Yákob 1:25 - Fayam Midhab Yiesu Kiristoká He Hol Af Iđiny Kaanaká

²⁵ Tá máá ˈdeeny Waaˈgiet-, ˈdúwa-, gáál mé fufuróóllá súm hát ˈdabaanká taalle eiy nannasat-, tá hé maaleká hí in ma ká baađany-, el gaa igiroká, héllé ekemeyoká Waag haí ˈdú ˈgunnuanna.

Yákob 1:25 ပူးပေါင်းရင်းမြစ်များ

Lúka 11:28

Aalé Yíésu kieye, Máá ˈdeeny Waaˈgiet maalo-, tá ˈdéé el gaa veeroká, máá kinaallá ííni súm Waag hí buanne, yie.

Yuána 13:17

Aalé hééllá hí óíyta-, hí ekemeychoka, Waag haí ˈdú ˈgunnuanna.

Yuána 8:36

Yáá Ínyííllá hí mé fureka, mé furit kinaallá he mé furit ˈdúwaká.

He Ekeny Gál Alb Fimiká 13:43

Gaal ˈdiiyiminy eiy gaa kieká gál Yuuˈdi burnayká ubaa gál kidhdho-, nyátál gál Yuuˈdiká tág el gaa igireká Báulo ubaa Barnábas el gaa veere. Báulo ubaa Barnábas gáál ˈdéé net gaa kaay, giri gaal gielmit Waaˈgiet gaa yíéđianká.

He Ekeny Gál Alb Fimiká 2:42

Gál Yíésu iiy yie kinaallá aalé đo gál alb fimiká hol af yíéđie, gáál he onisinyle nee kuokoy, gáál balashá hol ˈgar goolmote, tá hol Waag ˈgar viivite.

He Ekeny Gál Alb Fimiká 26:22

Tá Waag hé ye ˈdú ˈjiiyye, ˈjíig kúlích káána ke gaa ijo-, yú hí metkícho gaa yaal-, yú it kaansúóllá ubaa gál chiallá fayamééllá hí geđúóllá. Móshe ubaa gál Waag hí ˈdeem ka shigicheká hé biiy meto ali kí ˈdeenká ˈdeenylé he huogodhe. ˈDeeny chia yú hogodhóóllá he ˈdeeny tikiˈde gaal íín hí huogodhe kinaallá.

Róóma 11:22

Aaléka, ití argiyye? Waag hé geer ka guurá ˈgayyo, tá gál hí af đuˈdusanká he illo ká aargisicha. Tá itín mu hé hí geer guurá argisie. Aalé har taalle hí mú el gaa igiˈdoka, mu geer guurálle taalle haí aargisia. Tá har hí mú sug ki niiyye-, hí mú điiteka, af kinaalka hát kolm biime-, muí murekáka, ha muí muura.

Róóma 2:13

Aaléka, gál hemuumurit kinaal mamalo-, kor hemuumurít el ma gaa igirinyká, innum Waaˈgietka hé gál ˈdúwaká muuniny. Tá gál hemuumurit kinaal el gaa igiro-, ekemeyoká in Waag innumleka, Waag hí gál ˈdúwaká chegedhe.

Róóma 7:12

Hemuumurit Waag hí gál Yuuˈdi ka shiichééllá íín hé ˈdúwa-, saas mán-, tagléká.

Róóma 8:15

Itín hím naasan hí argiyyééllá hé hím naasan hí gede sierm ˈgayyoká hođichoká muuniny. Itín Hím Naasan Waaˈgiet hí um Waaˈgiet hođichoká hí argiyye. Hím Naasan Waaˈgietallá ˈdaalleka in muun ke Waag, Ába, Baabá, yegedhe.

Róóma 8:2

Aalé itín ˈdaa Yiesu Kiristoka, fargogint Hím Naasan Waaˈgiet hí luolmít shigichóóllá hé fargogint ađaabano hí kúfach mé ki kokoyyoká hé hí gim yé gáá ˈdeeyche.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto ki Naamaká 13:5

Ebá hol ki ˈdoolmitíe har hí iiy yeenkícho ˈgayyoka. Máádhat hí hol dhaayo, har tagle yaalka. Itín Yiesu Kirísto hát hí gaa ijoká it muog? Ebá hát hí tagle ma ˈgiinyká hí hol kimisate?

Galátia 2:4

Tá gál mu hermisatká fedeká he gál điđám ka ˈdie-, muun gáál hurt ká hile-, gáál ka ˈdeey-, mé furit kúnnaa Yiesu Kiristo ki gaa ijóóllá ˈgas egew-, muun gáál nyatalaam Yuuˈdiká mé ki tatuoká.

Galátia 5:1

Kirísto hé muun gáál mé fure, giri ke hemuumurít gim gaa láʼ-, hát Waag hí feˈdoká ke ki ijoká. Aaléka, tág ˈdée, gálaat hai geđ hí hemuumurít mé gimit níiny.

Galátia 6:2

Hol ílsh ˈdú chiichiˈdíe, hí hatallá ˈdiiyyeka, in hí hemurit Kiristo đuusicha.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Tímote Erká 2:15

Min hí umle hát ˈdabaanká ki taal. ˈDég har iiy yeenlé Kirísto ka ˈgayyoká ki ˈgiiyyo-, héétí gielmít ubaa iđiny Waag geer gaa memesichoká, tá siríg ˈgayyoka, rubach hai aargiˈda.

Tímote Erká 4:16

Iđiny kua iđoká ubaa he onisiny kua gáál oonisichoká ˈdeeˈdémo, taalle gaa yíéđig, ˈdaa giri hééllá ekeycheka, ˈdéé ki iđiny Waaˈgiet kúún dhúrkú ubaa gál ko af nee kokuoká ha ká riata.

Héberew 12:15

Tagkícho ˈdée! Máádhat hai Waag el af gaa táminy, ˈdúˈjím Waaˈgiet ˈdábiny. Hurtkícho hai ˈgór heđeʼ-, gáál shalal fafuo-, gál burnayká ˈdeđeneyoká hí gáá ˈdíiny.

Yákob 2:12

Hé hí hogotoká ubaa hé hí ekemeychoká ˈdeemle hát hemuumurit gáál mé fufuˈdoká hí ki iđimichoká onnóo.

Bétiro Erká 2:16

Hát gál Waag hí mé fuˈdeká ka yíéđía, tá mé furit kíchia kinaallá hai mé furit hé ˈdeđewká met yuyuyyoká onnôny, gede Waaˈgiet ka yíéđía.

Yuána Erká 2:24

Itínííllá, fayamééllá he onisinyle hát erkob hí maalleká hí ger gaa yíéđiyyo. Har he onisinyééllá hát erkob hí maalleká hí ger gaa iđoka, af kinaalka it Íny ubaa ˈJaalle taalle gaa iđa.

Kí Edhesiny 14:13

Aalé yú ˈdéé hót úr gaa maale, ˈdéé hót kieye, Hééllá warˈgát gaa véer: Káána ubaa biiy met ki suoyyééllá gál iiy yeenlé ˈdaa Máá Guđo Kirísto ka ˈguoká ˈdaalleka gaal hí yegeská ebá Waag hí ˈdú ˈjiiy! chie. Aalé Hím Naasan Waaˈgiet kieye, Iiy-hí! Gálallá laatlé lađaanallá hefle hai ˈgiita. Gálallá húgúmle ˈduuwle hai hogodho.

Kí Edhesiny 22:14

Gál gielolle ˈjieká ebá Waag hí ˈdú ˈjiiy! Gál kinaallá ˈduuw gálle ˈjien Waaˈgiet karafanolle ki higilo-, ˈgór luolmitiká saanolle kokuoká Waag haí shigicha.