-, kieye, Waag ki sí, ˈdéeny hai ko fáminy, hé geere kom, héyyig, mú yie-, kor máá kinaallá hé mú ki ˈgierˈgerneyká hé mú gaa shieká manítaka, hé kinaallá háteeye midhab?

Yákob 2:18

Tá kálmareka, mú tikiˈd hatallá hai yeedhe, Kúún kó iiy yeen ˈgayyo, yú yáá he ekeny ˈguo, hai yeedhe. Ebá iiy yeen kua hé gaa ekemeycho-, mánnallá ye ka argísish, tá yú íín hé chia ekemeyoká iiy yeenchú hai ko aargisicha.

Yákob 2:26

Aaléka, gon sidh manítaka hát kuyyeká it óg. Hát tikiˈdééllá iiy yeen hé gaa ekemeychoká manítaka hai kuyye.

Bétiro ki Naamaká 1:5

ˈDaa giri Waag muun gáál hatal ˈdú ˈjiiyyeká, hát ˈdabaanká laađamíe. Iiy yeenkícho midhánt ˈdú chiˈdíe, midhánt kás ˈdú chiˈdíe,