Yákob 2:1 - Fayam Midhab Yiesu Kiristoká He Hol Af Iđiny Kaanaká

¹ Nyaaramchú, it Máá kúnnaa Guđo ˈdúwa-, Yiesu Kirísto iiy chíéllá haí gál kaamúreká ˈdú ˈdííníminy.

Yákob 2:1 ပူးပေါင်းရင်းမြစ်များ

Matááyo 22:16

Gaal gállé láliká ubaa Heróˈde gállé hí ˈdú ijoká Yíésu ali ˈdú fie, gaal Yíésu geey, kieye, Máá gáál he oonisúóllo! Kuun hát máá hé ˈdúwaká hogodhoká tág nyáá nyí óg, ˈgierim Waaˈgiet hát ˈduwantiká kuuní ˈdiyeenne, kuun kó ˈdeeny gálaat el ma gaa igiriny, gálaat hol eiy ma gaa nanniny.

He Ekeny Gál Alb Fimiká 10:34

Aalé Bétiro gáál ki ˈdiiyime, kieye, Aalé káána yáá hát ˈdabaanká he kimite, Waag hát he gáál mé tikiˈd tákámle ma ˈdú iifinyká.

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

He Ekeny Gál Alb Fimiká 24:24

Aalé ram hol ki sieteká Felíki ubaa minlé ini Yuuˈdi-, gaalí Đúrsila yegie mare hol ká eedhdhe. Mu Báulo gáál ali ˈdú fie. Mu iiy yeen ke Yiesu Kirísto iiy yeget-, Báulo hí ˈdiiyimeká nee koy.

He Ekeny Gál Alb Fimiká 7:2

Aalé Estéfan gáál ˈdéé hol ˈdú nie, kieye, Nyaaramchú ubaa idhaamchú, ye af nee kóo, bár giri héle eshi eshim kúnnaa Abirááyam hátlé giri Háran mé ma níinyká in Waag gúch ˈgayyo-, hol édhum yé gáá ˈdeđichoká mú lés Mesobotámia álle yé ˈdú gáá ˈdiiyye,

Róóma 1:11

Yáá tág hí fiirie, giri yú hí af kí ˈdeˈdeen-, hé shiicho-, Waag Hím Naasanle yé gáá ˈdeˈdeen-, hí fargogínt shiguoká hí aargiˈdaká.

Korínto Erká 2:8

ˈDaalimééllá hé guguch lesalloká hé máá níínní hí eiy nanateká mán. Gaal ˈdaalimééllá eiy nannasânka, hé onnônyka Máá kúnnaa Guđo-, ˈdúúw ˈgúóllá ˈgór đarám yaalká ma ˈdú yegésiny.

Kolosááya 1:4

Hééllá he ˈdaa giri iiy yeen kíchia hí Yiesu Kirísto iiy chieká ubaa gielmit kíchia hí gál Kiristo lulle ka ˈgayyaká nyí maalleká.

Tímote Erká 1:19

Iiy yeen Kirísto ka ˈgayyóóllá tág chíro, hé kuuní óg-, ˈduuˈdúwaká eekémesh. ˈDaa giri gáál ˈbáál héél gil sug ki hayká, in iiy yeenle eiy fufue.

Tímote Erká 5:21

Waag ubaa Yiesu Kirísto tá gál ˈgasso-, urru-, Waag hí waarateká metleka, ha yú ko geey, atim yú ko atíéllá tág chíro, ha gálaat hol eiy gaa nannîny, ˈbaal tírtir ˈdú kokôny, gálatí hélle mé yuyûny.

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Yákob 1:16

Nyaaram chia yú gielallo, haí hol nyimísan.

Yákob 1:19

Nyaaram chia yú gielallo, ˈdeenyééllá mé ka ˈgáa: Máádhat hí gálaat af nee kuokuo, hátlé ˈdéé ma húógonká hí erkob kasso, hí nog siet, hai ál ˈjob gáá iiđídhminy.

Yákob 2:3

itín máá đafaraam hí ˈdabaan kinaal hí argiyyeka, káde, kara midhaballá ˈdú yíéđigo hí cheedhe. Tá máá giri he mánká íín áltí ki ˈdé, hí ma cheenka, nyí ˈgas met gáá yíéđigo hí cheedhe.

Yákob 2:9

Tá har hí gálaat hol eiy gaa nanniyyaka, af kinaalka hé ˈdeewká hí ekeyche. Hemurít hé úba hí hé kinaallá ˈdú ˈdeensete.

Yákob 3:17

ˈDaalim úr yé gáá ˈdeˈdeennoká héllé erká saas mánti, ubaa naanná, tá nog sien, ííni gálaat he ki chiran, ííni met gaa kími, ííni geer guurá ubaa húgúm midhabká, ííni gálaat hol eiy gaa ním mánti, ííni hé leđuđugulleká wuogon.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yúúa 1:16

Gálallá he gál yiirsam fafaat-, ˈdeđint gálaat ka aargiroká. Gaal úba he gál baltle el gaa igiro-, hol memeyo, gálaat in boodhom bubuo-, gálaat he gaa aargiroká.

Kí Edhesiny 14:12

Hééllá ˈdugaka gál Waag hemuumuritle ubaa iiy yeen Yíésu iiy yieká ki ˈgieká hí mé ki chirsat.